என் காதலன்!

by யாழ்மொழி Thu Jul 11, 2013 5:08 pm

சின்ன சின்ன
தூரல்களால்
தேகம் மொத்தம்
தேன் ஊற்றுகிறான்.

மங்கை எனை
அலங்கரிக்க
மழைத் துளி - எனும்
மணிகள்
சிந்துகிறான்!

குளிர்
காற்றெனும்
கரங்கள் கொண்டு
எனை!
கட்டித் தழுவுகிறான்!

மல்லிகை வாசமாக
மண் வாசம் வீச
செய்கிறான்!

நடுக்கத்தில் நான்
விலகும் நேரம்
மோகத்தில் - தன்
முகம் கருக்கிறான்.

உச்சி தொடர்ந்து
நெற்றி அடைந்து - நெஞ்சப்
பள்ளத்தில் வளைந்து
சிற்றிடை வழி நெளிந்து
உள்ளங்கால் வரை
பயணம் செய்கிறான்!

சில்லென சில்லென
சின்னவள் உடலெங்கும்
செல்லமாய் பல
முத்தம் பதிக்கிறான்.

நாணத்தில் எனை
மறந்த நேரம்
நாளமெங்கும்
கலந்துவிட்டான்!

எத்தனையோ போராடியும்
எனைத் தொப்பரையாய்
நனைத்து விட்டான்!
மழை எனும் - என்
மென்மையான காதலன்.

by **ஜாஹீதாபானு** Thu Jul 11, 2013 5:13 pm

மழைக் கவிதை ரொம்ப அருமை யாழ் சூப்பருங்க

by யாழ்மொழி Thu Jul 11, 2013 5:19 pm

நன்றி அக்கா!

நேற்று நல்ல மழை
நல்லா நனைஞ்சுட்டேன்
சே! சே! இந்த மழை
என்னை இப்படியா
காதலிக்கனும்
அத்தனை ஆசையும்
மொத்தமா கொட்டுதேனு
எனக்குள்ள எழுந்த
கேள்வி கவிதையா மாறிடுச்சி!
----- யாழ்மொழி

by **ஜாஹீதாபானு** Thu Jul 11, 2013 5:19 pm

யாழ்மொழி wrote:நன்றி அக்கா!

நேற்று நல்ல மழை
நல்லா நனைஞ்சுட்டேன்
சே! சே! இந்த மழை
என்னை இப்படியா
காதலிக்கனும்
அத்தனை ஆசையும்
மொத்தமா கொட்டுதேனு
எனக்குள்ள எழுந்த
கேள்வி கவிதையா மாறிடுச்சி!
----- யாழ்மொழி

ஆஹா அனுபவக் கவிதையா?

by யாழ்மொழி Thu Jul 11, 2013 5:24 pm

ஆமாம் அக்கா!

by **மதுமிதா** Thu Jul 11, 2013 5:36 pm

அருமை யாழ்

by vimalav Thu Jul 11, 2013 5:43 pm

அடடாடா.... என்ன கவிதை அக்கா இது ? மிக மிக அற்புதம் அருமையிருக்கு

அந்த மழையில நான் நினைலயே அழுகை

பரவாயில்ல உங்க கவிதை மழையில நினைஞ்சிட்டேனே புன்னகை

by யாழ்மொழி Thu Jul 11, 2013 6:55 pm

ஒரு உண்மை சொல்லட்டுமா விமலா!
அக்கா என்று அழைக்க தான் இதுவரை ஒரு தங்கை
எனக்கு எந்த தளத்திலும் கிடைக்கவில்லை. அந்த வகையில் உன் அன்பு மழையில் இன்று சொட்ட சொட்ட நனைந்து விட்டேன். நன்றிமா!
-------- யாழ்மொழி

by யாழ்மொழி Thu Jul 11, 2013 6:55 pm

நன்றி! நன்றி!! மது.
--------- யாழ்மொழி

by **கரூர் கவியன்பன்** Thu Jul 11, 2013 7:06 pm

நடுக்கத்தில் நான்
விலகும் நேரம்
மோகத்தில் - தன்
முகம் கருக்கிறான்.

உச்சி தொடர்ந்து
நெற்றி அடைந்து - நெஞ்சப்
பள்ளத்தில் வளைந்து
சிற்றிடை வழி நெளிந்து
உள்ளங்கால் வரை
பயணம் செய்கிறான்!

சில்லென சில்லென
சின்னவள் உடலெங்கும்
செல்லமாய் பல
முத்தம் பதிக்கிறான்.

நாணத்தில் எனை
மறந்த நேரம்
நாளமெங்கும்
கலந்துவிட்டான்!