உடுப்பி - பயணக்கட்டுரை by க்ருஷ்ணாம்மா with போட்டோஸ் and வீடியோ :)

First topic message reminder :

நண்பர்களே ! நாங்க ( நான் , இவர், கிருஷ்ணா,ஆர்த்தி, அவளுடைய அப்பா அம்மா மற்றும் அவ தங்கை) எல்லோரும் போன வியாழன் அதாவது 20ம் தேதி பெங்களுரிலிருந்து கிளம்பி ஒரு 4 நாள் ஒரு சின்ன டூர் போயிட்டு வந்தோம். எங்க கிருஷ்ணா - ஆர்த்தி இன் முதல் கல்யாண நாளை கொண்டாடுவதற்காக இந்த ட்ரிப்  அந்த பயண அனுபவத்தை உங்களுடன் பகிரலாம் என்று இந்த 'பயணக்கட்டுரையை ' ஆரம்பிக்கிறேன். சில பல போடோக்களும் போடுகிறேன், இது ஒரு தொடர்பதிவு தொடர்ந்து படியுங்கோ



முதலில் நாங்கள் வியாழன் காலை கிளம்பினோம், எங்கு எங்கு போகணும் என்று நினைத்தோம் என்று முதலில் சொல்கிறேன். முதலில் ஸ்ரவணபெலகுலா பிறகு தர்மஸ்தலா அப்புறம் உடுப்பி அப்புறம் ஹோரநாடு என்று பிளான் பண்ணினோம். எல்லா இடங்களுக்கும் முன்பே போன் செய்து தங்கும் இடமும் ஏற்பாடு செய்து விட்டோம். கை இல் நிறைய snacks தேவையான துணி மணிகள், மருந்து மாத்திரைகள் , first  aid  சாமான்கள், தண்ணி என்று எல்லாம் எடுத்துக்கொண்டோம். விடியற்காலை 4 மணிக்கே எழுந்து  குளித்து கிளம்பிவிட்டோம். Xaylo ஏற்பாடு பண்ணி இருந்தோம், ஆரம்பமே தொல்லையானது, ஆமாம் .... 5.30 க்கு கிளம்பனும் என்று இருந்தோம் .... சரியான சமயத்துக்கு வரலை :(2 போன் செய்ததும் ஒரு வழியாக 6.30க்கு வந்தார் அந்த டிரைவர் மஞ்சு. இங்கு கர்நாடகாவில் நிறைய பேரின் பேர் மஞ்சுநாத் என்று இருக்கும். என் கணவர் சொல்வார்..." கொரியாவில் ஒரு கல்லை விட்டு எரிந்தால் அது 'கிம்' வீட்டில் விழும்"   அது போல இங்கு கல் போட்டால் அது 'மஞ்சு நாத் ' வீட்டில் தான் விழும் போல பிறகு எங்களின் பெட்டிகளை ஏற்றிக்கொண்டு ஒருவழியாக 7 மணிக்கு கிளம்பினோம். ஆரம்பமே late  என்று  எனக்கு கொஞ்சம் முடு அவுட்



ஏன் என்றால், நாங்கள் ஸ்ரவண பெலகுலாவில் பிரேக் பாஸ்ட் சாப்பிடுவது என்று முடிவெடுத்து இருந்தோம். அது போச்சு, எனவே வழி இல் ஏதாவது ஹோட்டல் இருக்கா என்று பாத்துக்கொண்டே போனோம். ஒரு சின்ன ஓபன் ஹோட்டல் பார்த்தோம். சாப்பிட இறங்கினோம் அருமையான 'மெத்  மெத்' இட்லி மற்றும் தோசை. விசாரித்ததில் அவர்கள் நாம் சாதாரணமாக செய்யும் அவல் தோசை மாவிலேயே இட்லியும் செய்கிறார்கள் என்று சாப்பிட்டு விட்டு எங்கள் பயணத்தை தொடர்ந்தோம். ஒரு 9.45 மணிக்கு நாங்கள்  ஸ்ரவண பெலகுலாவை அடைந்தோம். பிறகு தான் தெரிந்தது கீழிருந்து பார்த்தால் மலை மேலே இருக்கும் 'கோமடேஸ்வரர்' ஐ பார்க்க முடியாதாம். கீழிருந்து முழுக்க தெரியலை பாதி தான் தெரிந்தது, விசாரித்ததில் 650 படிக்கட்டுகள் ஏறணுமாம் ... ஐயோ என்னால் முடியாது பா.... என்றேன் நான். ஆனால் மத்தவா போகலாமே என்றேன். எனவே நான் மற்றும் என் சம்பந்தி மாமி இருவரும் வண்டி இலேயே இருப்பதாக முடிவேடுத்தேம். மத்தவர்கள் மேலே ஏறினார்கள். அந்த போட்டோகள்  இதோ

பாறையை தள்ளப்பார்க்கும் கிருஷ்ணா
தொடரும் ......

பூவன் wrote:அம்மா உங்கள் பயணங்களின் இன்பங்களை  பகிர்ந்தமைக்கு  நன்றி  ,

படங்கள் நன்றாக உள்ளன ...

நன்றி பூவன்

அவர்கள் எல்லோரும் சுமார் 10 மணிக்கு மேலே ஏறினா, 11.30 க்கு வந்து விட்டார்கள்.

இந்த பாறையை எனக்கு காட்டி " இது தான் மா மலை மேலுள்ள டைனோசர் முட்டை, கடைசி முட்டையாம் " என்றான் கிருஷ்ணா

ஸ்ரவண பெலகுலாவிலிருந்து  கீழே வந்ததும் இளநீர் குடித்து விட்டு நாங்கள் எங்கள் பயணத்தை தொடர்ந்தோம். தர்மஸ்தலா போகும் வழி இல் ஒரு பிரசித்தியான பிள்ளையார் கோவில் இருப்பதாக இவர் ஆபீஸ் இல் சொல்லி இருந்தார்கள். அங்கு 12 மணிக்குள் சென்றால் தீப ஹாரத்தி பார்க்கலாம் என்றும் சொல்லி இருந்தார்கள். ஆனால் எங்களால் அந்த நேரத்துக்கு செல்ல முடியவில்லை. என்றாலும் போய் பார்த்தோம். அந்த போட்டோகள் இதோ

அந்த கோவிலின் பெயர் சௌதட்கா ஸ்ரீ மகாகணபதி கோவில் Southadka Shri Mahaganapathi Temple

அந்த கோவில் முழுவதும் வேற வேற அளவுகளில் மணிகள் கட்டி இருந்தார்கள், வேண்டுதலுக்காக கட்டுவார்கள் போல இருக்கு ஒவ்வொன்றும் ஒவ்வொரு சத்தம் தருகிறது; கேட்க இனிமையாக இருந்தது

நாங்கள் தர்மஸ்தலாவை  அடைய சாயங்காலமாகி விட்டது. எனவே நாங்கள் கோவிலுக்கு இரவு தான் போனோம். கொஞ்சம் கும்பல் இருந்ததால் 200 ருபாய் டிக்கெட் வாங்கிக்கொண்டு போனோம். என்றாலும் ஒரு 1/2 மணிநேரம் வரிசை இல் நின்று சுவாமி சேவித்தோம். மஞ்சுநாத சுவாமி மற்றும் அம்பாளை சேவித்தோம்.

தர்மஸ்தலா மஞ்சுநாதர் -

வெளியே வந்து பிரசாதம் (200 டிக்கெட் க்கானது வாங்கிக்கொண்டு, சாப்பிட போனோம். அங்கு மதியமும் இரவும் வரும் எல்லோருக்கும் சாப்பாடு போடுகிறார்கள். ரொம்ப பெரிய ஹால் அது, எல்லோருக்கும் வட்டமான எவர்சில்வர் தட்டு தருகிறார்கள். கீழே உட்கார்ந்து சாப்பிட வசதி செய்திருந்தார்கள். அதாவது கிரானைட் ஸ்லாப் போட்டிருந்தார்கள். முடியாதவர்களுக்கு டேபிள் ஸ்டூல் இருந்தது. நான் டேபிளிளிலும் மற்றவர்கள் கிழேயும் அமர்ந்து சாப்பிட்டோம். ஆனால் ரொம்ப வேகமாக பரிமாறுகிறார்கள் முதலில் கூட்டு பிறகு சாதம், ரசம், அடுத்தது மறுபடி சாதம் + குழம்பு , அப்புறம் மோர். ரொம்ப வேகமாக பரிமாறுகிறார்கள் , வேகமாக சாப்பிட கொஞ்சம் கஷ்டமாக இருந்தது. என்றாலும் அந்த மகா பிரசாதம் அருமை

எங்களால் இருட்டில் எடுக்க முடியலை எனவே நெட் இல் சுட்டேன் இந்த போட்டோகளை

அங்கு நாங்கள் முதலிலேயே பேசி வைத்திருந்தோம், ஆனால் அங்கு ரூம்  புக் செய்ய முடியாது , நேரில் போய்தான் புக் செய்ய வேண்டும். first  cum  first  basis இல் தான் ரூம் தருவாளாம். இப்போது நிறைய lodge  கள் இருக்கு, ரூம்களும் நல்லா இருக்கும் என்றார்கள். கிட்ட தட்ட 1500 ரூம்கள் இருக்காம். ஒருவேளை நமக்கு ரூம் கிடைக்காவிட்டால் கோவிலில் நமக்கு இடம் ஏற்பாடு செய்வார்களாம். இந்த சீசனில் கும்பல் இருக்காது எனவே ரூம் கிடைத்து விடும் என்று சொன்னார்கள். அதே போல எங்களுக்கு சுலபமாக கிடைத்தது சாதாரண ரூம் 300 என்றும் A /C 800 என்று சொன்னார்கள். நாங்கள் ரூம் எங்கள் ரூமுக்கு சென்றோம். நாங்கள் உள்ளே நுழைந்ததும் மழை பிடித்துக்கொண்டது. ஒரு 2 மணிநேரம் ரெஸ்ட் எடுத்துக்கொண்டு பிறகு மழை விட்டதும் கோவிலுக்கு போனோம்.

நாங்கள் தங்கிய லோட்கே இன் பெயர் -