விட்டுடப்போகுது என் உறவு ?

by **நாகசுந்தரம்** Sat Jun 22, 2013 10:11 am

பாடம் சொல்லித்தரவா கண்ணு – அப்பா கேட்டார் அன்பாக
வேண்டாம் அப்பா என்றான் பையன்
சமையல் சொல்லித்தரவா கண்ணு – கணவன் கேட்டான் கனிவாக
வேண்டாம் ஐயா போங்கள் என்றாள் மனைவி
இடம் எங்கே என்று சொல்லட்டுமா செல்ல – குடும்பதலைவர் கேட்டார்
வேண்டாம் நாங்களே செல்வோம் என்றார் விருந்தினர்
வேலையில் உதவி செய்யட்டுமா – பக்கத்து இருக்கை அலுவலரை கேட்டேன்
வேண்டாம் நானே செய்கின்றேன் – பதிலும் வந்தது பதமாக
மருத்துவரிடத்தில் வேண்டுமா செல்ல ? – மகனும் கேட்டான் அன்பாக
அருகிலே இருக்கிறார் சென்றிடுவேன் – தந்தை சொன்னார் தரமாக
காலுக்கு மருந்து என்ன வேண்டும் ? – அன்னையை கேட்டேன் அழகாக
எல்லாம் இருக்குது என்னிடமே – ஏக்கம் இல்லை அவள் பேச்சில் !
பயணச்சீட்டு இரயிலுக்கு போட்டிடவா என்றான் தங்கையிடம்
தயவு எதுவும் தேவை இல்லை திடமாய் சொன்னாள் மறுமொழியும்
என்ன ஆச்சு இவர்களுக்கு எந்தன் தயவு மறைவதர்க்கு ?
ஓஹோ ! கூகிள் இருக்குது அவர்களுக்கு !
தொடு திரையாலே தேடுகின்றார்,
தேடிய விடயம் கிடைக்கிறது.
தொந்திரவு என்னை செய்வதில்லை !
மனதில் பட்டதை சொல்லுகின்றேன்
விட்டுடப்போகுது என் உறவு ?
பார்த்துக் கொள்ளுங்கள் மனிதர்களே !