தேவநாதப் பெருமாள் கோயில் கருவறையில் புகுந்த பெண்

DERAR BABU · DERAR BABU Fri Nov 30, 2012 11:57 am

கடலூர் திருவந்திபுரம் தேவநாதப் பெருமாள் கோயில் கருவறையில் 18 வயது பெண் திடீரென புகுந்ததால் பரபரப்பு ஏற்பட்டது. இதைத் தொடர்ந்து நடை அடைக்கப்பட்டு பரிகார பூஜைகள் நடத்தப்பட்டன.

÷கடலூர் அருகே திருவந்திபுரத்தில் இதிகாச மற்றும் புராண புகழ்பெற்ற ஸ்ரீ தேவநாதப் பெருமாள் கோயில் உள்ளது. வைணவர்களின் 108 திவ்யதேச கோயில்களில் இக்கோயில் சிறப்பு பெற்றது. இதனால் எப்போதும் இக்கோயிலில் பக்தர்களின் கூட்டம் காணப்படும்.

÷புதன்கிழமை வழக்கம் போல் கோயில் நடை திறக்கப்பட்டு பூஜைகள் நடத்தப்பட்டன. மேலும் திருக்கார்த்திகையை முன்னிட்டு, சிறப்பு பூஜைகளும் நடந்தன. காலை 8.30 மணி அளவில் தரிசனத்துக்கு வந்த இளம்பெண் ஒருவர் திடீரென கோயில் கருவறைக்குள் நுழைந்து சிலைகளை தொட்டதாக கோயில் பட்டாச்சாரியார் ஒருவர் தெரிவித்தார்.

÷இதனால் கோயிலில் பரபரப்பு ஏற்பட்டது.

÷சம்பவத்தை தொடர்ந்து அறநிலைத் துறை அதிகாரிகள் கோயில் நடையை அடைத்தனர். பின்னர் புலவனூரில் உள்ள கண்ணன் பட்டாச்சாரியாரை அழைந்து வந்து ஜல சம்ப்ரோக்ஷண பரிகார பூஜைகள் செய்ததைத் தொடர்ந்து மாலை 5 மணிக்கு மீண்டும் கோயில் நடை திறக்கப்பட்டது.

÷இச்சம்பவத்தால் கோயிலுக்கு வந்த பக்தர்கள் ஏராளமானோர் தரிசனம் செய்ய முடியாமல் ஏமாற்றத்துடன் திரும்பிச் சென்றனர்.

÷இது குறித்து கோயில் செயல் அலுவலர் நாகராஜன் அளித்த புகாரின் பேரில் திருப்பாப்புலியூர் போலீஸôர் விசாரணை நடத்தி வருகின்றனர்.

÷கோயில் கருவறையில் புகுந்த பெண், கடலூர் மஞ்சக்குப்பம் பகுதியைச் சேர்ந்தவர் எனவும், பிரிந்துள்ள தாய், தந்தை ஒன்றிணைய வேண்டும் என்ற நோக்கில் கருவறையில் புகுந்ததாகவும் தெரிய வருகிறது ......................

பெண்கள் பூசாரிகளாக பூஜை செய்யும் இந்த காலத்தில் இதெல்லாம் ஒரு விஷயமா .

தினமணி

தேவநாதப் பெருமாள் கோயில் கருவறையில் புகுந்த பெண்

தேவநாதப் பெருமாள் கோயில் கருவறையில் புகுந்த பெண்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக