ஜாதிக்காயின் பயன்கள்

தாமு · தாமு Fri Oct 23, 2009 5:05 pm

குழந்தைகளுக்கு கை முட்டி மற்றும் முழங்கால் பகுதிகளில் சொரசொரப்பாக இருக்கும். இதற்கு ஜாதிக்காயை நீரில் உரைத்து அந்த இடத்தில் தடவி வர குணமாகும்.

அம்மை நோய் கண்டவர்கள், ஜாதிக்காய், சீரகம், அத்தி பிஞ்சு, பருத்திப் பிஞ்சு இவற்றை சேர்த்து அரைத்து மோரில் கலந்து குடித்து வர கொப்புளங்கள் வாடும்.

ஜாதிக்காயைப் பொடி செய்து அதனுடன் பிரண்டை உப்பினைக் கூட்டி, உட்கொண்டு வர நரம்புத் தளர்ச்சி குணமாகும்.

ஜாதிக்காய் தைலத்தை பூசிவர பல்வலி குணமாகும்.

ஜாதிப் பத்திரியை நீர்விட்டு காய்ச்சி குடித்து வர சுரம், பெருங்கழிச்சல், நீர் நீராய் ஏற்படுகின்ற பேதி முதலியன குணமாகும்.

தாமு · தாமு Fri Oct 23, 2009 5:11 pm

வயிற்றுக்கு ஏற்ற ஜாதிக்காய்

ஜாதிக்காய், சீரகம், சுக்கு இவை மூன்றையும் தூளாக்கி வைத்துக் கொண்டு உணவிற்கு முன் ஓரிரு சிட்டிகை அளவு உட்கொண்டு வர, வயிற்றில் உள்ள வாயுவை நீக்கி ஜீரண சக்தி அதிகரிக்கும்.

ஜாதிக்காய் தூளை 2 கிராம் அளவு பாலில் கலந்து குடித்து வர பேதியை நிறுத்தும்.

ஜாதிக்காயை நீர்விட்டு உரைத்துத் தொப்புளை சுற்றிலும் பற்றுப் போட பேதி நிற்கும்.

ஜாதிக்காய், ஏலம், சுக்கு, மிளகு, திப்பிலி, இஞ்சி இவற்றை ஒன்றிரண்டாக நசுக்கி கஷாயம் வைத்து வடிகட்டி தேன் கலந்து குடித்து வர வயிற்றுப் பொருமல், செரியாமை குணமாகி நன்கு பசியெடுக்கும்.

காலரா எனப்படும் வாந்தி - பேதிக்கு, ஜாதிக்காய் தூளை 200 மில்லி நீர்விட்டு காய்ச்சி 100 மில்லியாக வற்றியதும் அடிக்கடி குடிக்க கொடுத்து வர வாந்தி - பேதி நிற்கும்.

தாமு · தாமு Fri Oct 23, 2009 5:17 pm

சதை வளர்ச்சிக்கு ஜா‌தி‌க்கா‌ய்

தொண்டையில் சதை வளர்ச்சி உள்ளவர்கள் ஜா‌தி‌க்காயுடன் கடுக்காய், சித்தரத்தை, திப்பிலி ஆகியற்றை சம அளவு எடுத்துக் கொண்டு, வால்மிளகு இரண்டு பங்கு கூட்டி, நன்கு பொடியாக்கிக் கொள்ளவும்.

அதில் 2-4 சிட்டிகை அளவு தேனில் கலந்து உட்கொண்டு வரலாம்.

இப்படி தொடர்ந்து 2 அல்லது 3 மாதங்கள் செய்து வர தொண்டையில் சதை வளர்ச்சி குணமாகும்.

இதற்கெல்லாம் தற்போது அறுவை சிகிச்சை மட்டும்தான் செய்யப்படுகிறது.

கத்தியின்றி, ரத்தமின்றி எளிதாக சதை வளர்ச்சியைக் குணப்படுத்துகிறது இந்த ஜாதிக்காய்.

தாமு · தாமு Fri Oct 23, 2009 5:17 pm

கண் பார்வைக்கு ஜாதிக்காய்

கண் பார்வை மங்கலாக இருந்தால் அதற்கு கண்ணாடி போடுவது, மாத்திரைகள், காய்கறிகள் சாப்பிடுவது என்று எல்லோரும் பல முறைகளை கையா‌ள்வா‌ர்க‌ள்.

பொதுவாக க‌ண்க‌ளி‌ல் ஏ‌ற்படு‌ம் ‌சி‌றிய ‌பிர‌ச்‌சினைகளை உடனடியாக ‌தீ‌ர்‌க்க வே‌ண்டியது‌ ‌மிகவு‌ம் மு‌க்‌கிய‌ம். ஏனோ தானோ வெ‌ன்று ‌வி‌ட்டு‌வி‌ட்டா‌ல்தா‌‌ன் க‌ண் பா‌ர்வை‌க்கே ‌பிர‌ச்‌சினையா‌கி‌விடு‌கிறது.

கண் பார்வை மங்கலாக இருப்பவர்கள், ஜாதிக்காயை பசும்பாலில் இழைத்து இரவில் கண்ணை சுற்றி பற்றுப் போட்டு காலையில் கழுவி விடவும்.

இதனுடன் திரிபலா சூரணத்தை தேனில் கலந்து உட்கொண்டு வர கண்பார்வை விரைவில் தெளிவடையும்.

கண் பார்வை சீராக இருக்க ஜாதிக்காய் பெருமளவு பயன்படுகிறது.

மேலும், கண்ணை சுற்றி இருக்கும் கருவளையத்தையும் நீக்க இது போன்று ஜாதிக்காயைப் பயன்படுத்தலாம்.

தாமு · தாமு Fri Oct 23, 2009 5:28 pm

ஜாதிக்காய் பற்றி அறிவோம்

மிகவும் வாசனை நிறைந்த இந்த ஜாதிக்காய் அதிக மருத்துவ குணம் கொண்டது.

அந்த காலத்தில் ஜாதிக்காய்க்கு அதிகமான வணிக வரி வசூலிக்கப்பட்டது என்றால் அதில் இருந்தே ஜாதிக்காயின் மகத்துவத்தை அறியலாம்.

பல்வேறு இயற்கை வைத்திய முறைகளில் முதன்மையான இடத்தைப் பிடிப்பது இந்த ஜாதிக்காய் தான்.

ஜாதிக்காயை உள்ளுக்கும் கொடுக்கலாம், வெளியிலும் தடவி நிவாரணம் பெறலாம்.

பிறந்த குழந்தைகளுக்கு, தாய்க்கு இணையாக இந்த ஜாதிக்காய் பல்வேறு வகைகளில் உடல் நலனைக் காக்கிறது என்றால் அது மிகையாகாது.

Sponsored content · Sponsored content

ஜாதிக்காயின் பயன்கள்

ஜாதிக்காயின் பயன்கள்

Re: ஜாதிக்காயின் பயன்கள்

Re: ஜாதிக்காயின் பயன்கள்

Re: ஜாதிக்காயின் பயன்கள்

Re: ஜாதிக்காயின் பயன்கள்

Re: ஜாதிக்காயின் பயன்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக