கத்தரிக்காய் தக்காளி சம்பா(தொக்கு)(பானு)

தேவையான பொருட்கள்

கத்தரிக்காய்........................................1/4 கிலோ

தக்காளி..................................................2

புளி .......................................................எலுமிச்சை அளவு

வெங்காயம்.......................................100 கிராம்

காய்ந்த மிளகாய்.............................6

எண்ணெய்.....................................4 டீஸ்பூன்

கொத்தமல்லித் தழை...............சிறிது

தாளிக்க கருவேப்பிலை, கடுகு உளுந்து,

உப்பு தேவையான் அளவு

செய்முறை.

கத்தரிக்காயை அடுப்பில் நன்றாக சுட்டுக்கொள்ளவும், தக்காளியையும் ஒரு கத்தியில் குத்தி அடுப்பில் சுட்டு எடுக்கவும்.

கத்தரிக்காயிலும், தக்காளியிலும் தோலை நீக்கி வைத்துக் கொள்ளவும்.

புளியை கட்டியாக கரைத்துக் வைத்துக் கொள்ளவும்.

அடுப்பில் வாணலியை வைத்து எண்ணை ஊற்றி காய்ந்த மிளகாயை வறுத்து எடுத்துக் கொள்ளுங்கள்.

அதே எண்ணையில் கடுகு உளுந்து கருவேப்பிலை போட்டு வெடித்ததும் வெங்காயத்தை போட்டு பொன்னிறமாக வதக்கவும்.

தோல் உறித்த தக்காளி கத்தரிக்காயை மிக்ஸியில் போட்டு 2 சுத்து சுத்தி எடுக்கவும். இல்லையென்றால் பருப்பு மத்தால் கடைந்தும் போடலாம்.

பொன்னிறமாக வதக்கிய வெங்காயத்தில் கத்தரிகாய், தக்காளி விழுதை போட்டு புளிக்கரைசலையும் ஊற்றி உப்பு சேர்த்து நன்றாகக்
கிளறவும்.

வறுத்த மிளகாயை மேலே தூவி கிளறவும்.

புளித்தண்ணீர் வற்றி கெட்டியானதும் மல்லித்தழை போட்டு இறக்கவும்.

சாதத்துடன் சாப்பிட சுவையாக இருக்கும்

சாம்பார் சாதம் தயிர் சாதத்திற்கு ரொம்ப சுவையா இருக்கும்

அக்கா....கத்தரிக்காய் பச்சை வாடை வராதா?

வறுத்த மிளகாயை மேலே தூவி கிளறவும்.

வறுத்து அரைத்து வைத்துகொள்ள வேண்டுமா? இல்லை அப்படியேவா?

உமா wrote:அக்கா....கத்தரிக்காய் பச்சை வாடை வராதா?

சுட்டுடா எப்படி பச்சை வாடை வரும் வராது

ஜாஹீதாபானு wrote:

உமா wrote:அக்கா....கத்தரிக்காய் பச்சை வாடை வராதா?

சுட்டுடா எப்படி பச்சை வாடை வரும் வராது

அப்படின சுட்ட கத்திரிக்காய் வாங்கி சுடனும் சரிதானே ...

கத்தரிக்காய் அவித்து இதுபோல செய்வதை விட இது ரொம்ப நல்லா இருக்கும்

2வது கேள்விக்கும் பதில் சொல்லிடுங்க அக்கா

2வது கேள்விக்கும் பதில் சொல்லிடுங்க அக்கா

பூவன் wrote:

ஜாஹீதாபானு wrote:

உமா wrote:அக்கா....கத்தரிக்காய் பச்சை வாடை வராதா?

சுட்டுடா எப்படி பச்சை வாடை வரும் வராது

அப்படின சுட்ட கத்திரிக்காய் வாங்கி சுடனும் சரிதானே ...

இந்த கோக்குமாக்கு கேள்வி நல்லா கேப்பிங்க

உமா wrote:அக்கா....கத்தரிக்காய் பச்சை வாடை வராதா?

வறுத்த மிளகாயை மேலே தூவி கிளறவும்.

வறுத்து அரைத்து வைத்துகொள்ள வேண்டுமா? இல்லை அப்படியேவா?

வறுத்தால் தான் வாசமாக இருக்கும் ... வறுத்து அரைத்துக் கொள்ளவேண்டும்..

இந்த மிளகாய் தூள் எல்லா பொரியலுக்கும் போடலாம்