இதயத்தை பாதுகாக்க யோசனைகள் (பாகம்-2)

ராஜு சரவணன் · ராஜு சரவணன் Mon Jun 24, 2013 11:00 am

முதல் பாகம் - Link

நன்றி: அப்பலோ மருத்துவ மனை

1. கோபம் இதய நோயாளிகளுக்கு பெரும் தீங்கு விளைவிக்கிறது. கோபத்தை தகுந்த counseling மூலம் குறைப்பதால் அதனால் வரும் தீங்கு ( stress ) 70 % குறைகிறது.

இதயத்தை பாதுகாக்க யோசனைகள் (பாகம்-2) Images

2. நம்பிக்கை உங்கள் உடல் உறுப்புகளுக்கு நல்லது செய்யும். மத நம்பிக்கை உள்ளவர்கள், அந்த நம்பிக்கை இல்லாதவர்களை விட 8 முதல் 10 வருடங்கள் அதிகம் வாழ்கின்றனர்.

3. வருடாந்திர உடல் பரிசோதனை நல்ல ஆயுளுடன் வாழ அடிப்படை தேவையாகும்.

4. உங்கள் வார நாட்களை அலுவலதிற்காக செலவிடும் நீங்கள் உங்கள் வார இறுதி நாட்களை குடும்பத்திற்காக செலவிடுங்கள்.

5. வார நாட்களிலும், பகலில் நீங்கள் செய்ய வேண்டியதை உங்கள் அலுவல் முடிவு செய்தாலும், மாலை வேளையில் என்ன செய்ய வேண்டும் என்பதை நீங்கள் முடிவு செய்யலாம்.

6. மிகவும் பணி சுமை உள்ள வேலை எனில் உங்களுக்கு ஓய்வான விடுமுறை தேவை. தொடர்ந்து ஒரே வித வேலை செய்பவர்களுக்கு மலை ஏற்றம் (trekking) போன்ற அதிக செயல்பாடுகள் உள்ள விடுமுறை தேவை.
7. வருடத்திற்கு ஒரு முறை இரண்டு அல்லது மூன்று வார விடுமுறை எடுப்பது உங்கள் குடும்பத்திற்கும், உங்கள் உடல் நலனுக்கும் நல்லது.

8. உங்கள் வேலை ஒன்று உங்களை திருப்தி படுத்தும். அல்லது சோர்வாக்கும். 50 % க்கும் மேற்பட்டோர் வேலை சார்ந்த மன சுமையால் அவதி படுகிறார்கள்.

9. அலுவலகத்தில் மிக அதிக திட்டு வாங்குபவர், அதிக அளவு sick leave எடுக்கிறார்.

10. மன சுமை தரும் வேலைகள் இதயத்திற்கு அதிக தீங்கு தருகின்றன. உங்கள் வேலை உங்களை தொடர்ந்து துன்புறுத்தினால், அதிலிருந்து மாறுவதே நல்லது.

11. நீங்கள் செய்யும் சிறு நல்ல செயல்களுக்காக உங்களை நீங்களே பாராட்டி கொள்ளுங்கள். வேறு யாரும் அதனை செய்ய போவதில்லை.

12. தினம் 8 முதல் 9 மணி நேர தூக்கம் அவசியம். குறைவாக தூங்குவதால் உடலில் நோய் எதிர்ப்பு சக்தி குறையும். உயர் ரத்த அழுத்தம் வர வாய்ப்பு அதிகம். தினம் குறிப்பிட்ட நேரம் தூங்க சென்று குறிப்பிட்ட நேரம் விழிப்பது நல்லது.

13. கோபத்துடன் தூங்க செல்லாதீர்கள்.

14. இசை இதயத்திற்கும் மனதிற்கும் நல்லது. அது மன சுமையை குறைக்க வல்லது.

15. மன சுமை இருக்கும் போது நீண்ட பெருமூச்சு விடுங்கள். ஒரு மணிக்கு ஒரு முறை சிறிது தூரம் நடப்பது அலுவலக சுமையை குறைக்க உதவும்.

16. பூக்கள் , செடிகள், மீன் தொட்டி இவையும் stress குறைக்க உதவும்.

17. இதய நோய்களில் மூன்றில் ஒரு பங்கு சிகரட் குடிப்பதால் வருகிறது. சிகரட்தில் நம் உடலுக்கு தீங்கு செய்யும் பொருட்கள் 4000 உள்ளன!! சிகரட் குடிப்போருக்கு இருதய நோய் மற்றும் கேன்சர் வர வாய்ப்பு அதிகம்.

18. ஒவ்வொரு ஒரு மணி நேரம் நடப்பதன் மூலம் உங்கள் வாழ் நாள் ஒரு மணி நேரம் நீட்டிக்கபடுகிறது.

19. விளையாட்டு உடலில் உள்ள வியாதிகளுடன் எதிர்த்து போரிட உதவுகிறது.

20. உடற் பயிற்சி மகிழ்வான சுரப்பிகளை உடலில் சுரக்க வைக்கிறது. உடலை அழகாக வைத்திருக்கவும் நலமாக வைத்திருக்கவும் உதவுகிறது.

21. தொடர்ந்து உடற் பயிற்சி செய்பவர்கள் ஹார்ட் அட்டக்கை எதிர் கொண்ட பின்னும் வாழ்கிறார்கள். உடற் பயிற்சி இருதயம் உள்ளிட்ட அனைத்து தசைகளையும் உறுதி செய்கிறது.

22. 3 - 6 மாதங்களுக்கு ஒரு முறை ரத்த தானம் செய்வது இதயத்துக்கு நல்லது.

23. தினம் செய்யும் வீட்டு வேலைகள் (தோட்ட வேலை, படியேறுவது,etc ) ஹார்ட் அட்டக் வருவதற்கான வாய்ப்பை பாதியாக குறைக்கும்.

24. அதிகம் நடக்காமல், வேலை செய்யாமல் ஒரே இடத்தில இருப்பது சிகரட் புகைப்பது போன்ற கெடுதல் இதயத்திற்கு செய்யும்.

25. உடல் குறித்து நீங்கள் எடுக்கும் நல்ல தீர்மானங்களை தள்ளி போடாதீர்கள். உடன் துவங்குங்கள்.

நன்றி வீடுதிரும்பல்.ப்ளாக்ஸ்பாட்.காம்