தொழில் தொடங்க விண்ணப்பிக்கலாம்

by ராஜு சரவணன் Mon Jul 08, 2013 12:27 pm

புதிய தொழில்முனைவோர் மற்றும் தொழில் நிறுவன மேம்பாட்டுத் திட்டம் 2013-14-ன் கீழ் தொழில் தொடங்க விண்ணப்பங்கள் வரவேற்கப்படுகின்றன. இதுகுறித்து தஞ்சாவூர் மாவட்ட ஆட்சியர் கா. பாஸ்கரன் தெரிவித்திருப்பது:

படித்த இளைஞர்களுக்கு உரிய பயிற்சி அளித்து அவர்களை முதல் தலைமுறை தொழில்முனைவோராக உருவாக்க வேண்டும் என்ற நோக்கத்துடன் தமிழக அரசு புதிய தொழில்முனைவோர் மற்றும் தொழில் மேம்பாட்டுத் திட்டத்தை அறிவித்துள்ளது. இதில், சிறப்புப் பிரிவான மகளிர் 50 சதம் பயன்பெற வேண்டும் என ஒதுக்கீடு செய்து, இலக்கு நிர்ணயிக்கப்பட்டுள்ளது.

இந்தத் திட்டத்தின் கீழ் இளங்கலை, முதுகலை பட்டயப் படிப்பு, பட்டயப்படிப்பு, ஐ.டி.ஐ., அங்கீகரிக்கப்பட்ட பயிற்சி நிறுவனங்கள் மூலம் பெறப்பட்ட தொழில் பயிற்சி கல்வித் தகுதி பெற்றிருப்பவர்கள் தேர்வு செய்யப்படுவர்.

இவர்களுக்கு ஒரு மாத காலம் தொழில்முனைவோர் பயிற்சி அளித்து தொழில் திட்டம் தயாரிக்க உதவி செய்யப்படும். பின்னர் வங்கிகள் அல்லது தமிழ்நாடு தொழில் முதலீட்டுக் கழகம் மூலம் கடன் பெற வழிவகை செய்யப்படும்.

இந்தத் திட்டத்தின் கீழ் தொழில் தொடங்கும் தொழில்முனைவோருக்குத் தொழில் திட்ட மதிப்பில் 25 சதம் (அதிகபட்சமாக ரூ. 25 லட்சம் வரை) முதலீட்டு மானியமும் 3 சதம் வட்டி மானியமும் அளிக்கப்படும். திட்ட மதிப்பீடு ரூ. 5 லட்சத்துக்கு மேல், அதிகபட்சமாக ரூ. 1 கோடி வரை வரையிலான அனைத்து உற்பத்தி சார்ந்த தொழில்கள் (எதிர்மறை பட்டியல் நீங்கலாக) மற்றும் சேவை தொழில் தொடங்கலாம்.

பொதுப் பிரிவினர் தனது பங்காகத் திட்ட மதிப்பில் 10 சதம் செலுத்த வேண்டும். சிறப்புப் பிரிவினர் தனது பங்காக திட்ட மதிப்பீட்டில் 5 சதம் செலுத்த வேண்டும். வணிக வங்கிகள், தமிழ்நாடு தொழில் முதலீட்டுக் கழகம் மூலம் கடனுதவி பெறப் பரிந்துரை செய்யப்படும்.

சிறப்புப் பிரிவினரான மகளிர் இந்தத் திட்டத்தின் கீழ் 50 சதம் பயன் பெற வேண்டும் என இலக்கு நிர்ணயிக்கப்பட்டுள்ளது. எனவே, தகுதியுள்ள படித்த மகளிரிடமிருந்து விண்ணப்பங்கள் வரவேற்கப்படுகின்றன. மாவட்டத் தொழில் மையத்தில் விண்ணப்பங்கள் பெற்று விண்ணப்பிக்கலாம். மேலும் விவரங்களுக்கு 04362 - 257345, 255318 ஆகிய எண்களில் தொடர்பு கொள்ளலாம்.

நன்றி - அதிரைபூமி ப்ளாக்ஸ்பாட்

by யினியவன் Mon Jul 08, 2013 12:29 pm

நல்ல தொழில் ஒண்ணு சொல்லுங்க ராஜூ - ஆரம்பிச்சிடுவோம்

by ராஜு சரவணன் Mon Jul 08, 2013 12:33 pm

தல ஹோட்டல் தொழில் ஓகேவா.

சமையல் செய்து கொடுப்பதற்க்கும், சமையல் டிப்ஸ் கொடுப்பதற்க்கு தான் இங்கு நிறைய பேர் உள்ளனரே.

எப்படி வசதி புன்னகை

by யினியவன் Mon Jul 08, 2013 12:37 pm

நம்பள நம்பி சாப்பிட ஆள் வரனுமே ராஜூ வருவாங்களா?

ஆரம்பிக்கும்போதே காந்தி கணக்கும் ஒண்ணு ஆரம்பிச்சிடுவோமா? புன்னகை

by ராஜு சரவணன் Mon Jul 08, 2013 12:40 pm

யினியவன் wrote:நம்பள நம்பி சாப்பிட ஆள் வரனுமே ராஜூ வருவாங்களா?

ஆரம்பிக்கும்போதே காந்தி கணக்கும் ஒண்ணு ஆரம்பிச்சிடுவோமா?

காந்தி கணக்கில் சாப்பிட வருபவர்களுக்கு மதுவின் கிச்சடியும் , அக்காவின் வடையையும் போட்டுடுவோம் பாஸ் புன்னகை

by யினியவன் Mon Jul 08, 2013 12:41 pm

ராஜு சரவணன் wrote:காந்தி கணக்கில் சாப்பிட வருபவர்களுக்கு மதுவின் கிச்சடியும் , அக்காவின் வடையையும் போட்டுடுவோம் பாஸ்

திருச்சி சப் ஜெயிலில் இடம் புக் பண்ணிக்குவோமா? புன்னகை

by ராஜு சரவணன் Mon Jul 08, 2013 12:45 pm

யினியவன் wrote:
ராஜு சரவணன் wrote:காந்தி கணக்கில் சாப்பிட வருபவர்களுக்கு மதுவின் கிச்சடியும் , அக்காவின் வடையையும் போட்டுடுவோம் பாஸ்
திருச்சி சப் ஜெயிலில் இடம் புக் பண்ணிக்குவோமா?

யாருக்கு தல பச்சடி மற்றும் வடை சப்ளையர்களுக்கா ?