கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி

by ராஜு சரவணன் Thu Jul 11, 2013 6:43 pm

தற்போது ஸ்மார்ட்போன்கள் வெகுவாக பல வசதிகளை நமக்கு அளித்து வருகிறது , அதனுடன் பல மின்னணு சாதனங்களை இணைத்து பயன்படுத்துவது இன்னும் ஒரு கூடுதல் நன்மையாகும். குறிப்பாக கணனி - ஆன்ராய்டு ஆகிய சாதனங்களை WIFI கொண்டு தொலைமுக(Remote) முறையில் இணைத்து அதன் மூலம் கோப்புகளை இவைகளுக்கிடையே பரிமாறிக்கொள்வதுக்கென பல ஆன்ராய்டு பயன்பாடுகள்(Apps) கூகிள் சந்தையில் இலவசமாக கிடைக்கின்றன. இந்த பதிவில் கணனி - ஆன்ராய்டு இணைக்கும் தொலைமுக(Remote) பயன்பாடுகளை பற்றி தெரிந்துகொள்ளபோகிறோம். இந்த பயன்பாடுகள் சோதனை செய்யப்பட்டு உங்களுக்காக அதை பற்றிய விவரங்களை இங்கு பதிகிறேன். இதில் உங்களுக்கு பிடிக்கும் பயன்பாட்டை நிறுவி பயன்பெறலாம்.

ஏர்டிரையோட் - AirDroid

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி 7pj

ஸ்மார்ட்போன்களின் உள்ளடக்கத்தை திறம்பட நிர்வகிக்கும் ஒரு சிறந்த பயன்பாடு.இது பின்வரும் வசதிகளை கொண்டுள்ளது.

- போனின் காமிராவை கணனியுடன் இணைப்பது.
- அழைப்புகளின் பதிவை (Call Log) கணனியில் பார்ப்பது.
- SMS சை கணனியில் பார்ப்பது புதிய SMS அனுப்புவது.
- போனின் கோப்புகளை கணனியில் பார்ப்பது.
- பேட்டரியின் சார்ஜ் அளவுகள் அதை பற்றிய தகவல்கள்
- போனின் சமிங்கை(Signal) விவரங்கள்.
- போனின் முதன்மை விவரங்கள் (specification)

போன்ற தகவல்களை http://web.airdroid.com/ என்ற இணையதளம் சென்று கூகிள்,பேஸ்புக்,ட்விட்டர் கணக்குகளில் லாகின் செய்து பார்க்கலாம். அதற்க்கு முன்னர் இந்த பயன்பாட்டை போனில் நிறுவி கொள்ளுங்கள்

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி L0qz

3CX ஆன்ராய்டு ரிமோட் டெஸ்க்டோப் (3CX Android Remote DeskTop)

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி E3m

இதுவும் மிக சிறந்த பயன்பாடு. மிகவும் எளிதான முறையில் FTP இணைப்பு கொண்டு போனின் திரையை நமது கணனியுடன் இணைகிறது. பயன்பாட்டை நிறுவி திறக்கும் போது காட்டும் ftp முகவரியை கணனியின் உலவியில்(Browser) போட்டு பயன்படுத்தவேண்டும். இதில் சென்ற பயன்பாட்டின் அனைத்து வசதிகளும் மேலும் Shell Command வசதியும் உள்ளது. இது சில மேம்பட்ட பயனாளர்களுக்கு பயன்படும். இந்த பயன்பாட்டிற்க்கு ஃபோன் Rooting செய்திருப்பது அவசியம்.

ஸினப்பியா(SnapPea)

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி P5me

சிறந்த எளிமையான அனைவரையும் கவரும் பயன்பாடு.இது அழகான இடைமுகம்(InterFace) கொண்டது.

- காமிராவை கையாள்வது.
- எஸ்‌எம்‌எஸ் சமந்தமான வேலைகள்
- முகவரி புத்தகம் (Address Book) சமந்தமான வேலைகள்
- நிருவியுள்ள பயன்பாடுகள் பற்றிய தகவல்கள்

போன்ற சேவைகளை இது அளிக்கிறது. இதற்க்கு நமது கணனியில் http://web.snappea.com/ என்ற வலைவரியை டைப் செய்து ஃபோன் பயன்பாட்டில் காண்பிக்கும் கடவு சொல்லை கொடுத்து ஆரம்பிக்கவேண்டும்.

வெப்கி(WebKey)

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி Li8

இந்த பயன்பாடு அந்தளவிருக்கு சொல்லும்படியான இடைமுகம் (InterFace) கொண்டதல்ல, இருந்தாலும் நல்ல சில வசதிகளை கொடுக்கிறது. அதாவது ஜிபிஎஸ் டிராக்கிங், கோப்பு நிர்வாகம், அழைப்புகள், எஸ்‌எம்‌எஸ் போன்ற வசதிகளை தருகிறது. இதை பயன்படுத்த ஃபோன் Rooting செய்யப்பட்டிருக்க வேண்டும். http://webkey.cc/ என்ற இணையதளத்தில் பதிவு செய்து பின்னர் பயன்படுத்தலாம்.

மொபைல்கோ (MobileGo)

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி 38yw

மொபைல்கோ கணனியுடன் மிகவும் நெருக்கமுடையது. மேற்கூறிய பயன்பாடுகள் போல் அல்லாமல் இதை பயன்படுத்த இதற்கென இருக்கும் பயன்பாட்டை கணனி மற்றும் போனில் நிறுவவேண்டும்.இது ITune பயன்பாட்டை போன்றது. மேலும் மற்ற பயன்பாட்டில் உள்ள அனைத்து வசதிகளும் உண்டு, தொலைமுக(Remote) கட்டுப்பாடு இன்றி.

டீம்வீவர் குயிக் சப்போர்ட்( TeamViewer QuickSupport)

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி Xbe9

கடைசியாக நாம் பார்க்கப்போகும் பயன்பாடு டீம்வியூவர், தொலைமுக கட்டுப்பாட்டுக்கு சிறந்த பயன்பாடு. இதை நாம் போனிலும் கணனியிலும் நிறுவ வேண்டும். இணைப்பில் நாம் சிரமமில்லாமல் இணையதள பக்கங்களை பார்வையிட முடியும் , அதனுடனான புல்-டவுன் மெனு (Pull Down Menu) போன்ற வசதிகளும் உண்டு. கோப்புகளை கையாளுதல், நமது வேலைகளை வீடியோவாக பதித்தல், வேறு ஒரு பயனாளரை இணைத்தல் போன்ற பல வசதிகளை கொண்டது. மேலும் இது தற்போது SAMSUNG போனில் மட்டும் பயன்படுத்த முடியும் என்ற குறை உள்ளது.கணனிக்கு தேவையான பயன்பாட்டை www.teamviewer.com/it/ என்ற இணய தளத்திலும், போனுக்கு வேண்டிய பயன்பாட்டை PlayStore இல் இருந்தும் தரவிறக்கி கொள்ளலாம்.

by யினியவன் Thu Jul 11, 2013 10:32 pm

கணினி, அலைபேசி பண்டமாற்று நன்று டெக்லஸ்

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி

கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி

Re: கணினியிலிருந்து உங்கள் ஆன்ராய்டு சாதனத்தை கட்டுப்படுத்தவது எப்படி