வேலை பளுவால் அமைச்சர் மயக்கம்

soplangi · soplangi Thu Jun 20, 2013 1:28 pm

அய்ஸ்வால்: மிசோரம் மாநிலத்தில், வேலைப் பளு காரணமாக, அலுவலகப் பணிகளில் ஈடுபட்டிருந்த, மாநில அமைச்சர் மயங்கி விழுந்தார். மாநில, விளையாட்டு, ஊரக வளர்ச்சித் துறை மற்றும் வறுமை ஒழிப்புத் துறை அமைச்சராக இருப்பவர், சோடின்ட் லுவாங்கா. நேற்று, அலுவலக வேலைகளில் ஈடுபட்டிருந்த போது, திடீரென மயங்கி விழுந்தார். உடனடியாக மருத்துவமனை கொண்டு செல்லப்பட்ட அவருக்கு, மாரடைப்பு ஏற்பட்டிருக்கலாம் என, நினைத்த டாக்டர்கள், பரிசோதனை செய்தனர். ஆனால், அவ்வாறு எதுவும் இல்லை. வேலைப் பளு காரணமாக, சோர்வடைந்து விட்டதால், அமைச்சர் மயங்கியது, பரிசோதனையில் தெரிய வந்தது. ஓய்வு எடுத்துக் கொள்ளுமாறு, அறிவுறுத்தி, அமைச்சரை அனுப்பி வைத்தனர். இந்த காலத்திலும், இப்படியும் ஒரு அமைச்சரா என, டாக்டர்கள் வியந்தனர்.

-- தினமலர்