பணிந்தார் சீனிவாசன்: தலைவர் பதவி பறிபோகுமா???

**அருண்** · **அருண்** Sat 1 Jun 2013 - 14:21

மும்பை: இந்திய கிரிக்கெட் போர்டின் (பி.சி.சி.ஐ.,) அவசர செயற்குழு வரும் 8ம் தேதி மும்பையில் கூடுகிறது. இதில், சூதாட்ட பிரச்னையில் சிக்கியுள்ள சீனிவாசன், தலைவர் பதவியில் இருந்து நீக்கப்படுவார் என்று தெரிகிறது.

ஆறாவது பிரிமியர் கிரிக்கெட் தொடரில் "ஸ்பாட் பிக்சிங்கில்' ஸ்ரீசாந்த், சண்டிலா, அங்கித் சவான் சிக்கினர். தொடர்ந்து நடந்த விசாரணையில் சென்னை அணியின் "கவுரவ' உறுப்பினர் குருநாத் மெய்யப்பன் கைதாகினர்.

இவர், பி.சி.சி.ஐ., தலைவர் சீனிவாசனின் மருமகன் என்பதால், பதவியில் இருந்து விலகுமாறு நெருக்கடி ஏற்பட்டது. இவரை நீக்க வேண்டும் என்பதில் பி.சி.சி.ஐ., உறுப்பினர்கள் உறுதியாக உள்ளனர்.

எதிர்ப்பு அதிகம்:

மொத்தமுள்ள 30 ("டை' ஏற்பட்டால், தலைவரின் ஒரு ஓட்டு தனி) உறுப்பினர்களில் 24 பேர் ஆதரவு இருந்தால் தான், இவரை பதவியில் இருந்து நீக்க முடியும். தற்போதைய நிலையில் இவருக்கு எதிராக டில்லி, பஞ்சாப், இமாசல பிரதேசம், குஜராத், ராஜஸ்தான், மத்திய பிரதேசம், பெங்கால், தேசிய கிரிக்கெட் கிளப், விதர்பா, அசாம், மும்பை, மகாராஷ்டிரா, சவுராஷ்டிரா, ரயில்வேஸ், சர்வீசஸ், இந்தியன் யுனிவர்சிட்டீஸ், ஐதராபாத் மற்றும் உ.பி., என மொத்தம் 18 உறுப்பினர்கள் எதிர்ப்பு தெரிவித்துள்ளனர்.

ஆதரவு "7':

ஆதரவாக தமிழகம், திரிபுரா, ஒடிசா, கேரளா, கர்நாடகா, காஷ்மீர் மற்றும் தலைவர் (சீனிவாசன்) ஓட்டு சேர்த்து 7 பேர் உள்ளனர். பரோடா, அரியானா, கிரிக்கெட் கிளப் ஆப் இந்தியா, ஆந்திரா, கோவா மற்றும் ஜார்க்கண்ட் ஆகிய 6 பேர் நடுநிலையாக உள்ளனர்.

மிரட்டல் தொடர்கிறது:

தலைவரை பதவியில் இருந்து நீக்குவதற்கான தீர்மானம் கொண்டு வர குறைந்தது 10 பேர் தேவை. எதிர்ப்பு அதிகரித்த (18) நிலையில், சமீபத்திய "பிக்சிங்' புகார் குறித்து விவாதிக்க வேண்டும். எனவே செயற்குழுவை கூட்ட வேண்டும் என, இமாச்சல பிரதேச கிரிக்கெட் சங்கத் தலைவர் அனுராக் தாகூர், உள்ளிட்ட பலர் சீனிவாசனை கேட்டுக்கொண்டனர்.

இப்படி பலதரப்பில் இருந்தும் நெருக்கடி முற்றிய நிலையில், வேறுவழியின்றி பணிந்த சீனிவாசன் வரும் 8ம் தேதி அவசர செயற்குழு கூட்ட அழைப்பு விடுத்தார். இந்த கூட்டத்தில் இவரது தலை தப்புவது கடினம் தான்.

நிர்வாகிகள் ராஜினாமா!

சீனிவாசனுக்கு எதிர்ப்பு தெரிவிக்கும் வகையில், பி.சி.சி.ஐ., பொருளாளர் அஜய் ஷிர்கே, செயலர் சஞ்சய் ஜக்டலே ஆகியோர் தங்களது பதவியை ராஜினாமா செய்தனர். தொடர்ந்து பல நிர்வாகிகளும் பதவி விலக முடிவு செய்திருப்பதால், சீனிவாசனுக்கு கூடுதல் நெருக்கடி ஏற்பட்டுள்ளது.

தினமலர்!

positivekarthick · positivekarthick Sat 1 Jun 2013 - 16:30

ஓவரா ஆசை படக் கூடாது .பட்டா இப்படித்தான் !!!!!!!!!!!!!!!!!!!!!!!! .இதுதான் நீதி !!!!!!!!!!!!!!

**ராஜா** · **ராஜா** Sat 1 Jun 2013 - 17:36

சில வருடங்களாக இந்திய அணியில் தமிழக வீரர்களின் தலை தெரிந்துகொண்டிருந்தது இனி அது அத்தி பூத்தாற்போல ஒரு அப்பப்ப யாராவது ஒரு வீரர் இடம்பிடிப்பார்.

ஒரு காலத்தில் அஜித் அகர்கர் என்றொருவர் எவ்வளவு மோசமாக விளையாடினாலும் இந்திய அணியில் இடம்பிடித்து கொண்டிருப்பார் அதுபோல இனி சில மும்பை வீரர்கள் தொடர்ந்து அணியில் இடம்பிடித்து கொண்டுருப்பார்கள். (சச்சின் கூட 50 வயது வரைக்கும் விளையாட வாய்ப்புள்ளது)

**Muthumohamed** · **Muthumohamed** Sat 1 Jun 2013 - 19:25

ராஜா wrote:சில வருடங்களாக இந்திய அணியில் தமிழக வீரர்களின் தலை தெரிந்துகொண்டிருந்தது இனி அது அத்தி பூத்தாற்போல ஒரு அப்பப்ப யாராவது ஒரு வீரர் இடம்பிடிப்பார்.

ஒரு காலத்தில் அஜித் அகர்கர் என்றொருவர் எவ்வளவு மோசமாக விளையாடினாலும் இந்திய அணியில் இடம்பிடித்து கொண்டிருப்பார் அதுபோல இனி சில மும்பை வீரர்கள் தொடர்ந்து அணியில் இடம்பிடித்து கொண்டுருப்பார்கள். (சச்சின் கூட 50 வயது வரைக்கும் விளையாட வாய்ப்புள்ளது)

நீங்க சொல்வது போல் கொஞ்சம் நடக்கிறது

ஒரு சில வீரர்களை தவிர்த்து பலருக்கும் இப்போது பார்ம் முக்கியம் இல்ல விட்டால் வெளியே இருக்க வேண்டியது தான்