சர்வர் -சின்னக்கதை

கவிஞர் கே இனியவன் · 13/06/2013

“ஆர்டர் கொடுத்து, இருபது நிமிடங்கள் ஆவுது.
சர்வர் இன்னும் நான் கேட்டதைக் கொண்டு வரவில்லை.
இந்த மாதிரி சின்னப் பையன்களை வச்சுக்கிட்டு ஓட்டல்
நடத்தினால் வர்றவங்க பட்டினியால் சாக வேண்டியதுதான்’
என்று முதலாளியிடம் கோபமாக கத்திவிட்டு எழுந்தார்
சக்கரபாணி.
-
“ஏண்டா சோம்பேறி! அவருக்குப் பின்னாடி ஆர்டர்
கொடுத்தவங்களுக்கெல்லாம் கொண்டுவந்துட்டு, சாரை
மட்டும் வெயிட் பண்ண வச்சுட்டே!’ தன் பங்குக்கு, சர்வர்
குமாரை முதலாளி கடிந்து கொண்டார்.
-
“டென்ஷன் ஆகாதீங்க முதலாளி. சர்க்கரை வியாதிக்கு
சாப்பிட வேண்டிய மருந்தை நான்தான் நேற்று உங்களுக்கு
பக்கத்து பார்மஸியில் வாங்கி வந்தேன். அந்த மாத்திரையை
விழுங்கி, இருபது நிமிடங்களுக்குப் பிறகுதான், டிபன்
சாப்பிடணும்னு நீங்க சொன்னீங்க.
-
சாரும், அதே மாத்திரையைத்தான் இங்கு வந்து உட்கார்ந்ததும்
வாயில் போட்டுக்கிட்டார். இருபது நிமிடங்களுக்கு பிறகு
சாப்பிட்டால் தான், மாத்திரையின் எஃபெக்ட் இருக்கும்.
அதனால்தான் லேட் பண்ணேன். தப்பா இருந்தால் மன்னிச்சுடுங்க…’
என்று அவர்களைப் பார்த்து குமார் கைகளைக் கூப்பினான்.
-
“தீயா வேலை செய்யற குமாரு நீ நல்லா வருவே’ என்று
இருவரும் அவனை பாராட்டி, கூலாயினர்.
-
——————————–
- எஸ். ராமன்
நன்றி: குமுதம்

manikandan.dp · manikandan.dp Mon Jul 15, 2013 9:48 am

தீயா வேலை செய்யற குமாரு.......... சூப்பருங்க

சர்வர் -சின்னக்கதை

சர்வர் -சின்னக்கதை

Re: சர்வர் -சின்னக்கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக