அறிமுகம்!

யாழ்மொழி · யாழ்மொழி Sat 6 Jul 2013 - 17:58

First topic message reminder :

தமிழ் உறவுகளுக்கு
யாழ்மொழியாளின் அறிமுக வணக்கங்கள்.

காற்றை கையில் பிடித்தே
வானுலகில் சிங்காதனம் ஏறி - தினம்
நிலவில் முகம் பார்த்து - நட்சத்திர
திலகம் இட்டு
மின்னல் மலர் சூடுவேன்.

இருநிதிக் கிழவனாம்
குபேரனை கரம்பிடித்து - அவன்
செல்வங்கள் அத்தனையும் - ஏழை
விவசாயிகளின் வீடு நோக்கி
மழையென பொழிய வைப்பேன்.

எழுத்தாளர்களாக இருப்பதை வரமாக நினைக்கிறேன்.
கவிஞன் உண்மையை சொல்லக் கூடியவன்.
அவனுக்கு பயம் இல்லை
எல்லை இல்லை
அவன் போலிகளை விரும்புவதில்லை.

அவன் நெருப்பு!
ஒளியும் கொடுப்பான்
தேவையானால் - அவனே
எரிமலையென வெடித்து சிதறுவான்.

ஆம்!
அதனால் தான் எழுத்தாளர்களை என் உறவுகள் என்கிறேன்.
பேனா பிடிக்கும் அத்தனை கரங்களையும் நான் மதிக்கிறேன்.
அது வெறும் பேனா அல்ல, கலைமகள் கையில் இருக்கும் வீணை.
கடவுளின் அவதாரம் கவிஞன்.

நன்றி!
யாழ்மொழி (யாழினிது குழலினிது என்பார் - என் தமிழ் மொழி கேளாதார்)