அகலின் குறுங்கவிதைகளில் சில... பாகம் 19

by **அகல்** Fri Jun 28, 2013 12:10 pm

இயலாமை

உன் விரல்களின்
பிடியில்
ஒற்றைக்காலை
சிக்கவைத்துக்கொண்டு
சிறகடிக்கும்
சிட்டுக்குருவி என் காதல்

இருக்கவும் முடியாமல்
பறக்கவும் முடியாமல் !

இறக்கம்

உண்ணும் உணவில்
ஒரு உப்புக்கல்
குறைவு என்கிறான்
உழவன்

வடிந்து விழுகிறது
வியர்வைத்துளி !

காரணம்

உன்னை
எதற்காகக் பிடிக்கும்
என்று எப்போதும்
கேட்பவர்களிடம்
எப்படிச் சொல்ல

அந்த
காரணமறியா
காரணத்தை !

ஏமாற்றம்

அந்த பாழடைந்த வீட்டில்
அந்தனை விழிகளையும்
திறந்து யாருக்கோ
காத்துக் கொண்டிருக்கிறது
ஜன்னல்

அதிகாலையில் வந்து
ஆறுதல் சொல்லிவிட்டுப்
போகிறது
சூரிய கதிர்கள் !

காலம்

அவனோடு ஏற்பட்ட
ஊடலில்
சிறுபிள்ளைபோல்
அழுது கொண்டிருக்கிறாள்
அவள்

அதைப்பார்த்து
சுவற்றில் சிரித்துக்
கொண்டிருக்கிறது
அவளது திருமணநாள்
புகைப்படம் !

நெருக்கம்

நள்ளிரவில்
உன் மலர்ந்த முகமும்
அதிகாலையில்
உன் உதிர்ந்த முடியும்
புதைந்து கிடக்கிறது
என் மார்பின்மேல் !

விடுதலை

உன் பார்வையால்
கட்டிப்போடப்பட்டிருக்கும்
என்னை
பரோலிலாவது
விடுதலை செய்யேன்

கொஞ்சம் ஓய்வு
எடுத்துக்கொள்கிறேன் !

மழலை

நடுவீதியில்
நடைபழகிய மழலை
மழைநீர்
தடுக்கி விழுந்தது

யாரோ தோண்டிவைத்த
குழிக்குள் !

புயலுக்குள் பூ

கொத்துக் குண்டுகளால்
தலைகள் வீழ்ந்து
கொண்டிருக்கும்
கலவர பூமியின்
ஏதோ ஒரு மூலையில்

கூட்டிற்குள்
குஞ்சுகளுக்கு இரை
ஊட்டிக் கொண்டிருக்கிறது
கரையான் !

இதழ்கள்

கிளி கொத்திய
கோவைப்பழம்
அதிகாலையில்
அவள் இதழ்கள் !

Original Source: http://kakkaisirakinile.blogspot.in/2013/06/19.html

அன்புடன்,
அகல்

by பூவன் Fri Jun 28, 2013 12:20 pm

அனைத்தும் நன்று அகல் சூப்பருங்க

by **அகல்** Fri Jun 28, 2013 12:50 pm

பூவன் wrote:அனைத்தும் நன்று அகல்

நன்றிகள் பூவன் புன்னகை

by **ஜாஹீதாபானு** Fri Jun 28, 2013 1:12 pm

அனைத்தும் அருமை

by **பார்த்திபன்** Fri Jun 28, 2013 4:23 pm

அகல் wrote:

இறக்கம்

உண்ணும் உணவில்
ஒரு உப்புக்கல்
குறைவு என்கிறான்
உழவன்

வடிந்து விழுகிறது
வியர்வைத்துளி !

ஏமாற்றம்

அந்த பாழடைந்த வீட்டில்
அந்தனை விழிகளையும்
திறந்து யாருக்கோ
காத்துக் கொண்டிருக்கிறது
ஜன்னல்

அதிகாலையில் வந்து
ஆறுதல் சொல்லிவிட்டுப்
போகிறது
சூரிய கதிர்கள் !