உண்மை சம்பவம்

சந்தோஷ் · சந்தோஷ் Sun Jun 30, 2013 10:29 pm

+2 க்கு பிறகு அடுத்து என்ன என்றேன் ?
மருத்துவப்படிப்பு என்றான்
கனவோடு படித்தான்
மூளையுள்ள அந்த அறிவாளி
மதிப்பெண்களை அள்ளினான்
நாளைய மருத்துவன் ?

தந்தை பணம் புரட்ட
அன்னை மகிழ்வில் புரள
உடன்பிறப்புக்கள் சிரிப்பில்
சந்தோசத்தின் உச்சியில் அக்குடும்பம்

ஆனால் நாளை காலை ....
----------------------
என்னோடு அக்கிராமமே
அவன் வீட்டில் கூடப்போகிறோம், -எங்களை
வரவேற்க மாட்டார்கள்
காரணம்
பணம் புரட்டிய அவன் தந்தை
பிணம் போல
மகிழ்ந்த அவன் அன்னை
பைத்தியம் போல
சிரித்த உடன்பிறப்புக்கள்
சிந்தனையில்லாமல்

அவன் எங்கே இருப்பான் ?
-----
-----
வீட்டு வரவேற்பு அறையில்
நடுமத்தியில்
தூங்கிக்கொண்டிருப்பான்
பிணமாக
ஆம்
மூளையுள்ள அந்த அறிவாளி -மின்சாரம் தாக்கி
மூளை சாவுற்று.........
முடுந்தே போனது
என் சித்தி மகனின் கதை........................................