வளையல் அணிவித்தால் மழலை பாக்கியம்

**சிவா** · **சிவா** Fri Jun 21, 2013 10:36 am

முன்பு ஆதிபுரம் என்று அழைக்கப்பட்ட இளையனார் வேலூரில் மக்கள் அனைவரும் ஸ்ரீஆதிநாயகி அம்பிகையை வழிபட்டனர். செய்யாற்றங்கரையில் அமைந்திருந்த ஸ்ரீஆதிநாயகி அம்பாளின் சுதை சிற்பம் இயற்கை சீற்றம் காரணமாக பூமியில் புதையுண்டது. இதன்பிறகு பல வருடங்கள் கழித்து ஒரு முதியவர் கனவில்

தோன்றிய அம்பாள் தான் இருக்கும் இடத்தை உணர்த்தினாள். அதன்படி பெரியவர் அம்பிகையை தனது தோட்டத்தில் பிரதிஷ்டை செய்து வழிபட்டார். தற்போது ஆதிநாயகி அம்பிகை மக்கள் அனைவருக்கும் அருள் புரிந்து வருகிறாள்.

இருகரங்களில் சின் முத்திரையுடன் வடக்கு திசை நோக்கி அமர்ந்திருக்கிறாள் ஆதிநாயகி அம்பிகை. அம்பாளின் பின்புறம் ஆதிரூபிணி என்னும் லக்ஷ்மி அருள்புரிகிறாள். ஆதிமிகி, ஆதிவிகி எனும் இரண்டு துவாரபாலகிகள் அம்பாளுக்கு காவலாக இருக்கின்றனர்.

அம்பாளின் வலது பக்கம் கருப்பசாமியும், இடது பக்கம் ஜடாமுனீஸ்வரரும் அருள்பாலிக்கின்றனர். விஷ்ணு துர்க்கை, அங்காளம்மன், சப்த கன்னிகள், ஆதீஸ்வரர், ஆதிவெற்றி விநாயகர், ஆதி ஆறுமுகன், ஆதிசேஷன் ஆகியோரையும் இங்கு தரிசிக்கலாம்.

ஆதிநாயகி அம்பிகையை வழிபட்டால் கடன் தொல்லை தீரும். அம்பாளுக்கு வளையல் மாலை அணிவித்தால் குழந்தை பாக்கியம் கிடைக்கும். இக்கோயிலில் கேரள பால்பாயசம் பக்தர்களுக்கு பிரசாதமாக வழங்கப்படுகிறது.

இத்தகைய பெருமை வாய்ந்த ஆதிநாயகி அம்பாள் ஆலயத்தில் தற்போது திருப்பணிகள் நடைபெறுகின்றன.

அமைவிடம்: காஞ்சிபுரம் பேருந்து நிறுத்தத்திலிருந்து 18 கி.மீ. தொலைவில் உள்ளது இளையனார் வேலூர்.

வளையல் அணிவித்தால் மழலை பாக்கியம்

வளையல் அணிவித்தால் மழலை பாக்கியம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக