மதுரையும் துணுக்கு செய்திகளும்....!

**மதுமிதா** · **மதுமிதா** Sun Jul 14, 2013 11:48 am

First topic message reminder :

இரண்டு திசைகள்; ஒரே மாதிரி ஓவியம்!

மதுரை மீனாக்ஷி அம்மன் கோயிலில் அம்மன் சன்னதிக்கு விபூதி விநாயகர் சிலைக்கு இடைப்பட்ட பகுதியில் பல ஓவியங்கள் வரையப்பட்டுள்ளன.... அவற்றில் சுழலும் லிங்கமும், சுழலும் நந்தியும் குறிப்பிடத்தக்கது.. விபூதி விநயாகரை தரிசனம் செய்து விட்டு வரும் வழியில் மேல வரையப்பட்டுள்ள சுழலும் லிங்கமும், சுழலும் நந்தியை பார்த்தால் நம்மை பார்ப்பதுப் போன்று இருக்கும். அதேப் போன்று அம்மன் சன்னதி பகுதியில் இருந்து விபூதி விநாயகர் இருக்கும் இடம் நோக்கி வந்தால் இந்த இரண்டு ஓவியங்களும் நம்மை பார்ப்பது போல் இருக்கும். அதாவது இரண்டு திசைகளில் இருந்து பார்த்தாலும் நம்மை பார்ப்பது போல் இருப்பது தனி சிறப்பு...

சுழலும் லிங்கம்

மதுரையும் துணுக்கு செய்திகளும்....! - Page 2 Jhlm

மதுரையும் துணுக்கு செய்திகளும்....! - Page 2 Jhlm

சுழலும் நந்தி

மதுரையும் துணுக்கு செய்திகளும்....! - Page 2 Pyf7

**மதுமிதா** · **மதுமிதா** Sun Jul 14, 2013 2:06 pm

மகாத்மாவும், மதுரையும்:

மதுரையும் துணுக்கு செய்திகளும்....! - Page 2 F4l3

மகாதமாவுக்கும், மதுரைக்கும் நிறைய நெருக்கமான தொடர்பு உண்டு. அரை ஆடை அணிய அவர் முடிவெடுத்தது மதுரையில் தான். 1921ம ஆண்டு செப்டெம்பர் மாதம் ரயிலில் மதுரைக்கு வந்தார். அலங்காநல்லூர், சோழவந்தான் பகுதியை கடக்கும் போது பட்டி தொட்டிகளில் வசித்த பாமர மக்கள் உடுத்த உடையின்றி தவிப்பதைக் கண்டு மனம் வெதும்பினார், வறுமையில் வாடித்தவிக்கும் பாமரர்களில் தானும் ஒருவர் என்பதை உணர்த்த இனிமேல் அரை ஆடை மட்டுமே அணிவது என முடிவு செய்தார். அன்று முதல் இறக்கும் வரை காந்தி அரை ஆடை தான் அணிந்தார் . அதேபோல் 1946ம ஆம்டு பிப்ரவரி மாதம் மதுரைக்கு வந்த காந்தி மீனாக்ஷி அம்மன்கோவிலுக்குச் சென்றார். இவ்விரு சம்பவங்களை நினைவூட்டும் வகையில் மதுரை ரயில் நிலைய டிக்கெட் கவுண்டர் அருகே கல்வெட்டு அமைக்கப்பட்டு உள்ளது. ரயில் நிலையத்திற்கு வருபவர்கள் யாராக இருந்தாலும், அவர்கள் கண்களில் கல்வெட்டு படாமல் இருக்காது. இங்கு காந்தி தொடர்பான கருப்பு, வெள்ளை படங்களையும் மாட்டி வைத்திருக்கிறார்கள்.

**மதுமிதா** · **மதுமிதா** Sun Jul 14, 2013 2:27 pm

தென்மாவட்டத்தின் ஒரே அரங்கம் :

மதுரையும் துணுக்கு செய்திகளும்....! - Page 2 Ue1k

மதுரையில் காந்தி ம்யூசியம் அமைக்கப்பட்ட போதே, சினிமா போன்ற தியட்டரை போன்ற திறந்த வெளி அரங்கத்தையும் கட்டினர். மண் தரையிலோ, இருக்கைகள் போட்டோ இந்த அரங்கில் ஒரே நேரத்தில் 8,000 பேர் அமர முடியும். கீழிலிருந்து மேலாக படிப்படியாக சரியான அளவில் உயரம் ஏற்படுத்தி, எங்கிருந்து பார்த்தாலும் மேடையை நோக்கிய ஒரே பார்வை தருகிற அரங்கம் தென்மாவட்டத்திலயே இது ஒன்று தான். ஜவஹர்லால் நேரு, இந்திரா காந்தி தொடங்கி இன்றைய முதல்வர் வரை திறந்தவெளி அரங்க மேடையை காணாத தலைவர்கள் இல்லை. தேசிய மாநில கலை விழாக்கள், பழங்கால, நவீன நாடகங்கள், மேஜிக் ஷோக்கள், உலகத் தமிழ் மாநாட்டுக்காக திரை கட்டி காட்டபட்ட சினிமாக்கள் என இந்த மேடையில் தென் மாவட்ட மக்கள் காணாத நிகழ்ச்சிகளே இல்லை. இன்றைக்கு நசிந்திருக்கிற காந்தி மியுசியத்துக்கு தன் வாடகை வருவாய் மூலம் பொருளாதார உதவி வழங்கும் ஒரு புதல்வனக இந்த அரங்கு தன் பணியை தொடர்கிறது.