மதுரை மீனாட்சி அம்மன் கோவில் ...! - மதுமிதா

First topic message reminder :

மதுரை மீனாட்சி அம்மன் கோவில்

ஏழு உலக அதிசயங்களுள் ஒன்றாக தேர்வு செய்யப்படவிருந்த கோவில் இது. அருள்மிகு மீனாட்சி அம்மன் திருக்கோவில் தமிழகத்தின் தூங்காநகரமான மதுரை மாநகரில் அமைந்துள்ளது. இக்கோவிலின் மூலவர் சுந்தரேஸ்வரர் ஆவார். சிவபெருமானுக்கு உகந்தது சிதம்பரம் கோவில் என்றால், மீனாட்சி அம்மனுக்கு பெருமை சேர்ப்பது மதுரை.  


இந்தக் கோவில் 1600 ஆண்டு கால பழமை வாய்ந்தது. மேலும் சிவபெருமான் நடராஜராக நடனம் ஆடிய கோவில்களுள் இதுவும் ஒன்று. இது ரஜத(வெள்ளி) சபையாகும். இக்கோவில் நடராஜர் வெள்ளியால் செய்யப்பட்டவர். பல இடங்களில் இடது கால் தூக்கி ஆடிய சிவபெருமான், மதுரையில் பாண்டிய மன்னனுக்காக வலது கால் தூக்கி ஆடினார்.

இக்கோவிலின் தல விருட்சம் கடம்ப மரம். தீர்த்தம் பொற்றாமரை குளமும், வைகை நதியும்.  இக்கோவிலில் சிறப்பு வாய்ந்த முக்குருணி விநாயகர் சந்நிதியும் உள்ளது.


(இந்த பிள்ளையார் மீனாக்ஷி அம்மன் கோவில் கட்டுவதற்காக மண் தோண்டிய இடத்தில இருந்து கண்டு எடுக்க பட்டது....... அந்த இடம் தான் மதுரை யின் மற்றொரு புகழாக  விளங்கும் தெப்பக்குளம்)
தல வரலாறு:
    மலயத்துவச பாண்டியனும் அவன் மனைவி காஞ்சனமாலையும் புத்திர யாகம் செய்த போது, அக்னியில் இருந்து பார்வதி தேவி குழந்தையாகத் தோன்றினாள். முன்ஜென்மத்தில் காஞ்சனமாலைக்கு செய்து கொடுத்த சத்தியத்தின் காரணமாக பார்வதி தேவி அக்னியில் இருந்து வெளிப்பட்டதாக சிலர் கூறுவர்.  அக்னியில் இருந்து தோன்றிய பார்வதிக்கு மூன்று மார்பகங்கள் இருந்தன, இதனைக் கண்டு அதிர்ச்சியுற்றான் பாண்டிய மன்னன். அப்போது ஒரு குரல் ஒலித்தது. அவள் எப்போது தன் கணவனை காண்கிறாளோ அப்போது அந்த மூன்றாவது மார்பு மறைந்துவிடும் என்று அந்த குரல் கூறியது. பாண்டியன் மன்னன் மனமகிழ்ச்சியுடன் அந்த குழந்தைக்கு தடாகை என்று பெயரிட்டு வளர்த்து வந்தான். அக்குழந்தை போர்க்கலை,சிற்பக்கலை, குதிரையேற்றம் முதலான ஆய கலைகள் அறுபத்து நான்கையும் கற்று வளர்ந்தாள்.

தடாகைக்கு முடிசூட்ட நினைத்தான் பாண்டிய மன்னன். அக்கால வழக்கப்படி அவள் மூவுலகிலும் எட்டுத்திசையிலும் போரிட்டால்தான் மூடிசூட்டிக்கொள்ளமுடியும். எனவே போருக்கு சென்று தடாகை, பிரம்மன் வீற்றிருக்கும் சத்தியலோகத்தையும், திருமால் வீற்றிருக்கும் வைகுந்த்தத்தையும் வென்றாள். கைலாசத்துக்கு சென்ற போது அங்கிருந்த சிவபெருமானைக் கண்டு வெட்கப்பட்டாள், அவளுடைய மூன்றாவது மார்பு மறைந்துவிட்டது. இதன் காரணத்தை அறிந்த தடாகை, தான் பார்வதியின் மறுவடிவம் என்பதை உணர்ந்து கொண்டாள்.  சிவபெருமானுடன் மதுரை வந்து மூடிசூட்டிக்கொண்ட பின்னர் சிவபெருமானையே மதுரையில் திருமால் தலைமையில் திருமணம் செய்துகொண்டாள்.

(மேலும் சிவ பெருமானின் பல திருவிளையாடல்கள் இத்தலத்தில் நடைபெற்றது என்ற சிறப்பும் உண்டு, அவற்றின் கதைகளை நாம் இக்கோவிலில் சுவாமி சன்னிதானத்தை சுற்றிலும் சுவரில் சிலைகளாகவும், ஓவியங்களாகவும் காணலாம், அதேப் போன்று மீனக்ஷி அம்மனின் வாழ்க்கை வரலாறை அம்மன் சந்நிதானத்தில் காணலாம்,  )

ஆனால் இக்கோவில் பூர்வீக கோவில் அல்ல..... மீனக்ஷி சுந்தேர்ஸ்வரர் கோவில் சிம்மகல்-ல் சிரிதாக இருக்கும்.... பிற்காலத்தில் மன்னர்கள் தங்களது கட்டிட கலை மற்றும் ஓவிய கலை போற்றும் வகையில் இக்கோவில் விரிவு படுத்த பட்டது....)
மேலும் ஆயிரங்கால் மண்டபம் 100 கால் மண்டபம், புது மண்டபம், கிளி மண்டபம், உஞ்சல் மண்டபம், கொலு மண்டபம்,கல் யானை  என்ற பல இடங்கள் கோவிலுகுள்ளேயும் வெளியேயும்  உள்ளன அவற்றை பற்றி அடுத்த பதிவில் கூறுகிறேன்



என்னுடைய காலேஜ் project  இக்கோவில் பற்றி தான் ஆனால் இவற்றை பகிர்ந்து கொள்ளும் எண்ணம் வரவில்லை நேற்று சிவா அண்ணா தகவல் இருந்தால் பரிமாறுங்கள் என்று கேட்டு கொண்டவுடன் தான் இந்த எண்ணம் வந்தது.... (நன்றி சிவா அண்ணா)எனக்கு தெரிந்த சில விஷயங்களை பகிர்ந்து கொள்வதில் மிக்க மகிழ்ச்சி அடைகிறேன்..... நண்பர்களுக்கும் இக்கோவில் பற்றி தெரிந்த கருத்தினை பகிர்ந்து கொண்டால் நானும் அறிந்து கொள்வேன்      

63 நாயன்மார்கள் மண்டபம்:
63 நாயன்மார்கள் மண்டபம் 1569 ஆம் ஆண்டு அரியானதா முதலியார் என்பவரால் கட்டப்பட்டது. இது சுவாமி சந்நிதிக்கு தெற்கு பகுதியில் வரிசையாக உள்ளது. இதில் சேக்கிழார் மற்றும் 63 நாயன்மார்களின் சிலை வரிசையாக உள்ளது.

வன்னியடி நடராஜர் மண்டபம் :

வன்னியடி நடராஜர் மண்டபம், மஹாலக்ஷ்மி மற்றும் பைரவர் சந்நிதிக்கு இடையில் சுவாமி சந்நிதி சுற்றி வரும் வழியில் வடக்கு பகுதியில் உள்ளது. இது 1563 ஆம் ஆண்டு செல்ல பொன்மணிக்கம் என்பவரால் கட்டப் பட்டது.

100 கால் மண்டபம்:
100 கால் மண்டபம் அல்லது நாயக மண்டபம்  சுவாமி சந்நிதிக்கு வடக்கில் உள்ளது. இதில் 100 தூண் உள்ளதால் இப்பெயர் பெற்றது. இம்மண்டபம் 1526 ஆம் ஆண்டு சின்னப்பா நாயக்க்ரால் கட்டப்பட்டது. (இங்கு அதிகாலை / மாலையில் யோக கிலாஸ் நடைபெறும் சரியாக தெரியவில்லை).

MADHUMITHA wrote:

சாந்தன் wrote:உங்கள் முனைவர் பட்டம் மீனாக்ஷி கோவில் பற்றியதா சகோதரி ....
இவ்வளவு விஷயங்கள் திரட்டி வைத்துள்ளீர்கள் ... நன்றி ..
இவை அனைத்தும் கடைசியில் ஒரு பிடிஎப் கோப்பையாக தந்தால் சேமித்து வைத்து கொள்ள உதவியாக இருக்கும் .. இல்லையென்றாலும் கூட நான் சேமித்து கொள்வேன் ...
நல்லதோர் பதிவு .. தகவல்கள் .. தொடருங்கள் ....

இல்லை அண்ணா என்னுடைய ப்ராஜக்ட் interior decoration பாரம்பரிய interior design பற்றி .... அதற்கு நான் தேர்ந்தெடுத்த இடம் தான் மீனாக்ஷி அம்மன் கோவில்... என்னிடம் பி‌டி‌எஃப் இருக்கிறது ஆங்கிலத்தில் வேண்டும் என்றால் உங்களுக்கு அனுப்புகிறேன் அண்ணா.

இல்லை வேண்டாம் .... கடைசியில் இதையே நான் தொகுத்து ஒரு பிடிபி பைலாக வைத்து கொள்கிறேன்

திருஞானசம்பந்தர் மண்டபம் :
திருஞானசம்பந்தர் மண்டபம், கிருஷ்ணா வீரப்ப நாயக்கரால் (1564-1572) கட்டப்பட்டது. சுவாமி சந்நிதிக்கு தெற்கில் உள்ளது. இம்மண்டபத்தில் திருஞாசம்பந்தர், திருநாவுக்கரசர், சுந்தரர், மாணிக்கவாசகர் மற்றும் நெடுமாற பாண்டியன் (கூன்பாண்டியன்), மங்கயர்க்கரசியர் , குலசிராயர் and மூர்தி நாயனார் ஆகியோரின் சிலைகள் உள்ளது..

சிறப்புப் பதிவாளர் என்ப்தை இப்பதிவின் மூலம் நிரூபித்துவிட்டீர்கள்! நல்ல தகவல்கள்! 

பார்த்திபன் wrote:சிறப்புப் பதிவாளர் என்ப்தை இப்பதிவின் மூலம் நிரூபித்துவிட்டீர்கள்! நல்ல தகவல்கள்! 

நன்றி அண்ணா

பார்த்திபன் wrote:சிறப்புப் பதிவாளர் என்ப்தை இப்பதிவின் மூலம் நிரூபித்துவிட்டீர்கள்! நல்ல தகவல்கள்! 

 
பொறுப்பு கொடுத்து பாருங்கள்.... 
எனது சிறப்பை காட்டுகிறேன் என 
நெருப்பாக கூகிளில் தேடி
விறுப்பாக பதிவிடும் 

மது என்று தமிழராலும்
ஸ்பிரிட் என்று ஆங்கிலேயராலும்  
அழைக்கபடும் இவர்கள் 
உண்மையில் ஸ்ப்ரைட் குடித்தவரோ

ராஜு சரவணன் wrote:
பொறுப்பு கொடுத்து பாருங்கள்.... 
எனது சிறப்பை காட்டுகிறேன் என 
நெருப்பாக கூகிளில் தேடி
விறுப்பாக பதிவிடும் 

மது என்று தமிழராலும்
ஸ்பிரிட் என்று ஆங்கிலேயராலும்  
அழைக்கபடும் இவர்கள் 
உண்மையில் ஸ்ப்ரைட் குடித்தவரோ

நன்றி அண்ணா

ஆனால் கொஞ்சம் தான் கூகிள் தேடியது .... மற்றவை நானே நேரில் சென்று மீனாக்ஷி அம்மன் கோவில் சென்று அங்கு அனுமதி வாங்கி அங்கு உள்ள நிர்வாக குழுவினரின் உதவியாலும், என்னுடைய புரொஃபசர் உதவியாலும், என் அப்பாவின் உதவியாலும் தெரிந்து கொண்ட தகவல்கள்.

MADHUMITHA wrote:

ராஜு சரவணன் wrote:
பொறுப்பு கொடுத்து பாருங்கள்.... 
எனது சிறப்பை காட்டுகிறேன் என 
நெருப்பாக கூகிளில் தேடி
விறுப்பாக பதிவிடும் 

மது என்று தமிழராலும்
ஸ்பிரிட் என்று ஆங்கிலேயராலும்  
அழைக்கபடும் இவர்கள் 
உண்மையில் ஸ்ப்ரைட் குடித்தவரோ

நன்றி அண்ணா

ஆனால் கொஞ்சம் தான் கூகிள் தேடியது .... மற்றவை நானே நேரில் சென்று மீனாக்ஷி அம்மன் கோவில் சென்று அங்கு அனுமதி வாங்கி அங்கு உள்ள நிர்வாக குழுவினரின் உதவியாலும், என்னுடைய புரொஃபசர் உதவியாலும், என் அப்பாவின் உதவியாலும் தெரிந்து கொண்ட தகவல்கள்.

சூப்பர் மது இதுக்கு தான் கேட்டேன்.
நல்லா வேலை செஞ்சுருக்கீங்க