கனிமொழிக்கு ரூ.26.67 கோடி ரூபாய் சொத்து: ரூ.61 லட்சம் மதிப்புள்ள கார்

by **சிவா** Sun Jun 16, 2013 9:23 am

சென்னை: தி.மு.க., தலைவர் கருணாநிதியின் மகள் கனிமொழி பெயரில், 26.67 கோடி ரூபாய் சொத்தும், அவரது கணவர் பெயரில், 20 லட்சம் ரூபாய் மதிப்புள்ள சொத்தும் உள்ளது. ராஜ்யசபா தேர்தலில் போட்டியிடும் கனிமொழி, வேட்பு மனுவில், தனது சொத்து விபரங்களை குறிப்பிட்டுள்ளார்.

அதன்படி, அவரிடம், 16 கோடியே, 67 லட்சத்து, 40 ஆயிரத்து, 456 ரூபாய் மதிப்புள்ள அசையும் சொத்துக்கள், 10 கோடி ரூபாய் மதிப்புள்ள, அசையா சொத்துக்கள் உள்ளன.

அவரது கணவர் பெயரில், 20 லட்சம் ரூபாய் மதிப்புள்ள, அசையா சொத்து உள்ளது.

அசையும் சொத்தில், 61 லட்சத்து 74 ஆயிரத்து, 109 ரூபாய் மதிப்புள்ள, ரேஞ்ச் ரோவர் கார், 16 லட்சத்து, 32 ஆயிரத்து, 637 ரூபாய் மதிப்புள்ள, டொயோட்டோ அல்டிஸ் கார், 18 லட்சம் ரூபாய் மதிப்புள்ள, 700 கிராம் தங்க நகைகள், 10 கேரட் வைரம், கலைஞர் "டிவி'யில் உள்ள, 2.05 கோடி ரூபாய் மதிப்புள்ள பங்குகள், "வெஸ்ட்கேட் லாஜஸ்டிக்ஸ்' நிறுவனத்தில் உள்ள, 5 லட்சம் ரூபாய் மதிப்புள்ள பங்குகள், ஆகியவை அடங்கும்.

வேளாண் நிலம் எதுவுமில்லை. அவரது பெயரில், 69 லட்சத்து, 60 ஆயிரத்து, 524 ரூபாய் கடன் உள்ளது. அவரது தாயார் ராஜாத்திக்கு, 1.31 கோடி ரூபாய் கடன் கொடுத்துள்ளார். அவர் மீது, 2ஜி ஸ்பெக்ட்ரம் வழக்கில், சி.பி.ஐ., பதிவு செய்த வழக்கு உள்ளது. இவ்வழக்கு குறித்த விவரத்தை, வேட்பு மனுவில் குறிப்பிட்டுள்ளார். தொழில், அரசியல் என தெரிவித்துள்ளார்.

by பூவன் Sun Jun 16, 2013 9:27 am

அண்ணா இதெல்லாம் கணக்கில் உள்ள சொத்துக்கள் கணக்கில் இல்லாத சொத்துகள் எவ்வளவோ ?

by ராஜு சரவணன் Sun Jun 16, 2013 9:28 am

பரவாயில்லை நம்ம மண்மோவை விட பெரிய ஆளு தான்.

by **சிவா** Sun Jun 16, 2013 9:29 am

பூவன் wrote:அண்ணா இதெல்லாம் கணக்கில் உள்ள சொத்துக்கள் கணக்கில் இல்லாத சொத்துகள் எவ்வளவோ ?

கணக்கில் இல்லாததை கணக்குப் பண்ணினால் தமிழகம் தாங்காது!

by பூவன் Sun Jun 16, 2013 9:31 am

சிவா wrote:
பூவன் wrote:அண்ணா இதெல்லாம் கணக்கில் உள்ள சொத்துக்கள் கணக்கில் இல்லாத சொத்துகள் எவ்வளவோ ?

கணக்கில் இல்லாததை கணக்குப் பண்ணினால் தமிழகம் தாங்காது!

பசி தாங்காது இருக்கும் எத்தனையோ
பட்டினி கிடக்கும் ஏழைகளின் ஏக்கத்தை விடவா ?

இருக்க போகிறது ....

by அசுரன் Sun Jun 16, 2013 10:01 am

தொழில் அரசியல்.. தொழில்னா? புன்னகை

by **சிவா** Sun Jun 16, 2013 10:03 am

அசுரன் wrote:தொழில் அரசியல்.. தொழில்னா?

மக்கள் பணத்தைக் கொள்ளையடிப்பதும் ஒரு தொழில் தானே தலைவரே! முன்பு கொள்ளைக்காரன் என்று பெயர், இப்பொழுது அரசியல்வாதி என்று பெயரை மாற்றிக் கொண்டுள்ளார்கள்!