கன்னி நான் வெட்கத்தில் மறைத்தேன்

சதாசிவம் · சதாசிவம் Sun Apr 29, 2012 11:19 am

காத்து காத்து பார்த்தேன்
காலம் காலமாய் ரசித்தேன்
கனிந்த நட்பு கலையுமா பயந்தேன்
காதல் வார்த்தை பல விழுங்கி இருந்தேன்

கனவு கண்டு கண்டு மகிழ்தேன்
கடவுள் கடவுளாய் ஏறிறங்கி சலித்தேன்
காணும் கண்ணியரை பழித்தேன்
கால்தடம் உடன் நடந்து சிலிர்த்தேன்

காணும் காளையர் வரணை தவிர்த்தேன்
காலம் இனிதாய் கனியுமா பொறுத்தேன்
கன்னி நான் வெட்கத்தில் மறைத்தேன்
கனவுகானும் ஊமையாய் தவித்தேன்

காத்தேன், பார்த்தேன்,
கண்டு கண்டு ரசித்தேன்,
கனிந்தேன், இளைத்தேன்,
கனவில் மட்டும் வாழ்தேன்

காதல் சொல்ல மறந்தேன்
காதலனின் கல்யாண மடல்பார்த்தேன்
கானகத்து குயிலாய் தனிமையில் திளைத்தேன்
கன்னியராய் பிறந்ததற்கு மனதுக்குள் அழுதேன்

கடவுள் இல்லையென உள்ளுக்குள் உணர்ந்தேன்