வாழ்க்கை

by **சிவா** Tue Feb 17, 2009 1:24 am

வாழ்க்கை..

இதன் அர்த்தம்தான்
என்ன?

ஜனனம்,
மரணத்தை நோக்கி
மெல்ல நகர்கிறதே..
அதுதான் வாழ்க்கையா?

உறக்கத்தில் கூட
சுவாசிக்கிறானே மனிதன்..!
சுவாசிப்பதுதான் வாழ்க்கையா?

பசியை போக்க
பத்தும் செய்கிறானே..
எனின்..
புசிப்பதுதான் வாழ்க்கையா?

"கடலைக் கடப்பேன்..
நெருப்பில் நடப்பேன்..
நினைவில் மட்டும்
நீயிருந்தால்..
ஏவுகணைகளையும் எதிர்த்திடுவேன்.."
பொய்யாய் புலம்புகிறானே
காதலன்..
காதல்தான் வாழ்க்கையா??

தீமை செய்யாதே..
இறந்தால் நரகம்!
நன்மை செய்..
செத்தால் சொர்கம்!

ஆயின்..
வாழ்க்கை
மரணத்தில் மட்டுமே
விளங்குமா...?!!

எது வாழ்க்கை..?
விவாதிப்பதில்
விருப்பமில்லை எனக்கு!

வெற்றிடத்தை
காற்று நிரப்பும்!
இது விதி..

வாழ்க்கையை,
அன்பு நிரப்பும்..
ஒழுக்கம் நிரப்பும்..
பண்பு நிரப்பும்..
பாசம் நிரப்பும்..
கடமை நிரப்பும்..
காதலும் நிரப்பும்..
அமைதி நிரப்பும்..
ஆசையும் நிரப்பும்..!

இயற்கையோடு
நாம் செய்துகொண்ட
இடைக்கால ஒப்பந்தமே
வாழ்க்கை..

இதில்
ஆசைகளை கடந்துவிட்டால்..
பின் எதற்கு வாழ்க்கை?!

காதல் இல்லா
வாழ்க்கை..
கருத்தில்லாத கவிதை
போன்றது..

கடமை இல்லா
வாழ்க்கை..
கணக்கு இல்லாத
கல்வி போன்றது!

அன்பில்லாத
வாழ்க்கை..
'ழ'கரம் இல்லா
தமிழ் போன்றது...

அர்த்தம் இல்லாத
வாழ்க்கை..
ஆண்டவனே இல்லாத
மதம் போன்றது..!!

ஆசைகளை
அர்த்தப்படுத்துங்கள்..
வாழ்க்கையை
சுத்தப்படுத்துங்கள்...!!!

-அன்புடன் கிருஷ்ணமூர்த்தி

by KMC Tue Feb 17, 2009 2:26 am

உங்கள் கவிதை மிக அருமை, எனக்கு இந்த கவிதையை எடுத்துக்கொன்டு என்னுடைய பிளாக்கில் போட வேன்டும் போலிருக்கு, அனுமதி தாருங்கள்

by **Admin** Tue Feb 17, 2009 4:15 am

வருகைக்கு நன்றி நண்பா!
இந்த கவிதை நண்பர் கிருஷ்ணமூர்த்தி எழுதியது.
எனவே தாங்கள் அனுமதி பெறவேண்டியது கீழ்கண்ட இணையத்தில் தான்.

http://kavithamil.blogspot.com

நன்றி.

by kmc Tue Feb 17, 2009 12:39 pm

nandri Nanbaa

by Krishnamoorthy Tue Feb 17, 2009 10:12 pm

நண்பரே..

எனது கவிதைகளை உங்கள் அகப்பக்கத்தில் காண்பதில் மிக்க மகிழ்ச்சி! நன்றியுடையவனானேன்..!

கிருஷ்ணமூர்த்தி

by **Admin** Tue Feb 17, 2009 11:22 pm

தங்களின் கவிதைகளுக்கு ஈகரை இணையத்தில் நல்ல வரவேற்பு கிடைத்துள்ளது. உங்களின் ஆதரவுக்கும் நன்றி.

by தாமு Sat Sep 12, 2009 5:48 am

***** வாழ்த்து மடல் ******

என் எழுத்து மாலையும்
நீ கொடுத்த தாலியும்
உன்னை கணவன் என்றே
உறவு செல்லும்
என்னை மனைவி என்றே
உறவு கொள்ளும்.

உன் உறவுகளை என்
உறவாய் நேசிப்பேன்
என்றும் அதை பூஜிப்பேன்.

நீ விரும்பும் மழலையினை
என் வயிற்றில்
பூக்க வைப்பேன்
உன்னை தந்தை யென
ஆக்கி வைப்பேன்

நீ சொல்லும் பாதையில்
நடந்து உன்னைச் சேர்வேன்
என்றும் அதில் விலகமாட்டேன்.

நீ வாழும் காலம் வரை
துணையாக நானிருப்பேன்
என் முடிவு காலம் வந்தால்
உன் மடி மீது மரணமவேன்.

இவை அனைத்தும் ஒரு புதுக்கவிதை....... படைப்பு விஜயாலையன்

நன்றி சகோதரர் வாழ்க்கை 678642