புதுச்சேரி அருகே கழிவுநீர் தொட்டியை சுத்தம் செய்தபோது விஷ வாயு தாக்கி 2 தொழிலாளி பலி

**ராஜா** · **ராஜா** Sun Jun 23, 2013 11:17 am

புதுச்சேரி சுதந்திர பொன்விழா நகரில் பொதுப்பணிதுறைக்கு சொந்தமான கழிவுநீர் உந்து நிலையம் உள்ளது. சுதந்திர பொன்விழா நகர், சாரம் உள்ளிட்ட பகுதிகளை சேர்ந்த கழிவுநீர் இங்குள்ள 15 அடி ஆழ தொட்டிக்கு வந்து சேரும். பின்னர் மோட்டார் மூலம் குருசுகுப்பம் பகுதிக்கு அனுப்பப்படும்.

இந்த நிலையில் கடந்த 10 தினங்களுக்கு முன்பு சுதந்திர பொன்விழா நகரில் உள்ள கழிவுநீர் தொட்டியை தூர்வாரும் பணி தொடங்கியது. இதற்காக வெளியில் இருந்து வரும் கழிவுநீர் அடைத்து வைக்கப்பட்டிருந்தது.

தூர்வாரும் பணி முடிந்ததால் நேற்று மாலை கழிவு நீரை குருசுகுப்பம் பகுதிக்கு மீண்டும் திறந்து விடும் பணி நடந்தது. இந்த பணியில் பொதுப்பணித்துறை ஊழியர்கள் கலிதீர்த்தாள் குப்பம் ஜெகதீசன் (வயது 40), அனிதா நகர் உதயகுமார் (40) அந்தோணி, சங்கர், சுரேஷ், அன்பழகன், மகாலிங்கம் ஆகியோர் ஈடுபட்டனர்.

இவர்களில் கழிவுநீர் தொட்டிக்குள் ஜெகதீசனும், உதயகுமாரும் பணியில் ஈடுபட்டனர். அப்போது கழிவுநீர் பைப்பை திறந்தபோது எதிர்பாராதவிதமாக விஷ வாயு தாக்கியது. இதில் அவர்கள் மயக்கமடைந்து கழிவுநீரில் மூழ்கினர்.

இதையடுத்து அங்கு பணியில் இருந்த ஊழியர்கள் தீயணைப்பு நிலையத்துக்கு தகவல் அளித்தனர். அதற்குள் 2 ஊழியர்களும் தொட்டியில் கழிவுநீரில் மூழ்கி இறந்தனர். தீயணைப்பு ஊழியர்கள் 2 மணி நேர போராட்டத்துக்கு பிறகு உடலை வெளியே எடுத்தனர்.

இதுகுறித்து கோரிமேடு போலீசார் வழக்கு பதிவு செய்து விசாரணை நடத்தி வருகின்றனர். கழிவுநீர் வாய்க்காலில் மூழ்கி 2 ஊழியர்கள் பலியான சம்பவம் புதுவையில் பெரும் பரபரப்பை ஏற்படுத்தி உள்ளது.

-maalaimalar

யினியவன் · யினியவன் Sun Jun 23, 2013 11:23 am

எப்பதான் இந்த கழிவுகளை நீக்கும் பணியை மனிதனை வைத்து செய்வதை நிறுத்துவார்கள் நாம் நாட்டில்?

**ராஜா** · **ராஜா** Sun Jun 23, 2013 11:23 am

தமிழ்நாட்டில் இந்த சோக சம்பவங்கள் ஒரு தொடர்கதையாகவே இருக்கிறதே சோகம்

இந்த தொழிலாளர்கள் கழிவு நீர் தொட்டிகளில் விஷவாயு உருவாகும் என்பது தெரியாமல் இருக்கிறார்களா ?! அல்லது வாடை தெரியாமல் இருக்கவேண்டும் என்பதற்காக வயிறுமுட்ட மது அருந்திவிட்டு விஷவாயுவின் தாக்குதல் கூட தெரியாமல் உயிரிழக்கிறார்களா என தெரியவில்லை.

நண்பர்களே , உங்கள் வீடுகளிலோ அல்லது அக்கம்பக்கத்திலோ இது போல தொழிலாளர்கள் சுத்தம் செய்ய வந்தால் அவர்களிடம் ஓரிரு நிமிடங்கள் கழிவு நீர்தொட்டிகளில் விஷவாயு உருவாகியிருக்கும்(பெரும்பாலும் இந்த வாயுக்களுக்கு நிறமோ/மணமோ கிடையாது) அதனால் பாதுகாப்பாக இறங்குங்கள் என சொல்லுங்கள்.

Sponsored content · Sponsored content

புதுச்சேரி அருகே கழிவுநீர் தொட்டியை சுத்தம் செய்தபோது விஷ வாயு தாக்கி 2 தொழிலாளி பலி

புதுச்சேரி அருகே கழிவுநீர் தொட்டியை சுத்தம் செய்தபோது விஷ வாயு தாக்கி 2 தொழிலாளி பலி

Re: புதுச்சேரி அருகே கழிவுநீர் தொட்டியை சுத்தம் செய்தபோது விஷ வாயு தாக்கி 2 தொழிலாளி பலி

Re: புதுச்சேரி அருகே கழிவுநீர் தொட்டியை சுத்தம் செய்தபோது விஷ வாயு தாக்கி 2 தொழிலாளி பலி

Re: புதுச்சேரி அருகே கழிவுநீர் தொட்டியை சுத்தம் செய்தபோது விஷ வாயு தாக்கி 2 தொழிலாளி பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக