மலேசியா: நாளை பேரணியா? தேவை நேர்ந்தால் ராணுவம் அழைக்கப்படும்

**சிவா** · **சிவா** Fri Jun 21, 2013 4:14 pm

நாளை சனிக்கிழமை தலைநகரில் எதிர்க்கட்சிகள் பேரணியை நடத்தும் திட்டம் நிறைவேற்றப்பட்டால், காவல் துறைக்கு ஒத்துழைப்பாக செயல்பட ராணுவ உதவியும் நாடப்படும் என்று அறிவிக்கப்பட்டிருக்கிறது.

பேரணியை எதிர்கொள்ள அரச மலேசிய காவல்துறை இதுவரை உரிய நடவடிக்கைகளை மேற்கொண்டிருக்கிறது. இருந்த போதிலும் எதிர்பாராத விடயங்களைச் சமாளிக்க இராணுவ உதவியும் பெறப்படக் கூடும் என்று உள்துறை பொது அமைதி பாதுகாப்புத் துறை இயக்குனர் டத்தோஸ்ரீ சாலே மாட் ரஷிட் தெரிவித்தார்.

பாடாங் மெர்போக்கில் நடத்தப்படும் அந்தப் பேரணியில் பொதுமக்கள் கலந்துகொள்ளாமல் விலகி இருக்குமாறு அவர் வலியுறுத்தினார்!

**சிவா** · **சிவா** Fri Jun 21, 2013 4:15 pm

போகிற போக்கைப் பார்த்தால் ட்ராபிக்கை ஒழுங்கு செய்யவும் இராணுவத்தை அழைப்பார்கள் போலிருக்கிறது! எதிர்க்கட்சிகளும் தன் நாட்டு மக்கள் தான் என்பதை இந்த அரசாங்கம் எண்ணிக் கூடப் பார்ப்பதில்லை!

**சிவா** · **சிவா** Fri Jun 21, 2013 4:20 pm

பிகேஆர்: 505 கறுப்பு தின பேரணிக்கு இராணுவத்தை ஏன் அழைக்க வேண்டும் ?

கோலாலம்பூரில் நாளை 505 கறுப்பு தினப் பேரணியைச் சமாளிப்பதற்கு போலீசாருக்கு உதவ இராணுவம் தயாராக இருப்பதாக உள்நாட்டுப் பாதுகாப்பு, பொது ஒழுங்குத் துறை விடுத்துள்ள அறிக்கையை பிகேஆர் சாடியுள்ளது.

” அண்மைய பேரணிகள் அனைத்தும் அமைதியாகவும் ஒழுங்காகவும் நடைபெற்றுள்ளன. விரும்பத்தகாத நடத்தைகள் எதுவும் அந்தப்
பேரணிகளில் நிகழ்ந்ததாக அறிவிக்கப்படவில்லை.”

“ஆயுதப் படைகள் அழைக்கப்படும் எனச் சொல்வது போலீஸ் படையின் திறமைக் குறைவைக் காட்டுகின்றது,” என பிகேஆர் உதவித் தலைவர் தியான் சுவா சொன்னார்.

“சனிக்கிழமை அந்தப் பேரணியில் கலந்து கொண்டு தங்கள் கோரிக்கைகளை விடுக்க உறுதி பூண்டுள்ள மக்களிடம் அச்சத்தை ஏற்படுத்த ஆளும் கட்சி மீண்டும் முயலுவதாகத் தோன்றுகிறது,” என்றார் அவர்.

அந்தப் பேரணி அரசியல் சார்புடையது அல்ல. அது மலேசியாவில் நியாயமான, தூய்மையான தேர்தலை நடத்த தேர்தல் ஆணையம் தவறி விட்டதால் ஏமாற்றமடைந்துள்ள மக்களால் மக்களுக்காக ஏற்பாடு செய்யப்பட்டுள்ளது,” என்றும் தியான் சுவா குறிப்பிட்டார்.

Sponsored content · Sponsored content

மலேசியா: நாளை பேரணியா? தேவை நேர்ந்தால் ராணுவம் அழைக்கப்படும்

மலேசியா: நாளை பேரணியா? தேவை நேர்ந்தால் ராணுவம் அழைக்கப்படும்

Re: மலேசியா: நாளை பேரணியா? தேவை நேர்ந்தால் ராணுவம் அழைக்கப்படும்

Re: மலேசியா: நாளை பேரணியா? தேவை நேர்ந்தால் ராணுவம் அழைக்கப்படும்

Re: மலேசியா: நாளை பேரணியா? தேவை நேர்ந்தால் ராணுவம் அழைக்கப்படும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக