இ-மெயில், தொலைபேசி அழைப்புகளை கண்காணிக்க தொடங்கியது மத்திய அரசு

soplangi · soplangi Thu Jun 20, 2013 4:37 pm

புதுடெல்லி, ஜூன் 20-

அமெரிக்காவின் தேசிய பாதுகாப்பு நிறுவனம், முக்கிய இணைய நிறுவனங்களின் மூலம் இணையத்தில் உள்ளவர்களில் தகவல்களை ரகசியமாக பெற்றது சமீபத்தில் வெளியாகி பரபரப்பை ஏற்படுத்தியது. அதிபர் ஒபாமா இது போன்ற உளவு வேலைகளை செய்ததன் மூலம் பல தீவிரவாத தாக்குதல்களை தடுத்து நிறுத்தியதாக விளக்கம் அளித்தார்.

அதேபோன்று இந்தியாவும் தொலைபேசி மற்றும் இணைய பயன்பாட்டாளர்களின் நடவடிக்கையை கண்காணிக்க இருப்பதாக தகவல் வெளியாகி உள்ளது.

இந்தியாவில் 90 கோடி பேர் தொலைபேசி பயன்படுத்துகின்றனர். 12 கோடி பேர் இணையத்தை பயன்படுத்துகின்றனர். இவர்களின் தகவல் பரிமாற்றங்களை கண்காணிக்கும் விரிவான கண்காணிப்பு திட்டத்தை அரசு செயல்படுத்த உள்ளது. இதன் மூலம் இந்தியாவின் வருமான வரித்துறை உள்ளிட்ட அரசு அமைப்புகளும், பாதுகாப்பு அமைப்புகளும் பயன்பாட்டாளர்களை நேரடியாக கண்காணிக்க முடியும் என்று கூறப்படுகிறது. இதனை நீதிமன்றம் அல்லது பாராளுமன்ற மேற்பார்வை இல்லாமல் நேரடியாக செய்ய முடியும்.

இந்த கண்காணிப்பு முறை கடந்த ஏப்ரல் மாதம் முதலே ஒவ்வொரு மாநிலமாக செயல்படுத்தப்பட்டு வருவதாகவும் அரசு வட்டார தகவல்கள் தெரிவிக்கின்றன.

இந்த மத்திய கண்காணிப்பு அமைப்பு குறித்த அறிவிப்பு கடந்த 2011-ம் ஆண்டு வெளியிடப்பட்டது. அப்போது இது விவாதப் பொருளாக மாறிய போதும், அரசு இதன் செயல்பாடு பற்றிய விவரங்களை வெளியிடவில்லை என்பது குறிப்பிடத்தக்கது.

--- மாலை மலர்

**Muthumohamed** · **Muthumohamed** Thu Jun 20, 2013 5:49 pm

நல்ல முயற்சி ஆனால் பலரின் சுதந்திரம் பறி போகும்

மொத்தமாக கண்காணிப்பதை விட சந்தேகம் ஏற்படும் சிலரின் தகவல்களை மற்றும் கண்காணித்தால் நல்லது

இ-மெயில், தொலைபேசி அழைப்புகளை கண்காணிக்க தொடங்கியது மத்திய அரசு

இ-மெயில், தொலைபேசி அழைப்புகளை கண்காணிக்க தொடங்கியது மத்திய அரசு

Re: இ-மெயில், தொலைபேசி அழைப்புகளை கண்காணிக்க தொடங்கியது மத்திய அரசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக