சரக்கடித்து சரித்திரம் படைத்த குடிமகன்கள்

soplangi · soplangi Thu Jun 13, 2013 12:31 pm

ஈரோடு: தமிழகத்தில் முதன் முறையாக, ஈரோடு வாழ் குடிமகன்கள், "பார் டே' கொண்டாடினர்.ஈரோடு, மூலப்பட்டறை ரோட்டில், டாஸ்மாக் மதுபான கடையும் , அதை ஒட்டி பாரும் அமைந்துள்ளது. இப்பகுதியில் ஒருபுறம் வாகன உதிரி பாக கடைகளும், மறுபுறம் வசதி படைத்தவர்களின் வீடுகளும் உள்ளது.

கடந்த சில ஆண்டாக இந்த பாருக்கு, மது குடிக்க வந்த ரெகுலர் வாடிக்கையாளர்கள், பத்துக்கும் மேற்பட்டோர் இணைந்து, பர்த் டே, பஸ் டேவைப்போல, "பார் டே' கொண்டாட முடிவு செய்தனர்.நேற்று முன்தினம் இரவு, பாருக்கு திடீரென வந்தவர்கள், பிரிண்ட் செய்த, "பார் டே விழா' என்ற பேப்பரை ஒட்டினர். பாரை காகித பூவால் அலங்கரித்தனர்.
கேட்டரிங் ஒன்றில், இட்லி, சிக்கனை வாங்கிக்கொண்டு, வரும் வழியில் பேக்கரி ஒன்றில் கேக்கை வாங்கி வந்தனர். இரவு, 7.30 மணிக்கு நண்பர்கள் (குடிமகன்கள்) புடைசூழ, கேக்வெட்டி, "பார்டே'வை கொண்டாடினர். பாருக்கு குடிக்க வந்த குடிமகன்களுக்கு கேக் மற்றும் உணவுகளை வழங்கினர்.

விழாவை ஏற்பாடு செய்த பெயர் சொல்ல விரும்பாத இளைஞர் கூறியதாவது:நாங்கள், ஆறு பேர் நண்பர்கள். என் நண்பனின் பிறந்த நாளை வித்தியாசமாக கொண்டாட வேண்டும் என முடிவு செய்தோம். "பர்த் டே'வை ஏன், "பார் டே'யாக கொண்டாடக்கூடாது என, நினைத்தோம்.அதன்படி சிறப்பாக கொண்டாடினோம். யாருக்கும் பிரச்னை ஏதும் செய்யவில்லை. சந்தோசமாக கொண்டாடினோம். பாருக்கு பிரச்னை வரக்கூடாது என்பதால், சில மணி நேரத்தில், நோட்டீஸ், காகிதப்பூக்களை அகற்றிவிட்டோம், என்றனர்.

-- தினமலர்