Latest topics

ஆற்று மணலில் புதைந்திருந்த விநாயகர் கற்சிலை கண்டெடுப்பு

ஈகரை தமிழ் களஞ்சியம் :: ஆன்மீகம் :: இந்து

Page 1 of 1

ஆற்று மணலில் புதைந்திருந்த விநாயகர் கற்சிலை கண்டெடுப்பு

Post by சாமி Sat Jul 06, 2013 7:27 pm

குடியாத்தம் அருகே, பாலாற்று மணலில் புதைந்திருந்த 100 ஆண்டுகளுக்கும் மேலான, பழமையான விநாயகர், எலி வாகனம் கற்சிலைகள் கண்டெடுக்கப்பட்டன.

குடியாத்தம் அடுத்த பட்டு ஊராட்சி, ஆலாம்பட்டறை கிராமம் அருகே பாலாற்றில் அரசு மணல் குவாரி உள்ளது. இங்கு மாட்டு வண்டிகளுக்கு மணல் சப்ளை செய்யப்படுகிறது.வெள்ளிக்கிழமை இரவு பாலாற்றில் மணல் எடுத்துக் கொண்டிருந்தபோது சுமார் 3 அடி உயரமுள்ள விநாயகர் கற்சிலை மணலில் புதைந்திருந்தது தெரிய வந்தது. அதன் அருகில் சுமார் 1 அடி நீளமுள்ள எலி வாகனமும் கண்டெடுக்கப்பட்டது.தகவல் அறிந்ததும் அக்கிராம மக்கள் சிலைகளை எடுத்து வந்து ஊரில் உள்ள மாரியம்மன் கோயில் வளாகத்தில் உள்ள அரச மரம் அடியில் பீடம் அமைத்து அதில் சிலைகளை வைத்து வழிபடத் தொடங்கினர்.

பட்டு ஊராட்சித் தலைவர் சுமிதாசுரேஷ் கொடுத்த தகவலின்பேரில் வட்டாட்சியர் எம். கஜேந்திரன் இன்று அங்கு சென்று சிலைகளை பார்வையிட்டார். வருவாய் ஆய்வாளர் அன்பழகன், கிராம நிர்வாக அலுவலர்கள் ஸ்ரீதர், ஜீவரத்தினம் உள்ளிட்டோர் உடனிருந்தனர். சிலைகள் கிடைத்தது குறித்து மாவட்ட ஆட்சியருக்கு தகவல தெரிவிக்கப்பட்டுள்ளது.
நன்றி-தினமணி

www.arundhtamil.blogspot.in / http://tamilmandhiram.blogspot.com / http://tamilvazhipaadu.blogspot.com/ http://othuvaar.blogspot.com

சாமி: சிறப்புப் பதிவாளர்; பதிவுகள் : 2415
இணைந்தது : 08/08/2011