அரசியல் என்பது என்ன?: விளக்குகிறார் அப்துல் கலாம்

by soplangi Thu Jun 20, 2013 5:17 pm

ஐதராபாத் : அரசியலில் வளர்ச்சியை ஏற்படுத்துவோர் 2014ம் ஆண்டு தேர்தலில் மீண்டும் தேர்வு செய்யப்படுவார்கள் என முன்னாள் ஜனாதிபதி அப்துல் கலாம் தெரிவித்துள்ளார். ஐதராபாத்தில் இன்ஜினியரிங் கல்லூரி பட்டமளிப்பு விழாவில் கலந்து கொண்டு பேசிய அவர் கூறியதாவது : என்னை பொறுத்த வரை அரசியல் என்பது 2 பிரிவுகளை கொண்டது; ஒன்று அரசியல் ரீதியான அரசியல்; மற்றொன்று வளர்ச்சி ரீதியிலான அரசியல்; நம் நாட்டில் 70 சதவீதம் அரசியல் சார்ந்த அரசியலே நடக்கிறது; 30 சதவீதம் மட்டுமே வளர்ச்சி சார்ந்த அரசியல் நடக்கிறது; இது எதிர்மறை விளைவுகளையே ஏற்படுத்தும்; இதற்கு விதிவிலக்காக சில மாநிலங்கள் மட்டுமே வளர்ச்சி சார்ந்த அரசியலை மேற்கொள்கின்றன; அதனாலேயே அவர்கள் மீண்டும் மீண்டும் ஆட்சி பொறுப்பிற்கு தேர்வு செய்யப்படுகின்றனர்; வளர்ச்சி சார்ந்த அரசியலை மேற்கொள்வோரே 2014ல் தேர்ந்தெடுக்கப்படுவார் என்பதை நாம் காணப் போகிறோம். இவ்வாறு கலாம் தெரிவித்துள்ளார்.

-- தினமலர்