நீண்ட நேரம் உட்காருவது உயிருக்கு ஆபத்து

vigneshwari · vigneshwari Fri Jun 07, 2013 4:18 pm

நீண்ட காலம் வாழ ஆசையா… இதை உட்கார்ந்து படித்து கொண்டிருப்பவர்கள் எழுந்து நில்லுங்கள். ஆம். ஒரு நாளில் 11 மணி நேரம் வரை உட்கார்ந்து இருப்பவர்களில் 40 சதவீதத்தினர் அடுத்த 3 ஆண்டுகளில் உயிரை விடும் ஆபத்து அதிகம் என்று ஒரு ஆய்வு மிரட்டுகிறது.

ஆஸ்டிரேலியாவின் சிட்னி பல்கலைக்கழக பொதுநல மருத்துவ பிரிவு பேராசிரியர் ஹைட் வான் டெர் பிளாஜ். இவரது தலைமையில் ஒரு குழு நடத்திய ஆய்வில் 2 லட்சம் பேர் பங்கேற்றனர். அதன் அறிக்கை ஏஐஎம் என்ற மருத்துவ இதழில் வெளியானது. அதில் இடம்பெற்ற விவரங்கள்.

நீண்ட நேரம் உட்கார்ந்திருப்பதே பல்வேறு உடல் பாதிப்புகளை ஏற்படுத்தக் கூடியது. பருமன், டயபடீஸ் ஆகியவை அவற்றில் முக்கியமானவை. ஒரு நாளில் 4 மணி நேரத்துக்கு குறைவாக உட்கார்ந்தே இருப்பவர்களுடன் ஒப்பிடுகையில், 11 மணி நேரத்திற்கு அதிகமான நேரம் உட்கார்ந்து இருப்பவர்கள் மிகவும் பாதிக்கப்படுகிறார்கள். இவர்களில் 40 சதவீதத்தினர் அடுத்த 3 ஆண்டுகளில் உயிரிழக்கும் அபாயம் இருக்கிறது.

2 லட்சம் பேரிடம் நடத்தப்பட்ட உடல் உழைப்பு, எடை, உடல் ஆரோக்கிய நிலை ஆகியவற்றின் அடிப்படையில் துல்லியமாக நடத்திய ஆய்வில் இது தெரிய வந்தது. ஜிம்முக்கு போய் உடற்பயிற்சி செய்வது, நீண்ட நடைபயிற்சி ஆகியவையும் அவசியம்தான். ஆனால், அவற்றை விட மிக முக்கியமானது நீண்ட நேரம் ஒரே இடத்தில் உட்காராமல் இருப்பது. உட்கார்ந்தே இருந்தால் பல உடல் பாதிப்புகளை ஏற்படுத்தும்.

அலுவலக நேரத்தில் எத்தனை முறை முடியுமோ 20 முதல் 30 வினாடிகள் வரை எழுந்து நிற்கலாம். போன் பேசும் போது நிற்கலாம். லிப்ட், எஸ்கலேட்டரை தவிர்த்து படிகளில் ஏறலாம். இமெயில் , இன்டர்காம் தகவல் பரிமாற்றம் தவிர்த்து நேரில் சென்று பார்க்கலாம். ஒவ்வொரு 30 நிமிடங்களுக்கு ஒருமுறை இருக்கையை விட்டு எழுந்து சில நிமிடங்கள் நடக்கலாம். குறைந்தபட்சம் உட்கார்ந்த பொசிஷனை மாற்றி தோள்பட்டையை அசைத்து, நீண்ட மூச்சிழுத்து விட்டு தசைகள் அழுத்தத்தை ரிலாக்ஸ் செய்யலாம்.

ஆய்வில் கவனிக்க வேண்டிய விஷயங்கள்,

45 வயதுள்ள 2 லட்சம் பேரிடம் 2009 முதல் 2013 வரை, 5 ஆண்டுகள் ஆய்வு நடத்தப்பட்டது.

ஒரு நாளில் 3 மணி நேரம் வரை உட்கார்ந்திருப்பவரைவிட 6 மணி நேரம் உட்கார்ந்திருப்பவர் 15 ஆண்டுகளுக்குள் இறக்க நேரிடலாம் என்று குறிப்பிடப்பட்டுள்ளது.

பணி நேரம் மட்டுமின்றி ஓய்வை சேர்த்து ஒருநாளில் 90 சதவீத நேரத்தை பெரும்பாலோர் உட்கார்ந்தே செலவிடுகின்றனர். இது முற்றிலும் ஆபத்தானது.

(வெப்துனியா)

யினியவன் · யினியவன் Fri Jun 07, 2013 4:20 pm

யாரோ ட்ரில் மாஸ்டர் எழுதி இருப்பாரோ

பூவன் · பூவன் Fri Jun 07, 2013 5:02 pm

உக்கார்ந்து இருப்பதும் பிரச்சனையா ?

சோகம்

ராஜு சரவணன் · ராஜு சரவணன் Fri Jun 07, 2013 5:05 pm

பூவன் wrote:உக்கார்ந்து இருப்பதும் பிரச்சனையா ?

வேலை செய்யாமல் உக்கார்ந்து இருப்பது தப்புல்ல தல புன்னகை

பூவன் · பூவன் Fri Jun 07, 2013 5:17 pm

ராஜு சரவணன் wrote:
பூவன் wrote:உக்கார்ந்து இருப்பதும் பிரச்சனையா ?

வேலை செய்யாமல் உக்கார்ந்து இருப்பது தப்புல்ல தல

நாங்கெல்லாம் என்னைக்கு வேலை செய்து இருக்கிறோம் , வேலை செய்கிறவரை வேடிக்கை தானே பார்க்கணும் .... சிரி

யினியவன் · யினியவன் Fri Jun 07, 2013 5:20 pm

பூவன் wrote:நாங்கெல்லாம் என்னைக்கு வேலை செய்து இருக்கிறோம் , வேலை செய்கிறவரை வேடிக்கை தானே பார்க்கணும் ....

அவங்க மடீல உக்காறாம இருந்த சரி

பூவன் · பூவன் Fri Jun 07, 2013 5:22 pm

மடிகனினியோடு உக்கார்ந்தாலும் உக்காருவோம் மடியில் உக்கார மாட்டோம் .... சிரி

யினியவன் · யினியவன் Fri Jun 07, 2013 5:39 pm

மடிகனினியா கண்ணிமடியா? புன்னகை

பூவன் · பூவன் Fri Jun 07, 2013 5:42 pm

யினியவன் wrote:மடிகனினியா கண்ணிமடியா?

jenisiva · jenisiva Fri Jun 07, 2013 6:37 pm

பூவன் wrote:உக்கார்ந்து இருப்பதும் பிரச்சனையா ?

உக்கார்ந்து இருப்பது பிரச்சனை இல்லை உக்கார்ந்தே ....இருப்பது தான் பிரச்சனை

Sponsored content · Sponsored content

நீண்ட நேரம் உட்காருவது உயிருக்கு ஆபத்து

நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

Re: நீண்ட நேரம் உட்காருவது உயிருக்கு ஆபத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக