"I love you so much"….கதறி அழும் திவ்யா….!

ராஜு சரவணன் · ராஜு சரவணன் Sat 13 Jul 2013 - 0:36

இளவரசன் தனக்குக் கடைசியாக எழுதிய கடிதம் குறித்து கேள்விப்பட்டு அவரது காதல் மனைவி திவ்யா கதறி அழுபடி இருப்பதாக தெரிவிக்கப்படுகிறது . அவருக்கு ஆறுதல் சொல்ல வழி தெரியாமல் குடும்பத்தினர் திகைத்துப் போயுள்ளனர். இளவரசன் மரணம் தற்கொலை என்பது கிட்டத்தட்ட உறுதியாகி வருகிறது. இதுதொடர்பாக அவர் எழுதிய கடைசிக் கடிதங்கள் என்று போலீஸார் சிலவற்றை வெளியிட்டுள்ளனர். இவை உண்மையிலேயே இளவரசன் எழுதியதா என்பது குறித்து ஆராய தடயவியல் சோதனைக்கும் உத்தரவிடப்பட்டுள்ளது. இந்தநிலையில் இளவரசனின் கடிதம் குறித்து அறிந்து திவ்யா கதறி அழுது வருகிறாராம். தன் மீது இத்தனை உயிராக இருந்த இளவரசனை பலி கொடுத்து விட்டோமே என்ற வேதனையில் திவ்யா இருப்பதாக கூறப்படுகிறது. இளவரசன் மூன்று கடிதங்களை எழுதி வைத்துள்ளார். திவ்யாவுக்கு, பெற்றோருக்கு, தனது அண்ணன் பாலாஜிக்கு என்று எழுதியுள்ளார்.

இளவரசன் எழுதியதாக கூறப்படும் இந்தக் கடிதம் இதுவரை திவ்யாவிடம் காட்டப்படவில்லை. அதைக் காட்ட போலீஸார் திட்டமிட்டுள்ளதாக தெரிகிறது. ஆனால் இதுதொடர்பாக வெளியாகி வரும் செய்திகளைக் கேட்டும், படித்தும் திவ்யா குமுறி அழுதபடி இருக்கிறாராம். அவரை உறவினர்கள் தேற்றி வருவதாக கூறப்படுகிறது.