கரைந்து போகிறேன்

by **பார்த்திபன்** Thu Jul 04, 2013 3:45 pm

கரைந்து போகிறேன்

இருக்கட்டும் என்று
என்றோ எழுதிவைத்த
முன்னாள் நண்பர்களின்
முகவரித் தொகுப்பு
ஏதோவொன்றைத் தேடுகையில்
எதேச்சையாய்க் கண்ணில் பட,
தேட வந்ததை மறந்து போகிறேன்!
தேனில் ஊறிய நினைவுகளில்
கரைந்து போகிறேன்!

நட்டவுடன் பூப்பூக்கும்

நட்பு எனும் செடியொன்றே
நட்டவுடன் பூப்பூக்கும்!
நம்பிக்கை எனும் நீரூற்ற
நாள்தோறும் கனி கொடுக்கும்!
ஆணிவேரின் அடிவரைக்கும்
அன்பு ஒன்றே நிறைந்திருக்கும்!
ஆயிரம்பேர் நாடினாலும்
அனைவருக்கும் நிழல் கொடுக்கும்!

காதலும் நட்பும்

இதயம் தருவது காதல்!
எதையும் தருவது நட்பு!
இதமாய் மலர்வது காதல்!
இயல்பாய் மலர்வது நட்பு!
உள்ளம் உருக்குவது காதல்!
உலகையே சுருக்குவது நட்பு!
எதிர்பாலினம் ஈர்ப்பது காதல்!
எதிர்பார்பின்றி ஈர்ப்பது நட்பு!
துணைக்குத் துன்பமெனில்
துவண்டு போவது காதல்!
தோழனுக்குத் துன்பமெனில்
தோள் கொடுப்பது நட்பு!

- நிலவை.பார்த்திபன்

by ராஜு சரவணன் Thu Jul 04, 2013 3:58 pm

பார்த்திபன் wrote:நட்பு எனும் செடியொன்றே
நட்டவுடன் பூப்பூக்கும்!
நம்பிக்கை எனும் நீரூற்ற
நாள்தோறும் கனி கொடுக்கும்!
ஆணிவேரின் அடிவரைக்கும்
அன்பு ஒன்றே நிறைந்திருக்கும்!
ஆயிரம்பேர் நாடினாலும்
அனைவருக்கும் நிழல் கொடுக்கும்!

அருமை நண்பரே புன்னகை

எனது விருப்பம் புன்னகை

by யினியவன் Thu Jul 04, 2013 4:01 pm

நட்பிலே கரைந்து போகிறேன்
கவிதையிலே உறைந்து போகிறேன் சூப்பருங்க

by பூவன் Thu Jul 04, 2013 4:03 pm

கலைந்த நினைவுகளில் ,
கரைந்த நிஜங்கள் அருமை ..... சூப்பருங்க

by mekala Thu Jul 04, 2013 4:16 pm

நல்ல நட்பு இருந்தால் எதுவும் சாதிக்கலாம் நண்பரே அருமையிருக்கு

by **ஜாஹீதாபானு** Thu Jul 04, 2013 4:21 pm

இருக்கட்டும் என்று என்றோ எழுதிவைத்த முன்னாள் நண்பர்களின் முகவரித் தொகுப்பு ஏதோவொன்றைத் தேடுகையில் எதேச்சையாய்க் கண்ணில் பட, தேட வந்ததை மறந்து போகிறேன்! தேனில் ஊறிய நினைவுகளில் கரைந்து போகிறேன்! wrote:

அருமை அருமை