தமிழின் சில விவரங்கள்...6..!!!

sundaram77 · sundaram77 Sat 29 Jun 2013 - 20:59

அன்பர்களே,
காலம் பொன் போன்றது
Time and tide wait none
காலத்தேப் பயிர் செய்
என்றெல்லாம் சொல்லக் கேட்டிருக்கிறோம்..
இவற்றிலிருந்தெல்லாம் நாம் தெரிந்து கொள்வது 'காலம்' ( Time ) என்பது எவ்வளவு முக்கியம் என்பதைத்தான்...
ஒரு முன்னேறிய சமூகம் என்பதும் அவர்களின் காலக் கணிப்பு முறைகளைச் சார்ந்துள்ளது என நான் முன்னர் சொல்லியுள்ளேன்.
'பருவம்' என்பதும் கால அளவினைத்தான் ஒரு வகையில் குறிக்கிறது !
தமிழர்கள் ஒருவரின் வயதைச்சார்ந்து அவரின் பருவத்தை தெள்ளிதின் குறிப்பிட்டிருக்கின்றனர்...
என் நண்பரின் தொகுப்பிலிருந்து அது பற்றி ஈங்கு :

ஆண்களின் ஏழு பருவங்கள்..!

‘காட்டிய முறையே நாட்டிய ஆண்பாற்கு
எல்லையும் பெயரும் இயல்புற ஆய்ந்து
சொல்லிய தொன்னெறிப் புலவரும் உளரே.’

*பாலன் 1 முதல் 7 வரை
*மீளி 8 முதல் 10 வரை
*மறவோன் 11 முதல் 14 வரை
*திறவோன் 15 வயது
*விடலை 16 வயது
*காளை 17 முதல் 30 வரை
*முதுமகன், 30 வயதுக்கு மேல்

ஆதாரம்:
‘காட்டிய முறையே நாட்டிய ஆண்பாற்கு
எல்லையும் பெயரும் இயல்புற ஆய்ந்து
சொல்லிய தொன்னெறிப் புலவரும் உளரே.’
-பன். பாட். 228

‘பாலன் யாண்டே ஏழ்என மொழிப.’
-229

‘மீளி யாண்டே பத்துஇயை காறும்.’
-230

‘மறவோன் யாண்டே பதினான் காகும்.’
-231

‘திறலோன் யாண்டே பதினைந்து ஆகும்.’
-232

‘பதினாறு எல்லை காளைக்கு யாண்டே.’
-233

‘அத்திறம் இறந்த முப்பதின் காறும்
விடலைக்கு ஆகும்; மிகினே முதுமகன்.’
-234

‘நீடிய நாற்பத் தெட்டின் அளவும்
ஆடவர்க்கு உலாப்புறம் உரித்து என மொழிப.’
-235

பெண்களின் ஏழு பருவங்கள்..!

'அரிவை தெரிவை பேரிளம் பெண்ணெனப்
பாற்படு மகளிர் பருவக் காதல்
நோக்கி உரைப்பது நுண்ணியோர் கடனே.’

* பேதை 1 முதல் 8 வயது வரை
* பெதும்பை 9 முதல் 10 வயது வரை
* மங்கை 11 முதல் 14 வயது வரை
* மடந்தை 15 முதல் 18 வயது வரை
* அரிவை 19 முதல் 24 வயது வரை
* தெரிவை 25 முதல் 29 வயது வரை
* பேரிளம் பெண் 30 வயது முதல்

ஆதாரம்:
'அரிவை தெரிவை பேரிளம் பெண்ணெனப்
பாற்படு மகளிர் பருவக் காதல்
நோக்கி உரைப்பது நுண்ணியோர் கடனே.’
- பன். பாட். 220

‘பேதைக்கு யாண்டே ஐந்துமுதல் எட்டே.’
-221

‘பெதும்பைக்கு யாண்டே ஒன்பதும் பத்தும்.’
-222

‘மங்கைக்கு யாண்டே பதினொன்று முதலாத்
திரண்ட பதினா லளவும் சாற்றும்.’
’’ 223

‘மடந்தைக்கு யாண்டே பதினைந்து முதலாத்
திடம்படும் ஒன்பதிற் றிரட்டி செப்பும்.’
-224

‘அரிவைக்கு யாண்டே அறுநான்கு என்ப.’
-225

‘தெரிவைக்கு யாண்டே இருபத் தொன்பது.’
-226

‘ஈரைந்து இருநான்கு இரட்டி கொண்டது (36)
பேரிளம் பெண்டுக்கு இயல்புஎன மொழிப.’
-227

இயன்றவரையில் உங்கள் நண்பர்களுக்கும் இந்த தகவல்களை பகிர்ந்து கொள்ளுங்கள்.

பின்னூட்டங்கள் மிக அவசியம் , நண்பர்களே...!

அன்பன்,
சுந்தரம்

தமிழின் சில விவரங்கள்...6..!!!

தமிழின் சில விவரங்கள்...6..!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக