அமெரிக்காவுக்கு தகவல்கள் வழங்கிய கூகுள் நிறுவனம் மீது ஐரோப்பா நடவடிக்கை

ஹர்ஷித் · ஹர்ஷித் Sat 22 Jun 2013 - 8:03

அமெரிக்க உளவு நிறுவனத்திற்கு, தங்கள் நாட்டு வாடிக்கையாளர்கள் குறித்த தகவல்களை, வழங்கிய, "கூகுள்' இணையதளம் மீது, ஐரோப்பிய நாடுகள் கடும் நடவடிக்கை எடுத்துள்ளன.
அமெரிக்க அரசு சமீபத்தில்,"பிரிசம்' என்னும் கண்காணிப்பு திட்டத்தை அமல்படுத்தியது. இத்திட்டத்தின்படி, அனைத்து வாடிக்கையாளர்களின் தொலைபேசி உரையாடல்களும், இணையதள நடவடிக்கைகளும், பதிவு செய்யப்படுகின்றன. பிரபல, "கூகுள்' உள்ளிட்ட, ஒன்பது இணையதள நிறுவனங்கள், "பிரிசம்' கண்காணிப்பு திட்டத்திற்கு தங்கள் வாடிக்கையாளர்கள் குறித்த அனைத்து தகவல்களையும் கொடுத்துள்ளன. கூகுள் இணையதளத்தை உபயோகிக்கும் அனைத்து வாடிக்கையாளர்கள் குறித்த தகவல்களை, அமெரிக்க தேசிய உளவு நிறுவனத்திற்கு கூகுள் வழங்கியுள்ளது. கூகுளின் இச்செயலால், அதிருப்தியடைந்துள்ள, ஐரோப்பிய கூட்டமைப்பில் உள்ள பல நாடுகள், அந்நிறுவனம் மீது நடவடிக்கை எடுக்க உள்ளன.
"பிரான்ஸ் நாட்டு சட்டத்தை, கூகுள் இணையதளம் மீறியுள்ளது; இந்நிறுவனம், தன்னுடைய, தனியுரிமை கொள்கைகளை மாற்றிக்கொள்வதற்கு, மூன்று மாத கால அவகாசம் அளிக்கப்பட்டுள்ளது. அவ்வாறு மாற்றிக் கொள்ளாவிடில், 1.2 கோடி ரூபாய் அபராதம் விதிக்கப்படும்' என, பிரான்ஸ் தகவல் பாதுகாப்பு நிறுவனமான, சி.என்.ஐ.இ.எல்., எச்சரித்துள்ளது.
"கூகுள் நிறுவனத்திற்கு, 2.5 கோடி ரூபாய் அபராதம் விதிக்கப்படும்' என, ஸ்பெயின் நாட்டு தகவல் பாதுகாப்பு நிறுவனமான, எ.இ.பி.டி., எச்சரித்துள்ளது.
பிரிட்டன், ஜெர்மனி, இத்தாலி மற்றும் நெதர்லாந்து போன்ற நாடுகளும், இந்த இணையதள நிறுவனத்திற்கு எதிராக நடவடிக்கை எடுக்க உள்ளதாக, சி.என்.ஐ.இ.எல்., தெரிவித்துள்ளது.

தினமலர்

அமெரிக்காவுக்கு தகவல்கள் வழங்கிய கூகுள் நிறுவனம் மீது ஐரோப்பா நடவடிக்கை

அமெரிக்காவுக்கு தகவல்கள் வழங்கிய கூகுள் நிறுவனம் மீது ஐரோப்பா நடவடிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக