"தாத்தா, நான் ஒன்று கேட்கட்டுமா?'' - நீதிக்கதை

**சாமி** · **சாமி** Sat Jul 06, 2013 8:29 pm

தன் மடியில் பேரனை அன்போடு உட்கார வைத்துக் கதை சொல்ல ஆரம்பித்தார் தாத்தா. கதை கேட்டு பேரன் மகிழ்ந்தான்.

கதை சொல்லும் போது இடை இடையே மனிதன் எப்படியெல்லாம் வாழவேண்டுமென்று பேரனுக்குச் சொல்லிக் கொடுத்தார். பேரனும் மிக அமைதியாக அனைத்தையும் கேட்டு ரசித்துக் கொண்டிருந்தான்.

காகத்தைப் போல ஒப்புரவாக, ஆமையைப் போல அடக்கமாக, எறும்பு போல சுறுசுறுப்பாக, மானைப்போல மானத்துடன் நாமும் வாழ வேண்டும். அதுதான் நமக்குப் பெருமை என்றெல்லாம் பேரனுக்குச் சொல்லிக் கொண்டே போனார்.

தாத்தா மடியிலிருந்த பேரன் திடீரென்று, ""தாத்தா, நான் ஒன்று கேட்கட்டுமா?'' என்றான்.
""தாராளமாகக் கேள் கண்ணா...'' என்றார் தாத்தா.

""காக்கை, ஆமை இவற்றுக்கெல்லாம் எத்தனை அறிவு?'' என்று கேட்டான் பேரன்.
""அவற்றுக்கெல்லாம் ஓரறிவிலிருந்து ஐந்தறிவு வரைதான்''- தாத்தா.

""நமக்கு எவ்வளவு?''
""மனிதன் உயர்ந்தவன். நமக்கு ஆறு அறிவு'' என்றார் தாத்தா.

""தாத்தா, நம்மைவிட அறிவில் குறைந்தவை நமக்கு வழிகாட்டுகின்றன. நாம் மட்டும் அப்படியே கிடக்கிறோமே... ஏன்?'' என்று கேட்டான் பேரன்.

பதில் சொல்ல முடியாமல் தாத்தா விழிப்பதைப் பார்த்துப் பேரன் வாய்விட்டுச் சிரித்தான்.

நன்றி-சிறுவர்மணி - கோ.தமிழரசன், செஞ்சி.

**krishnaamma** · **krishnaamma** Sat Jul 06, 2013 9:20 pm

குழந்தைகள் கேட்கும் கேள்விகளுக்கு நம்மால் சிலசமையம் பதில் சொல்வது மிகவும் கடினம் புன்னகை

**மதுமிதா** · **மதுமிதா** Sat Jul 06, 2013 9:24 pm

நல்ல கேள்வி
யென் நாம் மட்டும் இருக்கோம்

மகிழ்ச்சி

**Muthumohamed** · **Muthumohamed** Sat Jul 06, 2013 9:40 pm

krishnaamma wrote:குழந்தைகள் கேட்கும் கேள்விகளுக்கு நம்மால் சிலசமையம் பதில் சொல்வது மிகவும் கடினம்

பல சமயங்களிலும் நாம் மாட்டிக்கொண்டு விழிப்பது உண்டு

SHANMUGHAM · SHANMUGHAM Sat Jul 06, 2013 9:59 pm

குழந்தைகள் கேள்வி கேட்பதை ஊக்கப்படுத்த வேண்டும்.

குழந்தையின் கேள்விக்கு நான் பதில் சொல்லட்டுமா?

ஏனெனில் அவைகள் சிந்திப்பதில்லை. அதனால் அவை ஒரு வட்டத்திற்குள்ளேயே வலம் வருகின்றன.

ஆனால், மனிதனுக்கு சிந்திக்கும் ஆற்றல் இருக்கிறது. ஆனால், எல்லா மனிதரும் சரியாக சிந்திப்பதில்லை. தவறாக சிந்தித்து தவறாக செயல்படுகிறான். (நான் மனிதனைப் பற்றி குறைவாக சொல்லவில்லை. மனிதன் மூளை படைத்தவன், அவ்ன் சாதனை பெரியது. ஆனால் ஒட்டு மொத்த அளவில் மனித மனப்பான்மையும், செயல்பாட்டையும் குறிப்பிடுகின்றேன்,)

மனிதன் சரியாக சிந்தித்து, சரியாக செயல்படுத்தினால், அவைகளை விட நன்றாக இருப்பான். எல்லா மனிதர்களும் சரியாக செய்யாத சிலவற்றைச் சொல்கிறேன். DISCUSSION, ANALYSIS, REVIEW, DELEGATION, ...

குழந்தைகள் கேட்கும் கேள்விகள் இருந்தால் தெரிவிக்கவும்.

cc: MADHUMITHA (இங்கேயே வாசித்துக் கொள்ளவும்.)

கவிஞர் கே இனியவன் · 13/06/2013

நல்ல கேள்வி ....

manikandan.dp · manikandan.dp Tue Jul 16, 2013 12:43 pm

தாத்தா எனக்கு ஒரு டவுட்டு ... மகிழ்ச்சி

Sponsored content · Sponsored content

"தாத்தா, நான் ஒன்று கேட்கட்டுமா?'' - நீதிக்கதை

"தாத்தா, நான் ஒன்று கேட்கட்டுமா?'' - நீதிக்கதை

Re: "தாத்தா, நான் ஒன்று கேட்கட்டுமா?'' - நீதிக்கதை

Re: "தாத்தா, நான் ஒன்று கேட்கட்டுமா?'' - நீதிக்கதை

Re: "தாத்தா, நான் ஒன்று கேட்கட்டுமா?'' - நீதிக்கதை

Re: "தாத்தா, நான் ஒன்று கேட்கட்டுமா?'' - நீதிக்கதை

Re: "தாத்தா, நான் ஒன்று கேட்கட்டுமா?'' - நீதிக்கதை

Re: "தாத்தா, நான் ஒன்று கேட்கட்டுமா?'' - நீதிக்கதை

Re: "தாத்தா, நான் ஒன்று கேட்கட்டுமா?'' - நீதிக்கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக