பொது இடங்களில் புகை பிடித்தவர்களிடம் ரூ. 25 ஆயிரம் அபராதம் வசூல்

by manikandan.dp Tue Jul 09, 2013 12:14 pm

பெரம்பலூர் மாவட்டத்தில் பொது இடங்களில் புகை பிடித்த நபர்களிடமிருந்து இதுவரையில் ரூ. 25 ஆயிரம் அபராதம் வசூலிக்கப்பட்டுள்ளது. இதுகுறித்து மாவட்ட சுகாதாரத் துறை துணை இயக்குநர் அலுவலகம் வெள்ளிக்கிழமை வெளியிட்ட செய்திக்குறிப்பு:

புகையிலை இல்லா மாவட்டமாக அறிவிப்பதற்காக, புகையிலை கட்டுப்பாடு சட்டத்தின் கீழ் பொது இடங்களில் புகைப்பிடிக்க தடை விதிக்கப்பட்டுள்ளது. இதுதொடர்பாக அறிவிப்பு பலகைகள் வைக்க அறிவுத்தப்பட்டுள்ளது. கல்வி நிறுவனங்களிலிருந்து 100 மீட்டர் தொலைவுக்குள் புகையிலை மற்றும் அதனை சார்ந்த பொருள்களை பயன்படுத்த அல்லது விற்க தடை செய்யப்பட்டுள்ளது. மேலும், விளம்பரப் பதாகைகள் வைக்கவும் அறிவுறுத்தப்பட்டுள்ளது. தனிநபர் யாராவது பொது இடங்களில் புகைபிடித்தால் ரூ. 100 முதல் ரூ. 200 வரை அபராதம் வசூல் செய்யப்பட்டு வருகிறது.

அதன்படி, விதிமுறைகளை மீறி பொது இடங்களில் புகைப்பிடித்தவர்களை சுகாதாரத் துறை அலுவலர்கள் புகைப்படம் எடுத்து அபராதம் வசூல் செய்து வருகின்றனர். மாவட்டத்தில் இதுவரை 24,800 ரூபாய் அபராத தொகை வசூல் செய்யப்பட்டுள்ளது. எனவே, பெரம்பலூர் மாவட்டத்தில் பொது இடங்களில் புகை பிடிக்காமல் இருக்கவும், புகையிலையை ஒழித்து பெரம்பலூர் மாவட்டத்தை புகையிலையில்லா மாவட்டமாக்க பொதுமக்கள் முழு ஒத்துழைப்பு அளிக்க வேண்டும் என அதில் தெரிவிக்கப்பட்டுள்ளது.

தினமணி

by **krishnaamma** Tue Jul 09, 2013 12:22 pm

ரொம்ப நல்ல செய்தி... புன்னகை

இவங்க ஒன்று ... ஒன்று என்று தான் பிடிப்பார்கள்..... போய்விடுவார்கள்......நாம் .... அதாவது புகைபிடிக்காதவர்கள் அந்த புகை யெல்லாம் பிடித்து ... பிடித்து ............. ஒரு 10 சிகரெட் பிடித்த எஃபக்ட் நமக்கு வந்து சேரும் சோகம்

இது எவ்வளவு கொடுமையானது ?

by manikandan.dp Tue Jul 09, 2013 12:38 pm

krishnaamma wrote:ரொம்ப நல்ல செய்தி... இவங்க ஒன்று ... ஒன்று என்று தான் பிடிப்பார்கள்..... போய்விடுவார்கள்......நாம் .... அதாவது புகைபிடிக்காதவர்கள் அந்த புகை யெல்லாம் பிடித்து ... பிடித்து ............. ஒரு 10 சிகரெட் பிடித்த எஃபக்ட் நமக்கு வந்து சேரும் இது எவ்வளவு கொடுமையானது ?

100% உண்மை அம்மா .....
சட்டம் போட்டு திருத்தவேண்டிய நிலை .....என்ன கொடுமை சார் ....