நறுமணம் வீசும் தோனி.............

DERAR BABU · DERAR BABU Fri 1 Feb 2013 - 12:13

துபாய்:நறுமணப் பொருட்கள் தயாரித்து விற்கும் தொழிலில் கால் பதித்துள்ளார் இந்திய கிரிக்கெட் அணி கேப்டன் தோனி.பிரபல டென்னிஸ் வீரர் சுவிட்சர்லாந்தின் ரோஜர் பெடரர், இங்கிலாந்து கால்பந்து நட்சத்திரம் டேவிட் பெக்காம் ஆகியோர், சர்வதேச அளவில் நறுமணப் பொருட்களை விற்பனை செய்து வருகின்றனர்.

இந்த வரிசையில் கேப்டன் தோனியும் இறங்கியுள்ளார்.இத்துறையில் கால் பதிக்கும் முதல் இந்திய வீரர் தோனி தான். இதற்கு தோனியின் அதிர்ஷ்ட எண்ணான 7ஐ சேர்த்து, 7 பை எம்.எஸ்.தோனி என பெயரிடப்பட்டுள்ளது.

துபாயில் நடந்த விழாவில், 6 வகையான பாடி ஸ்பிரே வகையை அறிமுகம் செய்தார் தோனி.இதுகுறித்து தோனி கூறியது:கடந்த 1981, ஜூலை 7ல் பிறந்தேன். எனது ஜெர்சி எண் 7. மொத்தத்தில் எனது ராசியான எண் 7, மிகவும் ஸ்பெஷலானது. இந்த எண்ணை மிகவும் நேசிக்கிறேன். நெகடிவ் அல்லது பாசிடிவ் என இரண்டுக்கும் இல்லாமல் நடுநிலையானது இந்த எண். இதனால் தான் பெயரிலும் இதை சேர்த்துள்ளேன்.

கிரிக்கெட்டில் பெரும்பாலும் ஸ்டிரைட் டிரைவ் அல்லது கவர் டிரைவ் மற்றும் ஆர்தோடாக்ஸ் என ஆறு வகையான ஷாட்டுகள் உண்டு. இதில் ஹெலிகாப்டர் ஷாட்டும் ஒன்றாக இருக்கலாம்.என்னை தொடர்ந்து பின்பற்றுபவர்களுக்கு இது குறித்து தெரியாமல் இருக்காது. இதை நினைவு படுத்தும் வகையில் உள்ளது தான் எனர்ஜி சென்ட். சற்று ஸ்பெஷலான ஹெலிகாப்டர் ஷாட் என்று கூறலாம்.இவ்வாறு தோனி கூறினார்.......

தினமலர்