மும்பை போலீசார் சம்பள பணம் ஆன்லைனில் மொத்தமாக அபேஸ்

மும்பை போலீசாரின் சம்பள பணம் முழுவதும் ஆன்லைனில் சுருட்டப்பட்ட சம்பவம் பெரும் அதிர்ச்சியை ஏற்படுத்தியுள்ளது.சாதாரண மக்களின் வங்கி கணக்குகளில் ஆன்லைன் மூலமாக ஊடுருவி பணத்தை சுருட்டும் மோசடி இப்போது அதிகமாக நடக்கிறது. குறிப்பாக, வெளிநாடுகளை சேர்ந்தவர்கள் இந்த மோசடியில் ஈடுபடுகின்றனர். இதில், ஏராளமானோர் பணத்தை இழந்து வருகின்றனர். இந்நிலையில், போலீசாரின் சம்பள பணம் ஆன்லைனில் சுருட்டப்பட்ட பரபரப்பான சம்பவம் மும்பையில் நடந்துள்ளது.உயரதிகாரிகள் உட்பட மும்பை போலீசார் பெரும்பாலானோர் சம்பள கணக்கு (சேலரி அக்கவுன்ட்) ஆக்சிஸ் வங்கியில் உள்ளது. சமீபத்தில் சம்பள பணத்தை ஏ.டி.எம்.மில் எடுப்பதற்காக போலீசார் சென்றனர். அவர்களுக்கு ஏமாற்றமே மிஞ்சியது. வங்கிக்கு சென்று விசாரித்த போதும், ஏதோ தவறு காரணமாக வங்கி கணக்கில் சம்பள பணம் வரவு வைக்காமல் இருக்கலாம் என்று கூறப்பட்டது.

இதனால், அடுத்த சில நாட்களில் சம்பள பணம் வங்கி கணக்கில் வந்துவிடும் என்று போலீசார் கருதினர்.ஆனால், அடுத்தடுத்து பல போலீ சாருக்கு இதே அனுபவம் ஏற்பட்டது. அதன் பிறகு ஆக்சிஸ் வங்கி அதிகாரிகள் ஆராய்ந்தபோதுதான், இணையள ஹேக்கர்கள் போலீசாரின் வங்கி கணக்கில் ஆன்லைன் வழியாக ஊடுருவி மொத்த சம்பள பணத்தையும் சுருட்டியிருப்பது தெரிய வந்தது.ஆன்லைன் வழியாக போலீசாரின் சம்பள பணம் கிரிஸ் நாட்டு வங்கிக்கு மாற்றப்பட்டு, அங்கு அந்த தொகையை யூரோவாக மாற்றி மோசடி பேர்வழிகள் எடுத்துள்ளனர். இந்த சம்பவம் மும்பை காவல் துறையை பெரும் அதிர்ச்சியில் ஆழ்த்தியுள்ளது. இது குறித்து மகாராஷ்டிரா போலீஸ் டிஜிபி சஞ்சீவ் தயாள் அளித்த பேட்டியில், ‘‘போலீசாரின் சம்பள பணம் விரைவில் மீட்கப்படும்’’ என்றார். இதற்காக உதவி கமிஷனர் தலைமையில் தனிப்படை அமைக்கப்பட்டுள்ளது.


--- தினகரன்

அதிர்ச்சியாக உள்ளதே


போலீசுக்கே தண்ணி காட்டீடாணுக இவனுக

சூப்பருங்க சூப்பருங்க

அது வார வரைக்கும் மாமூலை மாமாக்கள் டப்ளிங் பண்ணிடுவாங்களே

ஹா ஹா . இவர்கள் யாரிடம் புகார் கொடுப்பார்கள்.....இனிமேல் யாராவது பணமோசடி என்று கேஸ் கொடுத்தால் உடனே நடவடிக்கை எடுப்பார்கள் என நினைக்கிறேன்.

யினியவன் wrote:சூப்பருங்க சூப்பருங்க

அது வார வரைக்கும் மாமூலை மாமாக்கள் டப்ளிங் பண்ணிடுவாங்களே

மிகவும் அதிகமாகவே மாமூலை வாங்குவார்கள் என்பது உண்மை தான்

Muthumohamed wrote:

யினியவன் wrote:சூப்பருங்க சூப்பருங்க

அது வார வரைக்கும் மாமூலை மாமாக்கள் டப்ளிங் பண்ணிடுவாங்களே

மிகவும் அதிகமாகவே மாமூலை வாங்குவார்கள் என்பது உண்மை தான்

உண்மை....இவர்கள் என்ன இந்த சம்பளத்தை நம்பியா வாழ்கிறார்கள் வருந்துவர்தற்கு

சிவாஜி படத்துல மாதிரி கருப்பா போய் யூரோ வா மாறிருச்சு ...