செல்போன் ரோமிங் கட்டணம் குறைப்பு

soplangi · soplangi Tue Jun 18, 2013 12:23 pm

இந்திய தொலைத்தொடர்பு ஒழுங்குமுறை ஆணையம், தேசிய அளவிலான செல்போன் ரோமிங் மற்றும் எஸ்.எம்.எஸ். கட்டண உச்சவரம்பை குறைத்து உள்ளது. கடந்த 2007ம் ஆண்டு இந்திய தொலைத்தொடர்பு ஒழுங்குமுறை ஆணையம் தேசிய அளவிலான ரோமிங்கில் உள்ள எண்ணுக்கு உள்ளூர் அவுட் கோயிங் அழைப்புகளுக்கு நிமிடத்துக்கு ரூ.1.40 எனவும், தேசிய அவுட் கோயிங் எஸ்.டி.டி. அழைப்புகளுக்கு நிமிடத்துக்கு ரூ.2.40 எனவும் கட்டணம் நிர்ணயித்து இருந்தது. அந்த உச்சவரம்பு முறையே 1 ரூபாய் எனவும், ரூ.1.50 எனவும் குறைக்கப்பட்டு உள்ளது. இதேபோல் ரோமிங்கில் உள்ள எண்ணுக்கு இன்கமிங் அழைப்புகளுக்கு தேசிய அளவிலான கட்டண உச்சவரம்பு நிமிடத்துக்கு 1 ரூபாய் 75 காசில் இருந்து 75 காசாக குறைக்கப்பட்டு உள்ளது.
மேலும் செல்போன் சேவை அளிக்கும் நிறுவனங்களுக்கு இரு வகையான இலவச தேசிய ரோமிங் திட்டத்தையும் அறிவித்து உள்ளது. அதன்படி சந்தாதாரர்கள் பகுதி ரோமிங் கட்டணத்தையோ அல்லது நிலையான கட்டணம் அடிப்படையில் முழு ரோமிங் கட்டணத்தையோ இலவசமாக பெற முடியும்.
இந்த மாற்றங்கள் வருகிற ஜூலை 1ந்தேதி முதல் அமலுக்கு வருவதாக அறிவிக்கப்பட்டு உள்ளது.

-- dina thanthi