Krish3

**krishnaamma** · **krishnaamma** Fri Jun 28, 2013 7:34 pm

இந்தியாவின் முதல் வெற்றிகரமான சூப்பர்ஹீரோ க்ரிஷ். அமெரிக்காவின் சூப்பர்ஹீரோக்களுக்கு இணையான பலம் பொருந்திய க்ரிஷ் முழுக்க ஒரு சுதேசி படைப்பு.

க்ரிஷின் முதலிரண்டு பாகங்களும் மிகப்பெரிய வெற்றியை பெற்றன. ஹிருத்திக் ரோஷனுக்கு க்ரிஷ் வெற்றிப்படம் மட்டுமல்ல, இன்று அவரது சினிமா வாழ்க்கையில் க்ரிஷ் ஓர் அடையாளம்.

ஹிருத்திக் ரோஷனின் தந்தை ராகேஷ் ரோஷன் முதலிரண்டு பாகங்களையும் போல் மூன்றாவது பாகத்தையும் இயக்கியுள்ளார். இந்த வருட இந்தி சினிமாவின் பிரமாண்ட படங்களுள் க்ரிஷ் 3 ம் ஒன்று.

நவம்பர் 4 ஆம் தேதி வெளியாகும் இந்தப் படத்தின் பர்ஸ்ட் லுக்கை தனது முகநூலில் ஹிருத்திக் ரோஷன் வெளியிட்டார். அத்துடன் ரசிகர்களுடன் வீடியோ சாட்டிங். இதில் படத்தின் நாயகி ப்ரியங்கா சோப்ராவும் கலந்து கொண்டார்.

அடுத்தடுத்த பாகங்களில் அமெரிக்க சூப்பர்மேன்கள் ரசிகர்களின் எதிர்பார்ப்பை பூர்த்தி செய்ய தவறுகிற வேளையில் சுதேசி சூப்பர்மேன் எந்த மாதிரி வரப்போகிறார்...?

நன்றி : வெப்துனியா