கனவுகள்

கனவுகளை கெட்டியாயப் பிடித்துக் கொள்ளுங்கள்
கனவுகள் செத்துப் போனால்
வாழ்க்கை பறக்க முடியாத சிறகொடிந்த பறவை.
கனவுகளை கெட்டியாயப் பிடித்துக் கொள்ளுங்கள்
கனவுகள் காணாமற்போனால்
வாழ்வு பனிபடிந்த ஒரு களர்நிலம்.
- Langston Hughes (Dreams)

வாழ்க்கையின் கீதம்

சோக கீதங்கள் இசைக்காதீர்;
வாழ்க்கை ஒரு வெறுங்கனவென்று.
உறங்கிக் கொண்டிருக்கும் ஆன்மா செத்துப்போனது.
நீங்கள் பார்க்கும் விஷயங்கள் உண்மையல்ல.

வாழக்கை நிஜமானது; வாழ்க்கை செயல் முனைப்புடையது.
கல்லறை அதன் இலக்கல்ல
மண்ணாயிருக்கிறாய்;மண்ணுக்குத் திரும்புவாய்-
ஆன்மாவுக்குச் சொல்லப்பட்டது அல்ல.

மகிழ்ச்சியும் சரி; சோகமும் சரி;
அறுதியான முடிவுகள் அல்ல.
செயல்பட வேண்டும்; செயல்பட வேண்டும்.
ஒவ்வொரு நாளும் வேகமாக.

கலைக்குக் கரையில்லை; நேரத்துக்கோ முடிவுண்டு.
அஞ்சாநெஞ்களும் சாவுப்பறை முழக்கிக் கொண்டு
கல்லறைக்கு விரைகின்றன.

உலகின் பரந்த போர்க்களத்தில்,
வாழ்க்கை என்னும் கூடாரத்தில்
இடையர்களின் மந்தையைப் போலிருக்காதீர்கள்.
கதாநாயகர்களாக இருங்கள்.

வருங்காலத்தை நம்பாதீர்- இனியதாக இருந்தாலும்,
இறந்தகாலம் தன்னில் இறந்தவரைப் புதைக்கட்டும்
நிகழ்காலத்தில் செயல்படுங்கள்
இதயத்தில் ஊக்கத்துடன்.

மாமனிதர்களின் வாழ்க்கை நமக்கு நினைவுபடுத்துகிறது;
வாழ்க்கையை அழகாக்குவதைப் பற்றி
நம்மை விட்டுப் போகும் போது
காலமண்ணில் பதித்துச் சென்ற காலடிச் சுவடுகளைப் பற்றி

தடுமாறிப் போன தனிமனிதனொருவன்
காலடிச்சுடுகளைக் கண்டு ஊக்கம் அடைகிறான்.

எழுந்து நின்று செயல்படுவோம்;
எதையும் தாங்கும் இதயம் கொள்வோம்;
செயல்படுவோம்; சாதிப்போம்;
பணிபுரிவோம்; காத்திருப்போம் (Psalm Of life- Henry Wadsworth longfellow)

ஊக்கம் ஊட்டும் உணர்வு பூர்வமான வரிகள்...

ஆழமான அர்த்தங்களுடன் அழகான உரைநடை உடன் கவிதை அருமை,

வாழச் சொல்லும் வரிகள் நன்று.

அழகான வரிகள்