ஏமாற்றும் ஆலை நிர்வாகமே.. விவசாயிகளிடம் நீ எதிர்பார்ப்பது என்ன? - 'ஆரூரான் சுகர்ஸ்' விவசாயிகளுக்கு கோடிக்கணக்கான ரூபாய்கள் பாக்கி

ஏமாற்றும் ஆலை நிர்வாகமே...
விவசாயிகளிடம்
நீ எதிர்பார்ப்பது என்ன?

https://fbcdn-sphotos-f-a.akamaihd.net/hphotos-ak-ash3/q71/s720x720/943562_476978932377056_2032656712_n.jpg

'ஆரூரான் சுகர்ஸ்' எனும் சர்க்கரை ஆலை நிறுவனத்தின் கீழ், தஞ்சாவூர் மாவட்டம் திருமண்டங்குடி உள்ளிட்ட நான்கு இடங்களில் இருக்கும் ஆலைகளில் விவசாயிகள் சப்ளை செய்த கரும்புக்கு மூன்று மாதங்களுக்கும் மேலாக கோடிக்கணக்கான ரூபாய்கள் பாக்கி வைக்கப்பட்டுள்ளன.

இதைக் கேட்டு உண்ணாவிரதத்தை விவசாயிகள் தொடங்கவே... தூங்கிக் கொண்டிருந்த மாவட்ட நிர்வாகம், ஆலை நிர்வாகத்துடன் பேசி, 15 தினங்களுக்குள் வட்டியுடன் பணத்தை விவசாயிகளுக்கு வாங்கித் தருவதாக உறுதியளித்தது. ஆலையும் இதை எழுத்துப் பூர்வமாக ஒப்புக்கொண்டது.

'போராட்டம் வெற்றி' என்றபடி குஷியோடு கலைந்த விவசாயிகள், மறுபடியும் போராட்ட களத்தை நோக்கி துரத்தப்பட்டுள்ளனர். ஒப்பந்தத்தில் குறிப்பிடப்பட்டிருக்கும் 'முதல் கட்ட தவணை நாள்' (30/06/13) முடிவடைந்துவிட்ட நிலையில், 22 கோடி ரூபாய் தரப்பட வேண்டிய இடத்தில், சுமார் நான்கு கோடி ரூபாய் மட்டுமே தரப்பட்டுள்ளது. மேற்கொண்டு வரவேண்டிய கோடிக்கணக்கான ரூபாயைப் பற்றிய பேச்சே இல்லாத நிலையில், இரண்டாம் கட்ட தவணையாக வரவேண்டிய 18 கோடி ரூபாயின் கதி என்னவாகுமோ என்று கவலையில் ஆழந்துள்ளனர் விவசாயிகள்.

உண்ணாவிரத போராட்டத்தை நிறுத்துவதற்காக ஓடோடி வந்த ஆலைத் தரப்போ... அரசாங்க தரப்போ... இப்போது இந்த விஷயத்தைப் பற்றி கேட்டாலே உரிய பதிலைத் தராமல் ஒதுங்கிக் கொள்வதிலேயே குறியாக இருப்பதாக புலம்புகின்றனர் விவசாயிகள்!

உயிரையும் விடத்துணிந்துதான் உண்ணாவிரதத்தை நடத்தினர் விவசாயிகள். ஆனால், ஒரு கபட நாடகத்தை ஆடி, அதையும் தடுத்து நிறுத்திவிட்ட நிலையில், அடுத்தக் கட்டமாக விவசாயிகளிடம் எதைத்தான் எதிர்பார்க்கின்றனரோ இந்த ஆலை மற்றும் அதிகார வர்க்கத்தினர்?

https://www.facebook.com/photo.php?fbid=476978932377056&set=a.421836621224621.93794.189745421100410&type=1&relevant_count=1&ref=nf