விவசாய தோட்டத்தில் 234 மூட்டை கஞ்சா பதுக்கிய ஆசிரியர்

திண்டுக்கல் மாவட்ட போலீஸ் சூப்பிரண்டு ஜெயச்சந்திரனுக்கு நத்தம் அருகே ஒரு விவசாய தோட்டத்தில் கஞ்சா மூட்டைகள் பதுக்கி வைத்து விற்பனை செய்வதாக ரகசிய தகவல் கிடைத்தது. அதன்படி இதுகுறித்து விசாரணை நடத்த நத்தம் போலீசாருக்கு உத்தரவிட்டார்.

இதனையடுத்து இன்ஸ்பெக்டர் தூயமணி வெள்ளைச்சாமி தலைமையில் சப்-இன்ஸ்பெக்டர்கள் அழகுராஜா, சரிதாபாலு, பக்தவச்சலம், கிருஷ்ணசாமி, ஏட்டுகள் மணிகண்டன், சிவக்குமார் கொண்ட போலீஸ் படையினர் நத்தம் மற்றும் அதன் சுற்றுப்புற கிராம பகுதியில் அதிரடி சோதனை மேற்கொண்டனர்.

சோதனையில், கோட்டையூர் சின்னையம்பட்டி தோட்டத்தில் உள்ள ஒரு வீட்டில் 234 கஞ்சா மூட்டைகள் பதுக்கி வைத்திருந்தது தெரியவந்தது. இந்த தோட்டம் உடற்கல்வி ஆசிரியர் சீனிவாசன் என்பவருக்கு சொந்தமானதாகும். இவர் நத்தம் அருகில் உள்ள அரவங்குறிச்சி அரசு உயர்நிலைப்பள்ளியில் உடற்கல்வி ஆசிரியராக பணியாற்றி வருகிறார்.

போலீசார் வருவது குறித்து தகவல் அறிந்ததும் ஆசிரியர் சீனிவாசனும், மனைவி சுகுமாரியும் தப்பியோடி விட்டனர். பிடிப்பட்ட கஞ்சாவின் மதிப்பு சுமார் ரூ.28 லட்சமாகும். இந்த கஞ்சாவை ஆசிரியர் சீனிவாசன் மொத்தமாக பதுக்கி வைத்து அதனை சில்லரையில் பல கஞ்சா வியாபாரிகளுக்கு நத்தம் மற்றும் மதுரையை சேர்ந்த வியாபாரிகளுக்கு விற்பனை செய்து வந்தது போலீஸ் விசாரணையில் தெரியவந்துள்ளது.

போலீசார் கஞ்சாவை பறிமுதல் செய்து நத்தம் போலீஸ் நிலையத்திற்கு கொண்டு வந்தனர். இதுகுறித்து நத்தம் நேரு நகரை சேர்ந்த கஞ்சா வியாபாரி செல்வம் (44) என்பவரை கைது செய்தனர். தலைமறைவாக உள்ள ஆசிரியர் சீனிவாசன் (40), முதல் மனைவி சுகுமாரி (30), 2-வது மனைவி வாசுகி (27) ஆகியோரை தேடி வருகின்றனர்.

நத்தம் அருகே ஆசிரியரே கஞ்சாவை பதுக்கி வைத்து விற்பனையில் ஈடுபட்ட சம்பவம் பெரும் பரபரப்பை ஏற்படுத்தியது.

-- maalai malar

நம்ம அசுரனா இருக்குமோன்னு பயந்துட்டேன் - அவரு மாட்ட மாட்டாரு

இவரைப் போன்றவர்களெல்லாம் ஆசிரியராக இருந்தால் கல்வித்துறை எங்கு செல்லும்...!

- கல்வித்துறை கஞ்சா தோட்டத்திற்குத்தான் செல்லும்!

ஒரு மனிதன் விவசாயம் பண்ணுறதுக்கு எவ்வளவு எதிர்ப்ப சமாளிக்க வேண்டியிருக்கு

அரசு அலுவலர் இரண்டு மனைவி இருந்தால் சட்டப்படி குற்றம் எப்படி இந்த ஆள் தப்பித்தார் என்று தெரியவில்லை

விவசாயத்தை விட்டு விட்டோமே, சே . நமக்கெல்லாம் தெரியாம போச்சே ....

தர்மா wrote:அரசு அலுவலர் இரண்டு மனைவி இருந்தால் சட்டப்படி குற்றம் எப்படி இந்த ஆள் தப்பித்தார் என்று தெரியவில்லை

இப்ப தெரிஞ்சு என்ன பண்ண போறீங்க , அண்ணி ஒருத்தர் கிட்ட அடிவாங்குறது பத்தலையா

தர்மா wrote:அரசு அலுவலர் இரண்டு மனைவி இருந்தால் சட்டப்படி குற்றம் எப்படி இந்த ஆள் தப்பித்தார் என்று தெரியவில்லை

கல்யாணத்துல சிக்கலேன்னாலும் கஞ்சாவுல சிக்காடாருல்ல சிக்கிட்டாருல்ல

சிவா wrote:இவரைப் போன்றவர்களெல்லாம் ஆசிரியராக இருந்தால் கல்வித்துறை எங்கு செல்லும்...!

- கல்வித்துறை கஞ்சா தோட்டத்திற்குத்தான் செல்லும்!

அதுதான் போயிருச்சே இனி என்ன வேணும்

ராஜா wrote:ஒரு மனிதன் விவசாயம் பண்ணுறதுக்கு எவ்வளவு எதிர்ப்ப சமாளிக்க வேண்டியிருக்கு

இந்த மாதிரி விவசாயம் பண்ணினா எதிர்காம பின்ன என்ன பண்ண முடியும் கிங்