இன்று (ஜூன் 21) உலக இசை தினம்

நாடு, ஜாதி, மதம், மொழி என அனைத்திற்கும் அப்பாற்பட்டது இசை. இதை எந்த எல்லையும் கட்டுப்படுத்த முடியாது. மனிதன், எப்போது பேச ஆரம்பித்தானோ, அப்போதே இசையும் தோன்றி இருக்க வேண்டும். எந்த மனிதனையும் கட்டிப்போடும் சக்தி, இசைக்கு மட்டுமே உண்டு. "இசையை வார்த்தைகளால் வெளிப்படுத்த முடியாது' என இசை குறித்து மறைந்த பிரெஞ்ச் கவிஞர் விக்டர் ஹியூகோ குறிப்பிட்டார். இசை இல்லாமல் வாழ்ந்திட முடியுமா என்றால், நிச்சயம் முடியாது. வரும் தலைமுறையினருக்கு ஆர்வத்தை அளிக்கவும், இசைத்துறையில் சாதனை படைத்தவர்களை பாரட்டும் விதத்திலும் ஜூன் 21ம் தேதி உலக இசை தினம் கொண்டாடப்படுகிறது. இந்தியா, ஆஸ்திரேலியா, பிரிட்டன், சீனா உள்ளிட்ட 110க்கும் மேற்பட்ட நாடுகளில் இது கொண்டாடப்படுகிறது.

பலவிதம்:

பழங்கால இசை, இடைக்கால இசை, ஐரோப்பிய கிளாசிக்கல் இசை, கிளாசிக்கல் (இலக்கிய) இசை, கற்பனை இசை மற்றும் நவீன இசை என இசையின் பரிமாணம் உருவாகியது. உலகில் ஒவவொரு நாடும், கலாச்சாரத்துக்கு ஏற்றவாறு இசையை இசைக்கின்றனர். ராக் மியூசிக், சோல் மியூசிக், பாப் மியூசிக், டிஸ்கோ, போக், சிம்பொனி உள்ளிட்ட இசைகள் உலகளவில் உள்ளன. இந்தியாவில் பெரும்பாலும் இரு விதமான இசைகள் தான் பின்பற்றப்படுகிறது. ஒன்று வட இந்தியாவின் இந்துஸ்தானி, மற்றொன்று தென்னிந்தியாவின் கர்நாடாக இசை.

வரையறை:

இசை ஒரு வரையறைக்குள் இருக்க வேண்டும். கலாச்சாரத்தை சீரழிக்கும் இசை உருவாவதை துவக்கத்திலேயே தடுக்க வேண்டும். பொழுதுபோக்கு அம்சமாகவும் அதே நேரத்தில் வாழ்க்கையின் முன்னேற்றத்துக்கு ஏற்ற வகையிலும் இசை இருக்க வேண்டும். இந்த பொறுப்பு இசை கலைஞர்களுக்கு உள்ளது. இசைக்கும், சமூக பொறுப்பு உள்ளது.

கவிஞர்களின் பார்வையில்...

* இசை எனது மதம் - ஜிமி ஹென்றிக்ஸ்
* இசை உள்ளவரை, நீ இசையாகவே இரு - டி.எஸ்.எலியாட்
* இசை உணர்ச்சியின் சுறுக்கெழுத்தாக இருக்க வேண்டும் - லியோ டால்ஸ்டாய்
* கல்வி, ஒழுக்கத்தின் உயிரோட்டமாக இசை இருக்க வேண்டும் - பிளாட்டோ
* இசை உலகை மாற்றும், ஏனென்றால் இசை மக்களை மாற்றுகிறது - போனோ

-- தினமலர்