உலக வாழ்க்கை

பிறர் மீது அன்பு செலுத்துதல், பிறருக்கு உதவி செய்தல், தம்மைப் போன்றுதான் பிறருக்கும் இன்பத்தை பெறத்துடிக்கும் ஆசையும், துன்பத்தை தாங்க முடியாத தவிப்பும் இருக்கும் என்று தெரிந்துகொள்ளுதல் போன்ற மனித பன்புகள் மூலம் நம் மனதை நம்மால் கட்டுப்பாட்டுக்குள் கொண்டுவர முடியும்.

நாம் சம்பாதிக்கும் பணம் நம் ஒருவனுக்காக மட்டும் இறைவன் தருவதில்லை. நமக்கே தெரியாமல் நம்மை சுற்றி நம்மை எதிர்பார்த்து எத்தனையோ குடும்பங்கள் காத்திருக்கின்றன என்பதை மனதில் கொண்டு அப்படிப்பட்ட மணிதர்களை தேடிப்பார்க்க முயற்ச்சி செய்தல். அவர்களுக்கு உதவி செய்தல். அதில் சந்தோசம் கான தெரிந்துகொள்ளுதல், பிறரிடம் இருந்து பெறுவது மட்டும் தான் சந்தோசம் என்று நினைத்துக்கொண்டிருக்காமல் பிறருக்கு கொடுத்து உதவும்போது அவர்கள் முகத்தில் ஏற்படும் சந்தோசம் தான் மிகப் பெரிய சந்தோசம் என்ற தத்துவத்தை வாழ்க்கையில் புரிந்துகொள்ளுதல் போன்ற விசயங்களின் மூலம் நாம் இந்த உலகத்தில் பணத்தின் மீது நமக்கு உள்ள ஆசையில் இருந்து சிறிது விலகி நிற்க முடியும்.

நம்மிடம ஒருவர் உதவி கேட்டு வருகிறார்கள் என்றால் (அது பண உதவியாக இருந்தாலும் சரி அல்லது அல்லது அது நம் உடல் உழைப்பான உதவியாக இருந்தாலும் சரி) அது இறைவன் நமக்கு அளித்த பாக்கியம் என்று நினைத்து நம்மால் முடிந்தால் மற்றவர் உதவி செய்வதற்க்கு முன்பாக நாம் அந்த உதவியை செய்து அவர் துன்பத்தை துடைக்கவேண்டும் என்று நினைப்பதன் மூலம் நம் மனதை நம்மால் தூய்மையாக எப்பொழுதும் வைத்துக்கொள்ள முடியும்.

நமக்கு முன்னால் பல மன்னாதி மன்னரெல்லாம் வாழ்ந்த பூமி இது அவர்கள் சேர்க்காத செல்வம் இல்லை. அவர்கள் வாழாத வாழ்க்கை இல்லை. இன்று அவர்கள் எங்கே அந்த செல்வம் எங்கே. வாழ்ந்த வாழ்க்கை எங்கே. இந்த அற்ப வாழ்வில் எது நிரந்தரம். இன்று இந்த உலகில் உள்ள இதே பரபரப்பும் சுறுசுறுப்பும் நாளை நாம் இந்த உலகத்தில் இல்லாத அந்த நாளிலும் இருக்கத்தான் செய்யும். நமக்காக நம் குடும்பத்தில் உள்ளவர்கள் கூட வருடக்கணக்கில் சாப்பிடாமல் தூங்காமல் கவலைப்படப்போவதில்லை. நாம் வாழும் காலத்தில் பிறருக்காக நாம் செலவிடும் நேரமும் பிறர் நலனுக்காக நாம் செலவிடும் பொருளும் மட்டுமே இந்த உலகத்தில் நம்மை நிரந்தரமாக வாழ வைக்கும்.

என்ன ? தத்துவமெல்லாம் ரெம்ப ஜாஸ்தியா இருக்கேன்னு பாக்கிறீங்களா ? இது என்னோட 200 ஆவது பதிவு அதனால ஏதோ என்னால முடிஞ்ச ஒரு சிறு உபதேசம்.

வாழ்த்துக்கள் நண்பரே உங்களால முடிஞ்ச இந்த பதிப்பு மிக முக்கியமான ஒன்று மக்களுக்கு. நீங்களும் இதைப் போல் தான் இருப்பீர்கள் என்று நினைக்கிறேன் அப்படித்தானே

Manik wrote:வாழ்த்துக்கள் நண்பரே உங்களால முடிஞ்ச இந்த பதிப்பு மிக முக்கியமான ஒன்று மக்களுக்கு. நீங்களும் இதைப் போல் தான் இருப்பீர்கள் என்று நினைக்கிறேன் அப்படித்தானே

நன்றி நண்பர் மாணிக் அவர்களே !

என் எண்ணங்களும் செயல்களுமே இங்கு எழுத்துக்களாக வடிவம் கொண்டுள்ளது

என்ன ? தத்துவமெல்லாம் ரெம்ப ஜாஸ்தியா இருக்கேன்னு பாக்கிறீங்களா ? இது என்னோட 200 ஆவது பதிவு அதனால ஏதோ என்னால முடிஞ்ச ஒரு சிறு உபதேசம்


நாம் வாழும் காலத்தில் பிறருக்காக நாம் செலவிடும் நேரமும் பிறர் நலனுக்காக நாம் செலவிடும் பொருளும் மட்டுமே இந்த உலகத்தில் நம்மை நிரந்தரமாக வாழ வைக்கும்.

இத்தனை பதிவு குறுகிய நாளில்..போகும் வேகம் பார்த்தால் மீனுவை ஓவர் டேக் பண்ணிடுவார் கான்,,உங்க வேகம்..ஈகரை மேல் கொண்ட அக்கறை..ஈடுபாடு ,,எல்லாமே வியக்க வைக்குது கான்.உங்கள் .ஆக்கங்கள் அருமையானவை..அதே போல மற்றவர் ஆக்கங்களும் பொறுமையா படித்து கமெண்ட்ஸ் கொடுக்கும் பண்பும் பார்த்து இருக்கின்றேன்..
இன்னும் உங்களிடம் இருந்து நிறைய எதிர் பார்க்கின்றோம் கான்..உங்கள் பனி தொடர அன்புடன் வாழ்த்தும் அன்பு மீனு

நன்றி மீனு இன்னும் எழுதுவேன்....... நம் ஈகரை நண்பர்களுக்காக......

mdkhan wrote:நன்றி மீனு இன்னும் எழுதுவேன்....... நம் ஈகரை நண்பர்களுக்காக......

ஆமா..எழுதனும்..நாம்தான் ஆவலுடன் காத்து இருக்கின்றோம் கான்..

வணக்கம்
அன்புச் சகோதரர் கான் அவர்களே
இதோ தங்கள் தந்த பொன்மொழிகளுக்கு என்மொழிகள்

மனந்தனை அடக்க மகமதுகான் என்னும்
எனதுடன் பிறந்தான் எடுத்துரைத்த பொன்மொழியைத்
தினந்தோறும் கைக்கொள்ளத் தீதொழிந்து மக்கள்
இனமெல்லாம் இன்பத்தை எய்துவரே இந்நிலத்தில்

அன்பும் ஆதரவும் அனைவர்க்கும் பொதுவென்று
இன்புற்று ஈதலா லீட்டும் இரும்பூது
என்றைக்கும் நம்மை இமைபோல் காக்கின்ற
தன்னிகரில்லா இறைவனவன் தருசுவரக்கம் போலாகும்

செத்தால் அழுதுவிட்டு சிறுபோதில் மறந்திடுவர்
எத்தால் இவ்வுலகத்தில் எந்நாளும் இருந்திடுவோம்?
மெத்தப் படித்தவரும் மேதினியை ஆண்டவரும்
சொத்துமிக சேர்த்தவரும் சுடுகாட்டில் போய்மறைந்தார்

பசித்திருக்கும் ஏழைக்குப் பாசமுடன் சோறிட்டுப்
புசித்திருப்பான் சுவனத்தைப் பூமியிலே வரவழைப்பான்
இசைபெற்று வாழ்ந்திடவே இறைவனருள் ரஹ்மத்தால்
வசையிலா வாழ்வு பெற இம்மாமணியை வாழ்த்துதுமே
அன்புடன்
நந்திதா


பொருள் வேண்டுமாயின் எழுதுக

நன்றி அன்பிற்கு இனிய நந்திதா அக்கா.........

இதுவரை நான் இதுபோன்ற ஆன்மீக சிந்தனை உள்ள பதிவுகள் எத்தனையோ எழுதி இருந்தாலும் இன்றுதான் அதை எழுதியதன் முழு பலனை அடைந்த சந்தோசத்தை அடைகிறேன்.

ஏனென்றால் என் பதிவிற்க்கு நீங்கள் தந்த விளக்கம் அந்த அளவிற்க்கு சிறந்ததாக உள்ளது.

எனக்காக நேரம் எடுத்து என் பதிவிற்க்கு சிறந்த விளக்கம் தந்தமைக்கு மிக்க மகிழ்ச்சி அடைகிறேன்.

மேலும் சிறப்புக்கு சிறப்பு சேர்க்கும் வகையில் இதன் பொருளையும் இங்கு பதிந்தால் மேலும் சந்தோசமே.....

அன்புடன் கான்.

அன்புச் சகோதர கான் அவர்களே
வணக்கம்
நாளைக்காலையில் தரட்டுமா? இப்பொழுது மனமொடிந்த நிலையில் இருக்கிறேன். தங்களைப் பாராட்ட வேண்டும் என்ற ஆவலில் ஓரிரு வரிகள் எழுதி விட்டேன். நீங்கள் அனுமதிப்பீர்கள் என்று நம்புகிறேன்
அன்புடன்
நந்திதா

நல்லது அக்கா........ நாளை தாருங்கள்.......