வெள்ள மீட்பு பணியில் தாமதம் கூடாது: உத்தர்கண்ட் அரசு - மத்திய அரசுக்கு சுப்ரீம் கோர்ட் கண்டிப்பு

புதுடில்லி: உத்தரகண்ட், இமாச்சல் மாநிலங்களில் ஏற்பட்டுள்ள வெள்ளப்பெருக்கினால் மீட்பு பணிகளி்ல் மந்தமாக செயல்பட்டதற்கு ‌சுப்ரீம் கோர்ட் கடும் கண்டனம் தெரிவித்துள்ளது. இது தொடர்பாக உத்தர்கண்ட் அரசுக்கும், மத்திய அரசுக்கும் நோட்டீஸ் அனுப்ப உத்தரவிட்டது.

உத்தர்கண்ட், இமாச்சல் உள்ளிட்ட மாநிலங்களில் பெய்த, பேய் மழைக்கு பலியானோரின் எண்ணிக்கை, 150 ஆக, அதிகரித்துள்ளது. புனித தலமான, கேதார்நாத்தில் மட்டும், 50க்கும் மேற்பட்டோர் இறந்துள்ளனர். இன்னும், 60 ஆயிரத்துக்கும் மேற்பட்டோர், நிலச்சரிவு, வெள்ளத்தில் சிக்கி தவிக்கின்றனர். 22 ஹெலிகாப்டர்களில் மீட்பு பணி மூலம் முழு வீச்சில் நடக்கிறது.

இந்த மாநிலங்கள், மலைப் பிரதேசத்தில் அமைந்துள்ளவை என்பதால், பல இடங்களில் நிலச் சரிவு ஏற்பட்டு, சாலை வசதி, முற்றிலும் துண்டிக்கப்பட்டுள்ளது. யமுனை,பகீரதி உள்ளிட்ட ஆறுகளில், வெள்ளம் கரை புரண்டோடுகிறது. பல பகுதிகள் வெள்ள நீரால் சூழப்பட்டு, தீவுகளைப் போல் காட்சி அளிக்கின்றன. இதனால், வெள்ளத்தில் சிக்கியுள்ளவர்களுக்கு அடிப்படை வசதிகளை செய்யவும், அவர்களை மீட்பதிலும், சிக்கல் நீடிக்கிறது. உத்தரகண்ட் மாநிலத்தில் உள்ள புண்ணிய தலங்களான கேதார்நாத், பத்ரிநாத், கங்கோத்ரி உள்ளிட்ட இடங்களில் வரலாறு காணாத அளவுக்கு, வெள்ள நீர் சூழ்ந்துள்ளது. அங்கு சென்றிருந்த, அனைத்து மாநில பக்தர்களும், அந்த பகுதிகளில் வசிக்கும் பொதுமக்களும், மீள முடியாமல், தவிக்கின்றனர். இந்நிலையில் வெள்ள மீட்புபணிகளை துரிதப்படுத்துவது தொடர்பாக சுப்ரீம் கோர்ட் புதிய உத்தரவை பிறப்பித்துள்ளது.

இது தொடர்பாக நீதிபதிகள் பிறப்பித்த உத்தரவு,வெள்ளத்தில் சிக்கியவர்கள் மீட்பதில் மந்தமாக செயல்பட்டது சரியல்ல. எனவே சிக்கியவர்களை மீட்க கூடுதலாக ‌‌ஹெலிகாப்டர்களை பயன்படுத்த வேண்டும். நிவாரணப்பணிகளை போர்க்கால அடிப்படையில் ‌நிறைவேற்ற வேண்டும். இது தொடர்பாக வரும் 25-ம் தேதிக்குள் ,உத்தர்கண்ட் மாநில அரசும், மத்திய அரசும் பதில் அளிக்க வேண்டும். இவ்வாறு அந்த உத்தரவில் குறிப்பிட்டு்ள்ளனர்.

தினமலர்

இவ்வாறான பேரிடர் நேரங்களில் போர்க்கால அடிப்படையில் நடவடிக்கை எடுக்காமல் அலட்சியமாக இருப்பது வேதனையளிக்கிறது! இந்திய மக்கள் அழிந்தால் இத்தாலிக்காரிக்கு எங்கு வலிக்கப் போகிறது!

சுப்ரீம் கோர்ட்டு கண்டனம் தெரிவிக்கும் அளவிர்க்கு இருக்கிறது இவர்களின் கடமை உணர்ச்சி