காதலை வெளிப்படுத்த காதல் மாத்திரை

**krishnaamma** · **krishnaamma** Thu Feb 14, 2013 9:16 pm

காதலர் தினத்தை விதவிதமாக கொண்டாடுவதும், பல விதங்களில் காதலை பகிர்வதும் வாடிக்கை. ஆனால், காதலை சொல்ல சந்தையில் தற்போது விற்பனையில் உள்ள காதல் மாத்திரைகள் பற்றி தெரியுமா உங்களுக்கு?

காதலர் தினத்தை முன்னிட்டு வாழ்த்து அட்டை, ரோஜாக்கள் கொடுத்த காலம் மலையேறி விட்டது. தற்போது தனியார் சேனல்கள் மூலமாக காதலர்கள் தங்களின் துணைகளை ஆச்சரியமூட்டுவதற்கும், காதலர்கள் தங்கள் வாழ்த்துக்களை பரிமாறிக் கொள்வதற்கும் வசதிகள் இருக்கின்றன. ஆனால், இதையெல்லாம் மிஞ்சும் அளவிற்கு காதலை சொல்ல, 'லவ்'ெமாத்திரை பிரத்தியேகமாக விற்பனைக்கு வந்துள்ளது.

வாஷிங்டனில் காதலை சொல்வதற்கு இந்தாண்டின் புதுவரவு இந்த 'லவ்’ மாத்திரை. இம்மாத்திரை, சாப்பிடுவதற்காக என்று நினைத்து விட வேண்டாம். காதலை வெளிப்படுத்த மட்டும் தான் இந்த மாத்திரை. மருந்து அடைக்கப்படும் கேப்சூலின் உள்ளே, சிறிய இதயம் படத்துடன் உள்ள பேப்பரில் காதலர்கள் சொல்ல நினைப்பதை எழுதி தரும்படி இந்த லவ்’ மாத்திரை வடிவமைக்கப்பட்டுள்ளது.

ஒரு பாட்டிலில், ஆறு மாத்திரைகள் வைக்கப்பட்டுள்ளன. இதன் விலை 60 ரூபாய். வித்தியாசமான விஷயமாக இருப்பதால் காதலர்கள் மத்தியில் இந்த கேப்சூல் பெறும் வரவேற்பை பெற்றுள்ளது.