கோபமெனும் கொடிய நோய்

**பார்த்திபன்** · 24/07/2011

தொள்ளாயிரம் முறை முயன்றும்
தோல்வியே அடைகிறேன்!

ஆயிரம் முறை அடக்கியும்
அடங்க மறுக்கிறது!

கவிதை வரை என்றனர் சிலர்!
காரம் குறை என்றனர் பலர்!
கவிதை வரைந்தும்,
காரம் குறைத்தும்
கடைசிவரை கட்டுப்படவில்லை!

இசையோடு இணை என்றனர் சிலர்!
இறைவனை நினை என்றனர் பலர்!
இரண்டையும் முயற்சித்தும்
இதுவரையில் பலனில்லை!

நூறு வரை எண்ணச் சொன்னார்கள்!
எண்ணி முடிப்பதற்குள்
என்பது முறை எட்டிப் பார்த்தது!

தியானம் பயில்,
வானம் வசப்படும் என்றார்கள்!
வசப்படவில்லை வானம், மாறாக
வசைபட்டது என் வாயில்!

உடற்பயிற்சி, யோகா
உதவும் என்றார்கள்!
உருண்டு பிரண்டு பார்த்தும்
உருப்படியான மாற்றமில்லை!

பாதகமில்லை, காதல் செய் என்றார்கள்!
பழகிப்பார்த்து பயந்தோடினாள் காதலி!

மருத்துவம் தவிர வேறு
வழியில்லை என்றனர்!
வெறுத்துப்போன மருத்துவர்
தற்போது வேறு தொழில்
செய்வதாய்க் கேள்வி!

என்னதான் செய்வது?
எப்படித்தான் வெல்வது?
கோவிலாய் இருந்த மனதை
கோரமாய் மாற்றி வைத்த
கோபமெனும் கொடிய நோயை!

- நிலவை.பார்த்திபன்

**மதுமிதா** · **மதுமிதா** Thu 13 Jun 2013 - 17:09

இந்த பதிவைத் துவங்கியவர் நன்றி கூறியுள்ளார் மதுமிதா

**மதுமிதா** · **மதுமிதா** Thu 13 Jun 2013 - 17:11

கோபம் வரும் போது சுவற்றில் முட்டுகொங்க அண்ணா
வலி வரும் .............................
அதனால் அடுத்த தடவை கோப பட மாட்டிங்க

**பார்த்திபன்** · 24/07/2011

MADHUMITHA wrote:கோபம் வரும் போது சுவற்றில் முட்டுகொங்க அண்ணா
வலி வரும் .............................
அதனால் அடுத்த தடவை கோப பட மாட்டிங்க

உங்ககிட்டதாம்மா யோசனை கேக்கணும்!

**மதுமிதா** · **மதுமிதா** Thu 13 Jun 2013 - 17:22

பார்த்திபன் wrote:
MADHUMITHA wrote:கோபம் வரும் போது சுவற்றில் முட்டுகொங்க அண்ணா
வலி வரும் .............................
அதனால் அடுத்த தடவை கோப பட மாட்டிங்க

உங்ககிட்டதாம்மா யோசனை கேக்கணும்!

always welcome அண்ணா....
காலை சுமார் 10 மணியிலிருந்து மாலை 6.30 வரை ஈகரையில் தொடர்பு கொள்ளலாம்

தர்மா · தர்மா Thu 13 Jun 2013 - 19:58

மன நல மருத்துவரிடம் மாத்திரம் போய்விடாதீர்கள் அவர்கள் உங்களை
வாழ்நாள் பூராவும் அவர்களிடம் வருமாறு செய்துவிடுவார்கள். அதிகாலை
எழுந்து ஒரு வாக் போய்விட்டு வந்து அன்றைய வேலைகளை செய்ய ஆரம்பியுங்கள்
உப்பு கொழுப்பு உணவில் குறைக்கவும் மனசை லேசாகக காமடி சேனல்கள் பார்க்கவும்
வயசு வித்தியாசம் பார்க்காம குழந்தைகளோடு விளையாடுங்க

யினியவன் · யினியவன் Thu 13 Jun 2013 - 20:22

நம்ம பார்த்திபனாறு இம்புட்டு கோவக்காரரா???

கல்யாணம் ஆனப்புறமும் இன்னுமா அவங்க சரி பன்னல இவர? புன்னகை

ராஜு சரவணன் · ராஜு சரவணன் Thu 13 Jun 2013 - 20:41

யினியவன் wrote:நம்ம பார்த்திபனாறு இம்புட்டு கோவக்காரரா???

கல்யாணம் ஆனப்புறமும் இன்னுமா அவங்க சரி பன்னல இவர?

தல கோவம் இருக்கும் இடத்தில தான் குணம் இருக்கும் பெரியவா சொல்லுவா புன்னகை

balamuruganp · balamuruganp Fri 14 Jun 2013 - 10:45

குணம் இருக்கும் கோபம் இருக்காது

balamuruganp · balamuruganp Fri 14 Jun 2013 - 10:50

நீங்க சொநீங்கனு சுவர்லமுட்டுணா வந்டுனான்ய பக்கத்து வீடுகார றார்

Sponsored content · Sponsored content

கோபமெனும் கொடிய நோய்

கோபமெனும் கொடிய நோய்

Re: கோபமெனும் கொடிய நோய்

Re: கோபமெனும் கொடிய நோய்

Re: கோபமெனும் கொடிய நோய்

Re: கோபமெனும் கொடிய நோய்

Re: கோபமெனும் கொடிய நோய்

Re: கோபமெனும் கொடிய நோய்

Re: கோபமெனும் கொடிய நோய்

Re: கோபமெனும் கொடிய நோய்

GOBAPADADE SAGODARA

Re: கோபமெனும் கொடிய நோய்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக