கம்பவுண்டருக்கு ரூ100 கோடி சொத்து

by soplangi Tue Jul 02, 2013 1:49 pm

ஜெய்ப்பூர்: லஞ்சம் வாங்கும் போது பிடிபட்ட ராஜஸ்தான் கம்பவுண்டருக்கு ரூ100 கோடி மதிப்பில் சொத்து உள்ளதை போலீசார் கண்டுபிடித்துள்ளனர்.

ராஜஸ்தான் மாநிலம் ஜெய்ப்பூரில் உள்ள மான் சிங் ஆஸ்பத்திரியில் கம்பவுண்டராக பணியாற்றுபவர் மகேஸ் சந்த் சர்மா(52). ஆரம்ப காலத்திலிருந்து இவர் வாங்கிய சிறுதுளி லஞ்சம், பெரு வெள்ளமாக மாறத் தொடங்கியது. மனைவி மீனா தேவி பெயரில் சொத்துகளை வாங்கி குவித்தார். இவரது மருத்துவமனை தொடர்பு வட்டாரங்களும் பெருகியது. ராஜஸ்தானில் உள்ள 25 நர்சிங் கல்லூரிகளில் இவர் பங்குதாரராக உள் ளார். இந்த செல் வாக்கு மூலம் இந்திய நர்சிங் கவுன்சிலில் ஆலோச கராக நியமிக்கப்பட்டார். ஆனால் லஞ்சம் பெறுவதை மட்டும் நிறுத்தவில்லை. நர்சிங் கவுன்சில் தலைவருக்கு தரகராக சர்மா செயல்பட்டார். புதிய நர்சிங் கல்லூரிக்கு தடையில்லா சான்றிதழ் பெற்றுத் தருவது, சீட்டு எண்ணிக்கை உயர்த்த அனுமதி பெற்று தருவது, புதிய கோர்ஸ்கள் நடத்த அனுமதி வாங்கித் தருவது போன்றவற்றுக்கு இவர் லஞ்சம் பெற்று கொடுக்க வேண்டிய நபர்களுக்கு கொடுத்துள்ளார். இதில் இவருக்கும் நல்ல கமிஷன் கிடைத் தது. 3 மாதங்களுக்கு முன் ஆர்.ஏ.ஜி மருத்துவம னையை ணீ22 கோடிக்கு வாங்கினார். இந்நிலையில் ஜெய்ப்பூரில் உள்ள நர்சிங் கல்லூரி ஒன்றின் உரிமையாளர் ரமேஷ் சந்த் என்பவர் தனது கல்லூரிக்கு கூடுதல் இடங்கள் பெற்றுத் தர மகேஸ் சந்த் சர்மாவை அணுகினார். ரூ5 லட்சம் தந்தால் நர்சிங் கவுன்சிலில் அனுமதி வாங்கித் தருகிறேன் என சர்மா கூறியுள்ளார்.

இது குறித்து லஞ்ச ஒழிப்பு போலீசில் ரமேஷ் சந்த் புகார் அளித்தார். சர்மாவை பிடிக்க போலீசார் வலை விரித்தனர். சர்மாவை, ரமேஷ் சந்த் தொடர்பு கொண்டபோது, பணத்தை தனது ஆர்.ஏ.ஜி மருத்துவமனைக்கு கொண்டுவரும்படி கூறியுள்ளார். அங்கு கடந்த சனிக்கிழமை இரவு சர்மா ரூ5 லட்சத்தை வாங்கியபோது போலீசார் மடக்கினர். அவரது வீட்டில் நடந்த சோதனையில் ரூ100 கோடி மதிப்பில் சொத்து ஆவணங்கள் இருந்தது. அனைத்தும் சர்மாவின் மனைவி மீனா தேவி பெயரில் இருந்தது.

-- தினகரன்