சாதித்த மோடி மீது பொறாமை: நிபந்தனை விதிக்கிறது உத்தரகண்ட்

by **சிவா** Tue Jun 25, 2013 3:43 pm

டேராடூன்: "உத்தரகண்ட் மாநிலத்தில் பாதிக்கப்பட்டுள்ள தங்கள் மாநில மக்களை, எந்த மாநில அரசும் தனிப்பட்ட முறையில் மீட்கும் செயல்களில் இறங்க, அனுமதிக்கப்பட மாட்டார்கள்' என, உத்தரகண்ட் காங்கிரஸ் அரசு தெரிவித்துள்ளது.

ஏராளமான புனிதத்தலங்களை கொண்டுள்ள உத்தரகண்ட் மாநிலத்தில், கடந்த, 17ம் தேதி ஏற்பட்ட பேய் மழை மற்றும் நிலச்சரிவுகளில் சிக்கி, 5,000த்திற்கும் மேற்பட்டோர் இறந்திருந்துள்ளனர்.உத்தரகண்ட் நிலவரம் பற்றி அறிந்ததும், கடந்த சனிக்கிழமை, குஜராத் முதல்வர், நரேந்திர மோடி, தன் அதிகாரிகள் குழுவினருடன் உத்தரகண்ட் சென்று, 15 ஆயிரம் பேரை மீட்டு, விமானங்களில் ஏற்றி, குஜராத் கொண்டு சென்றதாக செய்திகள் வெளியாகின.இதை அறிந்ததும், காங்கிரஸ் மேலிடம் கதி கலங்கியது. பா.ஜ.,வின் பிரதமர் வேட்பாளராக அறிவிக்கப்பட உள்ள மோடியின் தந்திரம், உத்தரகண்டிலும் ஜெயித்து விட்டதே என, கருதிய காங்., மேலிடம், மோடியை அனுமதித்த, உத்தரகண்ட் காங்கிரஸ் முதல்வர் விஜய் பகுகுணாவை கண்டித்ததாக கூறப்படுகிறது.

அதையடுத்து, நேற்று உத்தரகண்ட் மாநில அரசு வெளியிட்ட செய்திக்குறிப்பில், "தங்கள் மாநில மக்களை மீட்கும் முயற்சியில், எந்த மாநில அரசுகளும் தனிப்பட்ட முறையில் எவ்வித நடவடிக்கைகளும் மேற்கொள்ளக் கூடாது; உத்தரகண்ட் மாநில அரசின் அனுமதி மற்றும் ஒருங்கிணைப்பு குழுவின் மூலமே மீட்பு நடவடிக்கை மேற்கொள்ள வேண்டும்' என கூறப்பட்டுள்ளது.

இதற்கிடையே, ""உத்தரகண்ட் மாநிலத்திற்கு, வி.ஐ.பி.,கள் யாரும் பயணம் மேற்கொள்ள வேண்டாம்; அதனால், நிவாரணப் பணிகள் பாதிக்கப்படும்,'' என, மத்திய உள்துறை அமைச்சர், சுஷில்குமார் ஷிண்டேயும் கேட்டுக் கொண்டுள்ளார்.

மேலும் அவர் கூறுகையில், ""உத்தரவை மீறி, உத்தரகண்ட் செல்லும் வி.ஐ.பி.,கள் தடுத்து நிறுத்தப்படுவர்,'' என்றும் எச்சரித்துள்ளார்.

தினமலர்

by **சிவா** Tue Jun 25, 2013 6:05 pm

வெள்ள மீட்பு பணியில் பரந்த நோக்கம் வேண்டும்: மோடி- சவானுக்கு உத்தவ் அறிவுரை

மும்பை: உத்தர்கண்ட் வெள்ள மீட்புப்பணிகளில் மோடி செயல்பாடுகள் குறித்து உத்தவ் தாக்ரே விமர்சனம் செய்துள்ளார். தேசிய பேரிழப்பு ஏற்பட்டுள்ளதை தேசிய கண்‌ணோட்டத்துடன் பார்க்க வேண்டும் எனவும் அறிவுரை கூறியுள்ளார்.

மோடியை பார்த்து காங். பொறாமை

உத்தர்கண்ட் கனமழையால் வெள்ள பெருக்கு ஏற்பட்டு்ள்ளது. ஆயிரத்திற்கும் மேற்பட்டோர் பலியாகியுள்ளனர். பல்வேறு மாநிலங்களைச் சேர்ந்தவர்கள் புனித யாத்திரையாக சென்று அங்கு வெள்ளத்தில் சிக்கியிருந்தனர். இதில் குஜராத் முதல்வர் நரேந்திர‌ே மோடி, நேரடியாக களத்தில் இறங்கி குஜராத் மாநிலத்தவர்கள் 15 ஆயிரம் பேரை மீட்டார். இதனை பார்த்து போட்டியாக காங். சார்பில் நிவாரண பொருட்கள் லாரியில் அனுப்பி வைக்கப்பட்டன. மகாராஷ்டிரா முதல்வர் பிருத்விராஜ் சவான் தலைமையில் குழுவினர் அங்கு சென்றுள்ளனர்.

பரந்த நோக்கம் வேண்டும்

இந்நிலையில் இரு முதல்வர்களின் செயல்பாடுகள் குறித்து சிவசேனா தலைவர் உத்தவ் தாக்கரே தனது சாம்னா பத்திரிகையில் விமர்சித்து எழுதியிருப்பதாவது, உத்தர்கண்ட் மாநில வெள்ள பாதிப்பு நாட்டை பெரும் சோகத்தில் ஆழ்த்திவி்ட்டது. இதில் இரு மாநில முதல்வர்களும் மீட்பு பணியில் ஈடுபட்டிருந்தது வரவேற்க தக்கதே. எனினும் தங்கள் மாநிலத்தவர் உத்தர்கண்ட்டில் சிக்கியுள்ளதாக கூறி அவர்களை மீட்பதில் கவனம் செலுத்தி, குறுகிய நோக்குடன் செயல்படுவது சரியல்ல. தேசிய பேரழிவு ஏற்பட்டுள்ளதை பரந்த மனப்பாண்மையுடன் பார்க்க வேண்டும். இவ்வாறு உத்தவ் கூறியுள்ளார்.

சாதித்த மோடி மீது பொறாமை: நிபந்தனை விதிக்கிறது உத்தரகண்ட்

சாதித்த மோடி மீது பொறாமை: நிபந்தனை விதிக்கிறது உத்தரகண்ட்

Re: சாதித்த மோடி மீது பொறாமை: நிபந்தனை விதிக்கிறது உத்தரகண்ட்