உடுப்பி - பயணக்கட்டுரை by க்ருஷ்ணாம்மா with போட்டோஸ் and வீடியோ :)

First topic message reminder :

நண்பர்களே ! நாங்க ( நான் , இவர், கிருஷ்ணா,ஆர்த்தி, அவளுடைய அப்பா அம்மா மற்றும் அவ தங்கை) எல்லோரும் போன வியாழன் அதாவது 20ம் தேதி பெங்களுரிலிருந்து கிளம்பி ஒரு 4 நாள் ஒரு சின்ன டூர் போயிட்டு வந்தோம். எங்க கிருஷ்ணா - ஆர்த்தி இன் முதல் கல்யாண நாளை கொண்டாடுவதற்காக இந்த ட்ரிப்  அந்த பயண அனுபவத்தை உங்களுடன் பகிரலாம் என்று இந்த 'பயணக்கட்டுரையை ' ஆரம்பிக்கிறேன். சில பல போடோக்களும் போடுகிறேன், இது ஒரு தொடர்பதிவு தொடர்ந்து படியுங்கோ



முதலில் நாங்கள் வியாழன் காலை கிளம்பினோம், எங்கு எங்கு போகணும் என்று நினைத்தோம் என்று முதலில் சொல்கிறேன். முதலில் ஸ்ரவணபெலகுலா பிறகு தர்மஸ்தலா அப்புறம் உடுப்பி அப்புறம் ஹோரநாடு என்று பிளான் பண்ணினோம். எல்லா இடங்களுக்கும் முன்பே போன் செய்து தங்கும் இடமும் ஏற்பாடு செய்து விட்டோம். கை இல் நிறைய snacks தேவையான துணி மணிகள், மருந்து மாத்திரைகள் , first  aid  சாமான்கள், தண்ணி என்று எல்லாம் எடுத்துக்கொண்டோம். விடியற்காலை 4 மணிக்கே எழுந்து  குளித்து கிளம்பிவிட்டோம். Xaylo ஏற்பாடு பண்ணி இருந்தோம், ஆரம்பமே தொல்லையானது, ஆமாம் .... 5.30 க்கு கிளம்பனும் என்று இருந்தோம் .... சரியான சமயத்துக்கு வரலை :(2 போன் செய்ததும் ஒரு வழியாக 6.30க்கு வந்தார் அந்த டிரைவர் மஞ்சு. இங்கு கர்நாடகாவில் நிறைய பேரின் பேர் மஞ்சுநாத் என்று இருக்கும். என் கணவர் சொல்வார்..." கொரியாவில் ஒரு கல்லை விட்டு எரிந்தால் அது 'கிம்' வீட்டில் விழும்"   அது போல இங்கு கல் போட்டால் அது 'மஞ்சு நாத் ' வீட்டில் தான் விழும் போல பிறகு எங்களின் பெட்டிகளை ஏற்றிக்கொண்டு ஒருவழியாக 7 மணிக்கு கிளம்பினோம். ஆரம்பமே late  என்று  எனக்கு கொஞ்சம் முடு அவுட்



ஏன் என்றால், நாங்கள் ஸ்ரவண பெலகுலாவில் பிரேக் பாஸ்ட் சாப்பிடுவது என்று முடிவெடுத்து இருந்தோம். அது போச்சு, எனவே வழி இல் ஏதாவது ஹோட்டல் இருக்கா என்று பாத்துக்கொண்டே போனோம். ஒரு சின்ன ஓபன் ஹோட்டல் பார்த்தோம். சாப்பிட இறங்கினோம் அருமையான 'மெத்  மெத்' இட்லி மற்றும் தோசை. விசாரித்ததில் அவர்கள் நாம் சாதாரணமாக செய்யும் அவல் தோசை மாவிலேயே இட்லியும் செய்கிறார்கள் என்று சாப்பிட்டு விட்டு எங்கள் பயணத்தை தொடர்ந்தோம். ஒரு 9.45 மணிக்கு நாங்கள்  ஸ்ரவண பெலகுலாவை அடைந்தோம். பிறகு தான் தெரிந்தது கீழிருந்து பார்த்தால் மலை மேலே இருக்கும் 'கோமடேஸ்வரர்' ஐ பார்க்க முடியாதாம். கீழிருந்து முழுக்க தெரியலை பாதி தான் தெரிந்தது, விசாரித்ததில் 650 படிக்கட்டுகள் ஏறணுமாம் ... ஐயோ என்னால் முடியாது பா.... என்றேன் நான். ஆனால் மத்தவா போகலாமே என்றேன். எனவே நான் மற்றும் என் சம்பந்தி மாமி இருவரும் வண்டி இலேயே இருப்பதாக முடிவேடுத்தேம். மத்தவர்கள் மேலே ஏறினார்கள். அந்த போட்டோகள்  இதோ

பாறையை தள்ளப்பார்க்கும் கிருஷ்ணா
தொடரும் ......

நன்று அருமையான கட்டுரை.

உடுப்பியில் கிருஷ்ணா பகவானை பின்புறவாசல் (திட்டிக் கதவு )மூலம் தான் பார்க்கமுடியுமாம்.அப்படிதான் பார்த்து இருப்பீர்கள்.அதைப்பற்றிய ஒரு சுவையான நிகழ்ச்சி ஒன்று உண்டு.

ரமணியன்

கிருஷ்ணா & ஆர்த்திக்கு எங்களின் திருமண நாள் வாழ்த்துகளை தெரிவித்துவிடுங்கள்.

அருமையான பயணக்கட்டுரை அக்கா.

நேரில் சென்றது போல இருந்தது உங்களின் புகைபடங்கள், பகிர்வுக்கு மிக்க நன்றி

ரொம்ப நல்ல இருக்கு அம்மா நானும் போயி இருக்கேன் ஆனால் போட்டோ எடுக்கலா அம்மா
ஆனால் நீங்க அற்புதமா எடுத்து இருக்கீங்க எனக்கும் போகணும் போல இருக்கு அம்மா

அருமையாக இருந்தது அம்மா...
நீங்கள் சென்னையில் இருக்கீர்களா இல்லை பெங்களூர் -அ அம்மா?

சிவா wrote:அருமை அக்கா! அனைத்துப் படங்களையும் சேமித்துக் கொண்டேன்!

உடுப்பிக்கு நேரில் சென்ற அனுபவம் கிடைத்தது! மகிழ்ச்சி அக்கா!

நன்றி சிவா எங்க family போட்டோ பார்த்தீங்களா ஆர்த்தி இன் தங்கை,அப்பா அம்மாவும் வந்திருந்தா எங்களுடன்

krishnaamma wrote:
நன்றி சிவா எங்க family போட்டோ பார்த்தீங்களா ஆர்த்தி இன் தங்கை,அப்பா அம்மாவும் வந்திருந்தா எங்களுடன்  

பார்த்தேன் அக்கா!

இதில் எது அம்மா நீங்கள்?

T.N.Balasubramanian wrote:நன்று அருமையான கட்டுரை.

உடுப்பியில் கிருஷ்ணா பகவானை பின்புறவாசல் (திட்டிக் கதவு )மூலம் தான் பார்க்கமுடியுமாம்.அப்படிதான் பார்த்து இருப்பீர்கள்.அதைப்பற்றிய ஒரு சுவையான நிகழ்ச்சி ஒன்று உண்டு.

ரமணியன்  

ஆமாம் ஐயா, இதோ அடுத்த அதை எழுதப்போகிறேன் 'கிருஷ்ணரை ’கனகணகிண்டி.’ வழியாகத்தான் பார்க்க முடியும். நவ துவாரங்கள் இருக்கு, ஒவொருவராக நிதானமாக சேவிக்கலாம் அவரை, ஆவ்வளவு அழகு அந்த கிருஷ்ணர். பார்த்துக்கொண்டே இருக்கலாம், நான் பார்ர்த்துக்கொண்டே இருப்பதை பார்த்த அந்த காவல் கார பெண்மணி, மீண்டும் ஒருமுறை சுற்றி வந்து பாருங்கள் என்றாள் கும்பலே இல்லாதாதால் நாங்கள் மீண்டும் ஒருமுறை வந்து பார்த்தோம் ஐயா

ராஜா wrote:கிருஷ்ணா & ஆர்த்திக்கு எங்களின் திருமண நாள் வாழ்த்துகளை தெரிவித்துவிடுங்கள்.

அருமையான பயணக்கட்டுரை அக்கா.

நேரில் சென்றது போல இருந்தது உங்களின் புகைபடங்கள், பகிர்வுக்கு மிக்க நன்றி  

கண்டிப்பாக சொல்கிறேன் ராஜா நன்றி

சிவா wrote:

krishnaamma wrote:
நன்றி சிவா எங்க family போட்டோ பார்த்தீங்களா ஆர்த்தி இன் தங்கை,அப்பா அம்மாவும் வந்திருந்தா எங்களுடன்  

பார்த்தேன் அக்கா!

கிருஷ்ணா அப்பா போட்டோ எடுத்ததால் இதில் அவர் இல்லை