சென்னையில் ஜூலை முதல் வாரம் ஆட்டோ கட்டணம் அமல்: குறைந்த கட்டணம் 20 ரூபாய்

by soplangi Sat Jun 15, 2013 12:55 pm

சென்னையில் ஜூலை முதல்வாரத்தில் ஆட்டோ கட்டணம் அமல்படுத்தப்படுகிறது. டெல்லி, பெங்களூர் போன்ற பெருநகரங்களில் ஆட்டோக்களுக்கு அரசு கட்டணம் நிர்ணயம் செய்துள்ளது. இதனால் மீட்டர் பொறுத்தப்பட்டு கிலோ மீட்டர் அடிப்படையில் கட்டணம் வசூலிக்கப்படுகிறது.

அதேபோல் சென்னை நகரத்திலும் ஆட்டோக்களுக்கு கட்டணம் நிர்ணயம் செய்ய வேண்டும் என்று சுப்ரீம் கோர்ட்டில் பொதுநல வழக்கு தொடரப்பட்டது. இந்த வழக்கின் முடிவில் ஜூலை முதல் வாரத்திற்குள் ஆட்டோ கட்டணம் நிர்ணயம் செய்து அமல்படுத்த வேண்டும் என்று சுப்ரீம் கோர்ட்டு உத்தரவிட்டுள்ளது.

இதைத் தொடர்ந்து சென்னையில் ஆட்டோக்களுக்கு கட்டணம் நிர்ணயம் செய்து அதை செயல்படுத்த அரசு தீவிரம் காட்டி வருகிறது. இது தொடர்பாக போக்குவரத்து உள்துறை அதிகாரிகள் ஆலோசனை நடத்தி வருகிறார்கள். சென்னையில் சுமார் 70 ஆயிரம் ஆட்டோக்கள் ஓடுகின்றன. இவற்றை முறைப்படுத்தி கட்டணம் நிர்ணயம் செய்யும் பணி நடந்து வருகிறது.

பொதுமக்கள் பாதிக்காத வகையிலும், அதே நேரத்தில் ஆட்டோ தொழிலில் ஈடுபட்டுள்ள தொழிலாளர்களும் பாதிக்காத வகையில் கட்டணம் நிர்ணயம் செய்யப்படுகிறது. சென்னையில் குறைந்த பட்ச ஆட்டோ கட்டணம் இரண்டு கிலோ மீட்டருக்கு ரூ.20 நிர்ணயம் செய்வதாக கூறப்படுகிறது. கூடுதலாக வரும் ஒவ்வொரு கிலோ மீட்டருக்கும் ரூ.10 வீதம் நிர்ணயம் செய்யலாம் எனவும் தெரிகிறது.

இதன்படி ஆட்டோவிற்கு குறைந்தது ரூ.20 கட்டணமும், அடுத்த ஒவ்வொரு கிலோ மீட்டருக்கும் ரூ.10 வீதமும் வசூலிக்கலாம் என போக்குவரத்து துறை நிர்ணயிக்கிறது. ஆட்டோக்களுக்கு அரசு கட்டணம் நிர்ணயிக்க வேண்டும் என்பதை வரவேற்கிறோம். ஆனால் தங்கள் கருத்தை கேட்டு அரசு முடிவு செய்ய வேண்டும் என்று சி.ஐ.டி.யு. தொழிற்சங்க பொதுச்செயலாளர் மனோகரன் தெரிவித்தார்.

அவர் மேலும் கூறியதாவது:-

ஆட்டோ தொழிலில் 10-க்கும் மேற்பட்ட தொழிற்சங்கங்கள் உள்ளன. சி.ஐ.டி.யு., ஏ.ஐ.டி.யு.சி., விடுதலை சிறுத்தை, ஐ.என்.டி.யு.சி., எல்.பி.எப், அம்பேத்கர் தொழிற்சங்கம் உள்ளிட்ட சங்கங்களில் ஆயிரக்கணக்கான தொழிலாளர்கள் உள்ளனர். ஆட்டோ தொழிலாளர் நலன் பாதிக்காத வகையில் அரசு கட்டணத்தை நிர்ணயம் செய்ய வேண்டும். ஜூலை முதல்வாரத்தில் ஆட்டோ கட்டணத்தை அமல்படுத்தப்போவதாக கூறப்படுகிறது. ஆனால் அதற்கு முன்பு அனைத்து தொழிற்சங்க நிர்வாகிகளை அழைத்து பேசி முடிவு செய்ய வேண்டும்.

குறைந்தபட்சமாக கட்டணம் ரூ.30-ம் (2 கிலோமீட்டர்) அடுத்து வரும் ஒவ்வொரு கிலோ மீட்டருக்கும் ரூ.15-ம் நிர்ணயம் செய்ய வேண்டும் என்று வலியுறுத்தி வருகிறோம். அப்படி நிர்ணயம் செய்தால்தான் இத்தொழிலை செய்ய முடியும். இது தொடர்பாக போக்குவரத்து ஆணையரை சந்தித்து மனு கொடுத்துள்ளோம். மேலும் 25-ந்தேதி சேப்பாக் கத்தில் ஆர்ப்பாட்டம் நடத்தவும் முடிவு செய்துள்ளோம்.

இவ்வாறு அவர் கூறினார்.

-- மாலைமலர்

by ஹர்ஷித் Sat Jun 15, 2013 12:58 pm

நல்லது நடந்தால் சரி...எங்க விடுறாங்க?எல்லா கட்சி பேரலையும் சங்கம் இருக்கு..க க க போ

by **Muthumohamed** Sat Jun 15, 2013 1:52 pm

ஹர்ஷித் wrote:நல்லது நடந்தால் சரி...எங்க விடுறாங்க?எல்லா கட்சி பேரலையும் சங்கம் இருக்கு..க க க போ

by **Dr.S.Soundarapandian** Sat Jun 15, 2013 4:35 pm

சோப்லாங்கியின் செய்தி தேவையானது ! மக்கள் கனவு இது ! அடிப்படைக் கட்டணம் இருபதோ முப்பதோ எதையோ நிணயித்துத் தொலையுங்கள் என்பது மக்கள் கூக்குரல் ! ஈகரை மூலமாக உரியவர்களுக்குப் போய்ச் சேரட்டும் ! கல்கத்தாவில் மீட்டர் காட்டும் தொகைபோல இரண்டுமடங்கு கொடுக்கவேண்டும் ! நான் நேரில் பார்த்தது!ஆனாலும் இது மக்களுக்குக் கட்டுபடியாகவே உள்ளது அங்கு!

by **ஜாஹீதாபானு** Sat Jun 15, 2013 6:08 pm

இதை நம்ப நான் தயாராக இல்லை

by ராஜு சரவணன் Sat Jun 15, 2013 11:11 pm

நல்ல தகவல்
தமிழில் ஆட்டோ என்பதற்கு தானி என்ற அழகான சொல் இருக்கும் போது அதை பயன்படுத்தி எழுதலாமே.

மேலும் இது போன்ற கட்டண சீர்திருத்தங்களால் ஒறு பலனும் ஏற்படாது. தானி ஓட்டுனர்கள் எண்ணெய் விலை 50 பைசா ஏற்றினால் கட்டணத்தை 10ருபாய் ஏற்றுகின்றனர். என்ணெய் குறைந்தாலும் யாரும் கட்டணத்தை குறைப்பது இல்லை. ஒருசில தானி ஓட்டுனர்கள் குறைந்தபட்ச கட்டணமே 60ருபாய் என்று வாதிடுகின்றனர்.இப்படியே செய்யுங்கள் ஒருகாலத்தில் தானி என்பதே இல்லாமல் போனாலும் போய்விடும்.